સ્કંદ પુરાણ · અધ્યાય 7.172

॥ ઈશ્વર ઉવાચ ॥ ॥
તતો ગચ્છેન્મહા દેવિ લિંગં તદ્ભરતેશ્વરમ્ ॥
તસ્માદુત્તરકોણસ્થં નાતિદૂરં વ્યવસ્થિતમ્

ભરતોનામ રાજાઽભૂદાગ્નીધ્રઃ પ્રથિતઃ ક્ષિતૌ ॥
યસ્યેદં ભારતં વર્ષં નામ્ના લોકેષુ ગીયતે

સ ચ ચક્રે તપો ઘોરં ક્ષેત્રેઽસ્મિન્પાર્વતિ પ્રિયે ॥
દિવ્યં વર્ષસહસ્રં તુ પ્રતિષ્ઠાપ્ય મહેશ્વરમ્

પુત્રકામો નરશ્રેષ્ઠઃ પૂજયામાસ શંકરમ્ ॥
તતસ્તુષ્ટઃ સ ભગવાન્વરં દાતું સમુત્સુકઃ

અષ્ટૌ પુત્રાન્દદૌ તસ્મૈ કન્યાં ચૈકાં યશસ્વિનીમ્ ॥
સ તુ પ્રાપ્યાભિલષિતં કૃતકૃત્યો નરાધિપઃ

ભારતં નવધા કૃત્વા પુત્રેભ્યઃ પ્રદદૌ પૃથક્ ॥
તેષાં નામાંકિતાન્યેવ તતો દ્વીપાનિ જજ્ઞિરે

ઇન્દ્રદ્વીપઃ કસેરુશ્ચ તામ્રવર્ણો ગભસ્તિમાન્ ॥
નાગદ્વીપસ્તથા સૌમ્યો ગાન્ધર્વસ્ત્વથ ચારુણઃ

અયં તુ નવમો દ્વીપઃ કુમાર્યા સંજ્ઞિતઃ પ્રિયે ॥
અષ્ટૌ દ્વીપાઃ સમુદ્રેણ પ્લાવિતાશ્ચ તથાપરે

ગ્રામાદિદેશસંયુક્તાઃ સ્થિતાઃ સાગરમધ્યગાઃ ॥
એક એવ સ્થિતસ્તેષાં કુમાર્યાખ્યસ્તુ સાંપ્રતમ્

બિંદુસરઃ પ્રભૃત્યેવ સાગરાદ્દક્ષિણોત્તરમ્ ॥
યોજનાનાં સહસ્રં તુ એકં વિસ્તીર્ણ એવ તુ

યોજનાનાં સહસ્રાણિ નવ દૈર્ઘ્યં પ્રકીર્તિતમ્ ॥
તસ્યૈતજ્જૃમ્ભિતં દેવિ ભરતસ્ય મહાત્મનઃ

ષટ્પઞ્ચાશદશ્વમેધાન્ગંગામનુ ચકાર યઃ॥
યસ્ત્રિંશદ્યમુનાપ્રાન્તે ભરતો લોકપૂજિતઃ

સ ચેશ્વરપ્રસાદેન મોદતે દિવિ દેવવત્

યસ્તત્પ્રતિષ્ઠિતં લિંગં ભારતં પૂજયિષ્યતિ ॥
સ સર્વયજ્ઞદાનાનાં ફલં પ્રાપયિતા ધુવમ્

કાર્ત્તિક્યાં કૃત્તિકા યોગે યસ્તં પશ્યતિ માનવઃ ॥
ન સ પશ્યતિ સ્વપ્નેપિ નરકં ઘોરદારુણમ્

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ભરતેશ્વરમાહાત્મ્યવર્ણનંનામ દ્વિસપ્તત્યુત્તરશતતમોઽધ્યાયઃ