સ્કંદ પુરાણ · અધ્યાય 7.277

તત્રૈવ સંસ્થિતં પશ્યેદ્ભૂધરંનામ નામતઃ ॥
ઉદ્ધૃત્ય પૃથિવીં યસ્માદ્દંષ્ટ્રાગ્રેણ દધાર સઃ

ભૂધરસ્તેન ચાખ્યાતો દેવિકાતટસંસ્થિતઃ ॥
વેદપાદો યૂપદંષ્ટ્રઃ ક્રતુદન્તઃ સ્રુચીમુખઃ

અગ્નિજિહ્વો દર્ભરોમા બ્રહ્મશીર્ષો મહાતપાઃ ॥
અહોરાત્રેક્ષણપરો વેદાંગશ્રુતિભૂષણઃ

આદ્યનાસઃ સ્રુવતુંડઃ સામઘોષસ્વનો મહાન્ ॥
પ્રાગ્વંશકાયો દ્યુતિમા ન્નાનાદીક્ષાવિરાજિતઃ

દક્ષિણાહૃદયો યોગી મહાસત્રશયો મહાન્ ॥
ઉપાકર્મોષ્ઠરુચકઃ પ્રવર્ગ્યાવર્તભૂષણઃ

નાનાચ્છન્દોગતિપથો બ્રહ્મોક્તક્રમવિક્રમઃ ॥
ભૂત્વા યજ્ઞવરાહોઽસૌ તત્ર સ્થાને સ્થિતોઽભવત્

પુષ્યમાસે હ્યમાવાસ્યામેકાદશ્યામથાપિ વા ॥
પ્રાપ્તે પ્રાવૃષિ કાલે ચ જ્ઞાત્વા કન્યાગતં રવિમ્

પાયસં ગુડસંયુક્તં હવિષ્યં ચ ગુડપ્લુતમ્ ॥
નમો વઃ પિતરો રસાય અન્નાદ્યમભિમંત્રયેત્

તેજોઽસિશુક્રમિત્યાજ્યં દધિક્રાવ્ણેન વૈ દધિ ॥
ક્ષીરમાજ્યાય મન્ત્રેણ વ્યઞ્જનાનિ ચ યાનિ તુ

ભક્ષ્યભોજ્યાનિ સર્વાણિ મહાનિન્દ્રેણ દાપયેત્ ॥
સંવત્સ રોનિયો મંત્રં જપ્ત્વા તેનોદકં દ્વિજઃ

એવં સંભોજ્ય વૈ વિપ્રાન્પિણ્ડદાનં તુ દાપયેત્ ॥
ઇત્યનેન વિધાનેન યસ્તત્ર શ્રાદ્ધકૃદ્ભવેત્

તસ્ય તૃપ્તાસ્તુ પિતરો યાવદિંદ્રાશ્ચતુર્દ્દશ ॥
ગયાશ્રાદ્ધં વિનાપીહ ગયાશ્રાદ્ધફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે દેવિકામાહાત્મ્યે ભૂધરયજ્ઞવરાહમાહાત્મ્યવર્ણનંનામ સપ્તસપ્તત્યુત્તરદ્વિશતતમોઽધ્યાયઃ