સ્કંદ પુરાણ · અધ્યાય 7.173

॥ ઈશ્વર ઉવાચ ॥ ॥
તતો ગચ્છેન્મહાદેવિ લિંગાનાં ચ ચતુષ્ટયમ્ ॥
એકસ્થાનસ્થિતાનાં તુ સાવિત્ર્યાસ્તત્ર પશ્ચિમે

લિંગાનાં દ્વિતયં પૂર્વે પશ્ચિમે સમ્મુખદ્વયમ્ ॥
કુશકેશ્વરનામેતિ લિંગં વૈ પ્રથમં સ્મૃતમ્

ગર્ગેશ્વરં દ્વિતીયં તુ તૃતીયં પુષ્કરેશ્વરમ્ ॥
મૈત્રેયેશ્વરનામેતિ ચતુર્થં સમુદાહૃતમ્

એતાનિ યસ્તુ લિંગાનિ પશ્યેદ્ભક્ત્યા જિતેન્દ્રિયઃ ॥
સ મુક્તઃ પાતકૈઃ સર્વૈર્ગચ્છેચ્છિવપુરં મહત્ ॥

શુક્લપક્ષે ચતુર્દશ્યાં વૈશાખે તુ વિશેષતઃ ॥
સ્નાનં કૃત્વા પ્રયત્નેન બ્રાહ્મણાંસ્તત્ર ભોજયેત્

તેભ્યો દદ્યાદ્યથાશક્ત્યા કાઞ્ચનં વસનાનિ ચ ॥
એવં કૃતે ભવેદ્યાત્રા પરિપૂર્ણા સુરેશ્વરિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે કુશકાદિલિંગચતુષ્ટયમાહાત્મ્યવર્ણનંનામ ત્રિસપ્તત્યુત્તરતતમોઽધ્યાયઃ