સ્કંદ પુરાણ · અધ્યાય 7.219

॥ ઈશ્વર ઉવાચ ॥ ॥
તસ્માદાગ્નેયકોણે તુ માર્કંડેયસમીપગમ્ ॥
ગુહાલિંગં મહાદેવિ નીલકણ્ઠેતિ વિશ્રુતમ્

વિષ્ણુના પૂજિતં પૂર્વં સર્વ પાતકનાશનમ્

તત્ર યઃ પૂજયેદ્ભક્ત્યા તલ્લિંગં પાપમોચનમ્॥
સ પુત્રપશુમાન્ધીમાન્મોદતે પૃથિવીતલે

એવં તત્ર મહાદેવિ માર્કણ્ડેયેશ સન્નિધૌ ॥
ઋષીણામાશ્રમા યેઽત્ર દૃશ્યન્તેઽદ્યાપિ ભામિનિ

અષ્ટાશીતિસહસ્રાણિ ઋષીણામૂર્ધ્વરેતસામ્ ॥
તત્ર સ્થિતાનિ દેવેશિ માર્કણ્ડેયાશ્રમાંતિકે

ઋષીણાં ચ ગુહાસ્તત્ર સર્વા લિંગસમન્વિતાઃ ॥
દૃશ્યન્તે પુણ્યતપસાં તદાશ્રમનિવાસિનામ્

તત્ર યઃ સ્થાપયેલ્લિંગં માર્કંડેશસમીપગમ્॥
કુલાનાં શતમુદ્ધૃત્ય મોદતે દિવિ દેવવત્

સર્વે શિવમયા લોકાઃ શિવે સર્વં પ્રતિષ્ઠિતમ્ ॥
તસ્માચ્છિવં યજેદ્વિદ્વાન્ય ઇચ્છેચ્છ્રિયમાત્મનઃ

શિવભક્તો ન યો રાજા ભક્તોઽન્યેષુ સુરેષુ ચ ॥
સ્વપતિં યુવતી ત્યક્ત્વા રમતેઽન્યેષુ વૈ યથા

બ્રહ્માદયઃ સુરાઃ સર્વે રાજાનશ્ચ મહર્દ્ધિકાઃ ॥
માનવા મુનયશ્ચૈવ સર્વે લિંગં યજંતિ ચ

સ્વનામકૃતચિહ્નાનિ લિંગાનીંદ્રાદિભિઃ ક્રમાત્ ॥
સ્થાપિતાનિ યથા સ્થાને માનવૈરપિ ભૂરિશઃ

સ્થાપનાદ્બ્રહ્મહત્યાં ચ ભ્રૂણહત્યાં તથૈવ ચ ॥
મહાપાપાનિ ચાન્યાનિ નિસ્તીર્ણાઃ શિવતેજસા

વૃત્રં હત્વા પુરા શક્રો માહેન્દ્રં સ્થાપ્ય શંકરમ્ ॥
લિંગં ચ મુક્તપાપૌઘસ્તતોઽસૌ ત્રિદિવં ગતઃ

સ્થાપયિત્વા શિવં સૂર્યો ગંગાસાગરસંગમે ॥
નિરામયોઽભૂત્સોમશ્ચ પ્રભાસે પશ્ચિમોદધેઃ

કાશ્યાં ચૈવ તથાદિત્યઃ સહ્યે ગરુડકાશ્યપૌ ॥
પ્રતિષ્ઠાં પરમાં પ્રાપ્તૌ પ્રતિષ્ઠાપ્ય જગત્પતિમ્

ખ્યાતદોષા હ્યહિલ્યાઽપિ ભર્તૃશપ્તાઽભવત્તદા ॥
સ્થાપ્યેશાનં પુનઃ સ્ત્રીત્વં લેભે પુત્રાંસ્તથોત્તમાન્

પશ્યંત્યદ્યાપિ યાઃ સ્નાત્વા તત્રાહિલ્યેશ્વરં સ્ત્રિયઃ ॥
પુરુષાશ્ચાપિ તદ્દોષૈર્મુચ્યન્તે નાત્ર સંશયઃ

સ્થાપયિત્વેશ્વરં શ્વેતશૈલે બલિવિરોચનૌ ॥
ઉભાવપિ હિ સંજાતાવમરૌ બલિનાં વરૌ ॥

રામેણ રાવણં હત્વા સસૈન્યં ત્રિદશેશ્વરમ્ ॥
સ્થાપિતો વિધિવદ્ભક્ત્યા તીરે નદનદીપતેઃ

સ્વાયંભુવર્ષિદૈવાદિલિંગહીના ન ભૂઃ ક્વચિત ॥ વ્યા
પારાન્સકલાંસ્ત્યક્ત્વા પૂજયધ્વં શિવં સદા ॥
નિકટા ઇવ દૃશ્યંતે કૃતાંતનગરોપગાઃ

દેવિ કિં બહુનોક્તેન વર્ણિતેન પુનઃ પુનઃ ॥
પ્રભાસક્ષેત્રસારં તુ માર્કણ્ડેયાશ્રમં પ્રતિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસ ક્ષેત્રમાહાત્મ્યે માર્કણ્ડેયેશ્વરમાહાત્મ્યવર્ણનંનામૈકોનવિંશત્યુત્તરદ્વિશતતમોઽધ્યાયઃ