સ્કંદ પુરાણ · અધ્યાય 7.174

॥ ઈશ્વર ઉવાચ ॥ ॥
તતો ગચ્છેન્મહાદેવિ કુન્તીશ્વરમનુત્તમમ્ ॥
સાવિત્ર્યાઃ પૂર્વભાગસ્થં ખાતમધ્યે વ્યવસ્થિતમ્

કુન્ત્યા પ્રતિષ્ઠિતં દેવિ ક્ષેત્રે પ્રાભાસિકે પ્રિયે ॥
પાણ્ડવાસ્તુ યદા પૂર્વં પ્રભાસક્ષેત્રમાગતાઃ

તીર્થયાત્રાપ્રસંગેન કુન્ત્યા ચૈવ સમન્વિતાઃ ॥
તસ્મિન્કાલે મહાદેવિ જ્ઞાત્વા ક્ષેત્રમનુત્તમમ્

કુન્ત્યા પ્રતિષ્ઠિતં લિંગં સર્વપાપભયાપહમ્॥
કાર્તિક્યાં તુ વિશેષેણ યસ્તં પૂજયતે નરઃ॥
સ સર્વકામતૃપ્તાત્મા રુદ્રલોકે મહીયતે

વાચિકં માનસં પાપં કર્મણા યદુપાર્જિતમ્॥
તત્સર્વં નશ્યતે દેવિ તસ્ય લિંગસ્ય દર્શનાત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે કુન્તીશ્વરમાહાત્મ્યવર્ણનંનામ ચતુઃસપ્તત્યુત્તરશતતમોઽધ્યાયઃ ॥