સ્કંદ પુરાણ · શ્લોક 7.27-3

॥ ઈશ્વર ઉવાચ ॥ ॥
અથ તત્રૈવ દેવેશિ લિંગં ગન્ધર્વસેનયા ॥
સ્થાપિતં ઘનવાહસ્ય પુત્ર્યા ગૌરીસમીપતઃ

ધનુષાં ત્રિતયે તત્ર સ્થિતં પૂર્વવિભાગતઃ ॥
વિમલેશ્વરનામાનં સર્વરોગવિનાશનમ્

પૂજયિત્વા તૃતીયાયાં દૌર્ભાગ્યૈર્મુચ્યતેઽઙ્ગના ॥
સર્વાન્કામાનવાપ્નોતિ પુત્રપૌત્રપ્રતિષ્ઠિતા

ઇતિ વ્રતં મહાદેવિ ત્રેતાસંધ્યાંશકે ગતે ॥
ગન્ધર્વસ્યૈવમાખ્યાતં શ્રુતં પાતકનાશનમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ગન્ધર્વસેનેશ્વરમાહાત્મ્યવર્ણનંનામ સપ્તવિંશોઽધ્યાયઃ ॥