સ્કંદ પુરાણ · શ્લોક 7.18-3

॥ સૂત ઉવાચ ॥ ॥
ઇતિ પ્રોક્તા તદા દેવી શંકરેણ યશસ્વિની ॥
પુનઃ પપ્રચ્છ વિપ્રેંદ્રાઃ ક્ષેત્રમાહાત્મ્યવિસ્તરમ્

॥ દેવ્યુવાચ ॥ ॥
અદ્ય મે સફલં જન્મ સફલં ચ તપઃ પ્રભો ॥
દેવત્વમદ્ય મે જાતં ત્વત્પ્રસાદેન શંકર

અદ્યાહં કૃતકલ્યાણી જ્ઞાનદૃષ્ટિઃ કૃતાત્વયા ॥
અદ્ય મે ભૂષિતૌ કર્ણૌ ક્ષેત્ર માહાત્મ્યભૂષણૌ

અદ્ય મે તેજસઃ પિંડો જાતો જ્ઞાનં હૃદિ સ્થિતમ્ ॥
અદ્ય મે કુલશીલં ચ અદ્ય મે રૂપલક્ષણમ્

અદ્ય મે ભ્રાંતિરુચ્છિન્ના તીર્થભ્રમણસંભવા ॥
પ્રભાસે નિશ્ચલં જાતં મનો મે માનિનાં વર

આરાધિતો મયા પૂર્વં તુષ્ટો મેઽદ્ય સુરેશ્વરઃ ॥
વહ્નિના વેષ્ટિતા સાહમેકપાદેન સંસ્થિતા

તત્તપઃ સફલં ત્વદ્ય જાતં મે ભક્તવત્સલ ॥
પ્રભાસક્ષેત્રમાહાત્મ્યમદ્ય મે પ્રકટીકૃતમ્

પુનઃ પૃચ્છામિ દેવેશ યાથાતથ્યં વદ પ્રભો

અદ્યાપિ સંશયો નાથ તીર્થમાહાત્મ્યસંભવઃ॥
અન્યત્કૌતૂહલં દેવ કથયસ્વ મહેશ્વર

અયં યો વર્ત્તતે દેવ ચંદ્રસ્તે શિરસિ સ્થિતઃ ॥
કસ્યાયં કથમુત્પન્નઃ કસ્મિન્કાલે વદ પ્રભો

॥ ઈશ્વર ઉવાચ ॥ ॥
અસ્મિન્કાલે મહાદેવિ વારાહ ઇતિ વિશ્રુતે ॥
પરાર્દ્ધે તુ દ્વિતીયેઽસ્મિન્વર્તમાને તુ વેધસઃ

દ્વિતીયમાસસ્યાદૌ તુ પ્રતિપદ્યા પ્રકીર્તિતા ॥
વારાહેણોદ્ધૃતા તસ્યાં તથા ચાદૌ ધરા પ્રિયે ॥
તેન વારાહકલ્પેતિ નામ જાતં ધરાતલે

તસ્મિન્કલ્પે મહાદેવિ ગતે સંધ્યાંશકે પ્રિયે ॥
પ્રથમસ્ય મનોશ્ચાદૌ દેવિ સ્વાયંભુવસ્ય હિ

ક્ષીરોદે મથ્યમાને તુ દૈવતૈર્દાનવૈરપિ ॥
રત્નાનિ જજ્ઞિરે તત્ર ચતુર્દ્દશમિતાનિ વૈ

તેષાં મધ્યે મહાતેજાશ્ચંદ્રમાસ્તત્ત્વસંભવ ॥
સોઽયં મયા ધૃતો દેવિ અદ્યાપિ શિરસિ પ્રિયે

વિષે પીતે મહાદેવિ પ્રભાસસ્થસ્ય મે સદા ॥
ભૂષણં મુક્તયે દેવૈર્મમ ચંદ્રઃ કૃતઃ પુરા

શશિનાભૂષિતો યસ્માત્તેનાહં શશિભૂષણઃ॥
તત્ર સ્થાને સ્થિતોઽદ્યાપિ સ્વયંભૂર્લિંગમૂર્ત્તિમાન્

સર્વસિદ્ધિપ્રદાતા ચ કલ્પસ્થાયી સદા પ્રિયે ॥
ઇત્યેતત્કથિતં દેવિ કિમન્યત્પરિપૃચ્છસિ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે શિવશિરોભૂષણ ચન્દ્રોત્પત્તિવૃત્તાન્તવર્ણનંનામાષ્ટાદશોઽધ્યાયઃ