સ્કંદ પુરાણ · અધ્યાય 7.279

॥ ઈશ્વર ઉવાચ ॥
તતો ગચ્છેન્મહાદેવિ ચ્યવનાર્કમનુત્તમમ્ ॥
હિરણ્યાપૂર્વભાગસ્થં ચ્યવનેન પ્રતિષ્ઠિતમ્

સર્વકામપ્રદં નૃણાં પૂજિતં વિધિવન્નરૈઃ ॥
સપ્તમ્યાં ચ વિધાનેન યઃ સ્તોષ્યતિ રવિં નરઃ

અષ્ટોત્તરશતૈર્નામ્નાં સમ્યક્છ્રદ્ધાસમન્વિતઃ ॥
શૃણુ તાનિ મહાદેવિ શુચિર્ભૂત્વા સમાહિતઃ

ક્ષણં ત્વં કુરુ દેવેશિ સર્વં વક્ષ્યામ્યશેષતઃ ॥
ધૌમ્યેન તુ યથાપૂર્વં પાર્થાય સુમહાત્મને

નામાષ્ટશતમાખ્યાતં તચ્છૃણુષ્વ મહામતે ॥
સૂર્યોઽર્યમા ભગસ્ત્વષ્ટા પૂષાઽર્કઃ સવિતા રવિઃ

ગભસ્તિમાનજઃ કાલો મૃત્યુર્દ્ધાતા પ્રભાકરઃ ॥
પૃથિવ્યાપશ્ચ તેજશ્ચ ખં વાયુશ્ચ પરાયણઃ

સોમો બૃહસ્પતિઃ શુક્રો બુધોંઽગારક એવ ચ ॥
ઇન્દ્રો વિવસ્વાન્દીપ્તાંશુઃ શુચિઃ સૌરિઃ શનૈશ્ચરઃ ॥

બ્રહ્મા રુદ્રશ્ચ વિષ્ણુશ્ચ સ્કન્દો વૈશ્રવણો યમઃ ॥
વૈદ્યુતો જાઠરશ્ચાગ્નિરિંધનસ્તેજસાં પતિઃ

ધર્મધ્વજો વેદકર્ત્તા વેદાંગો વેદવાહનઃ ॥
કૃતં ત્રેતા દ્વાપરશ્ચ કલિઃ સર્વામરાશ્રયઃ

કલાકાષ્ઠામુહૂર્ત્તાશ્ચ પક્ષા માસા અહર્નિશાઃ ॥
સંવત્સરકરોઽશ્વસ્થઃ કાલચક્રો વિભાવસુઃ

પુરુષઃ શાશ્વતો યોગી વ્યક્તાવ્યક્તઃ સનાતનઃ ॥
લોકાધ્યક્ષઃ પ્રજાધ્યક્ષો વિશ્વકર્મા તમોનુદઃ

વરુણઃ સાગરોંશુશ્ચ જીવન્તો જીવનોઽરિહા ॥
ભૂતાશ્રયો ભૂતપતિઃ સર્વભૂતનિષેવિતઃ

સ્રષ્ટા સંવર્ત્તકો વહ્નિઃ સર્વસ્યાદિકરોઽમલઃ ॥
અનંતઃ કપિલો ભાનુઃ કામદઃ સર્વતોમુખઃ

જયો વિષાદો વરદઃ સર્વધાતુનિષેવિતઃ ॥
સમઃ સુવર્ણો ભૂતાદિઃ શીઘ્રગઃ પ્રાણધારકઃ

ધન્વંતરિર્ધૂમકેતુરાદિદેવોઽદિતેઃ સુતઃ॥
દ્વાદશાત્માઽરવિંદાક્ષઃ પિતા માતા પિતામહઃ

સ્વર્ગદ્વારં પ્રજાદ્વારં મોક્ષદ્વારં ત્રિવિષ્ટપમ્ ॥
દેહકર્ત્તા પ્રશાંતાત્મા વિશ્વાત્મા વિશ્વતોમુખઃ ॥
ચરાચરાત્મા સૂક્ષ્માત્મા મૈત્રેણ વપુષાઽન્વિતઃ

એતદ્વૈ કીર્તનીયસ્ય સૂર્યસ્યામિતતેજસઃ ॥
નામ્નામષ્ટોત્તરશતં પ્રોક્તં શક્રેણ ધીમતા

શક્રાચ્ચ નારદઃ પ્રાપ્તો ધૌમ્યસ્તુ તદનન્તરમ્ ॥
ધૌમ્યાદ્યુધિષ્ઠિરઃ પ્રાપ્ય સર્વાન્કામાનવાપ્તવાન્

એતાનિ કીર્તનીયસ્ય સૂર્યસ્યામિતતેજસઃ ॥
નામાનિ યઃ પઠેન્નિત્યં સર્વાન્કામાનવાપ્નુયાત્

સુરપિતૃમનુજયક્ષસેવિતમસુરનિશાચરસિદ્ધવંદિતમ્ ॥
વરકનકહુતાશનપ્રભં ત્વમપિ નમ હિતાય ભાસ્કરમ્

સૂર્યોદયે યસ્તુ સમાહિતઃ પઠેત્સ પુત્રલાભં ધનરત્નસંચયાન્ ॥
લભેત જાતિસ્મરતાં સદા નરઃ સ્મૃતિં ચ મેધાં ચ સ વિંદતે પુમાન્ ॥

ઇમં સ્તવં દેવવરસ્ય યો નરઃ પ્રકીર્ત્તયેચ્છુદ્ધમનાઃ સમાહિતઃ ॥
સ મુચ્યતે શોકદવાગ્નિસારાલ્લભેત કામાન્મનસા યથેપ્સિતાન્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ચ્યવનાદિત્યમાહાત્મ્યસૂર્યાષ્ટોત્તરશતનામ માહાત્મ્યવર્ણનંનામૈકોનાશીત્યુત્તરદ્વિશતતમોઽધ્યાયઃ