સ્કંદ પુરાણ · અધ્યાય 7.28

॥ પુલસ્ત્ય ઉવાચ ॥ ॥
તતો ગચ્છેન્નૃપશ્રેષ્ઠ સુપુણ્યં માનુષં હ્રદમ્ ॥
યત્ર સ્નાતો નરઃ સમ્યઙ્મનુષ્યો જાયતે સદા

ન તિર્યક્ત્વમવાપ્નોતિ કૃત્વાઽપિ બહુપાતકમ્ ॥
તત્રાશ્ચર્યમભૂત્પૂર્વં યત્તચ્છૃણુ નરાધિપ

મૃગયૂથમનુપ્રાપ્ત વ્યાધવ્યાપ્તં સમન્તતઃ ॥
તે મૃગા ભયસન્ત્રસ્તાઃ પ્રવિષ્ટા જલમધ્યતઃ

સદ્યો મનુષ્યતાં પ્રાપ્તાઃ પૂર્વજાતિસ્મરાસ્તથા ॥
એતસ્મિન્નેવ કાલે તુ વ્યાધાસ્તે સમુપાગતાઃ

ચાપબાણધરાઃ સર્વે યથા વૈ યમકિંકરાઃ ॥
પપ્રચ્છુશ્ચ મૃગાન્ભૂપ માનુષત્વમુપાગતાન્

મૃગયૂથમનુ પ્રાપ્તમસ્મિન્સ્થાને જલાશ્રયે ॥
કેન માર્ગેણ તદ્યાતં વદધ્વં સત્વરં હિ નઃ ॥
વયં સર્વે પરિશ્રાંતાઃ ક્ષુત્તૃડ્ભ્યાં ચ વિશેષતઃ

॥ મનુષ્યા ઊચુઃ ॥ ॥
વયં તે હરિણાઃ સર્વે માનુષ્યં ભાવમાશ્રિતાઃ ॥
તીર્થસ્યાસ્ય પ્રભાવેણ સત્યમેતદસંશયમ્

॥ પુલસ્ત્ય ઉવાચ ॥ ॥
તતસ્તે શબરાઃ સર્વે ત્યક્ત્વા ચાપાનિ પાર્થિવ ॥
કૃત્વા સ્નાનં જલે તસ્મિન્સદ્યઃ સિદ્ધિં ગતા નૃપ

તતઃ શક્રસ્તુ તદ્દૃષ્ટ્વા તીર્થં પાપહરં નૃપ ॥
પૂરયામાસ સર્વત્ર પાંસુભિર્નૃપસત્તમ

અદ્યાપિ મનુજાસ્તત્ર બુધાષ્ટમ્યાં નરાધિપ ॥
સ્નાનં યે પ્રકરિષ્યંતિ તિર્યક્ત્વં ન વ્રજંતિ તે

પિતૃમેધફલં કૃત્સ્નં શ્રાદ્ધદાનાદવાપ્નુયુઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખંડે મનુષ્યતીર્થપ્રભાવ વર્ણનંનામાષ્ટાવિંશોઽધ્યાયઃ