સ્કંદ પુરાણ · અધ્યાય 7.15

॥ પુલસ્ત્ય ઉવાચ ॥ ॥
તતઃ શુક્રેશ્વરં ગચ્છેચ્છુક્રેણ સ્થાપિતં પુરા ॥
યં દૃષ્ટ્વા માનવઃ સદ્યઃ સર્વપાપૈઃ પ્રમુચ્યતે

દૃષ્ટ્વા દૈત્યાન્પુરા દેવૈર્નિર્જિતાન્નૃપસત્તમ ॥
ચિન્તયામાસ મેધાવી ભાર્ગવસ્તાન્પ્રતિ દ્વિજઃ

કથં દૈત્યાઃ સુરાઞ્જિત્વા પ્રાપ્સ્યંતિ ચ મહાયશઃ ॥
આરાધ્ય શંકરં સિદ્ધિં ગચ્છામિ મનસેપ્સિતમ્

એવં સ નિશ્ચયં કૃત્વા ગતોઽર્બુદમથાચલમ્ ॥
ભૂમે વિવરમાસાદ્ય તપસ્તેપે સુદારુણમ્

શિવલિંગં પ્રતિષ્ઠાપ્ય ધૂપગંધાનુલેપનૈઃ ॥
અનિશં પૂજયામાસ શ્રદ્ધયા પરયાન્વિતઃ

તતો વર્ષસહસ્રાંતે તુતોષ ભગવાઞ્છિવઃ ॥
તસ્ય સંદર્શનં દત્ત્વા વાક્યમેતદુવાચ હ

॥ શ્રીમહાદેવ ઉવાચ ॥ ॥
પરિતુષ્ટોઽસ્મિ તે વિપ્ર ભક્ત્યા તવ દ્વિજોત્તમ ॥
વરં વરય ભદ્રં તે યદ્યપિ સ્યાત્સુદુર્લભમ્

॥ શુક્ર ઉવાચ ॥ ॥
યદિ તુષ્ટો મહાદેવ વિદ્યાં દેહિ મહેશ્વર ॥
યયા જીવંતિ સંપ્રાપ્તા મૃત્યું સંખ્યેપિ જંતવઃ

॥ પુલસ્ત્ય ઉવાચ ॥ ॥
પ્રદાય વૈ શિવસ્તસ્મૈ તાં વિદ્યાં નૃપસત્તમ ॥
અબ્રવીચ્ચ પુનઃ શુક્રં વરમન્યં વૃણીષ્વ મે

॥ શુક્ર ઉવાચ ॥ ॥
એતત્કાર્તિકમાસસ્ય શુક્લાષ્ટમ્યાં તુ યઃ સ્પૃશેત્ ॥
તતો લિંગં પૂજયેચ્ચ યઃ પુમાઞ્છ્રદ્ધયાન્વિતઃ

અલ્પમૃત્યુભયં તસ્ય મા ભૂત્તવ પ્રસાદતઃ ॥
ઇષ્ટાન્કામાનવાપ્નોતુ ઇહલોકે પરત્ર ચ

॥ પુલસ્ત્ય ઉવાચ ॥ ॥
એવમસ્ત્વિતિ સ પ્રોચ્ય તત્રૈવાંતરધીયત ॥
શુક્રોપિ દાનવાન્સંખ્યે હતાન્દેવૈરનેકશઃ

વિદ્યાયાશ્ચ પ્રભાવેન જીવયામાસ તાન્મુનિઃ ॥
તસ્યાગ્રેઽસ્મિન્મહાકુણ્ડં નિર્મલં પાપનાશનમ્

તત્ર સ્નાતો નરઃ સમ્યક્પાતકૈશ્ચ પ્રમુચ્યતે ॥
તત્ર શ્રાદ્ધેન રાજેંદ્ર તુષ્ટા યાંતિ પિતામહાઃ

તર્પિતાઃ સલિલેનૈવ કિં પુનઃ પિંડદાનતઃ ॥
તસ્માત્સર્વપ્રયત્નેન સ્નાનં તત્ર સમાચરેત્

ઇતિ શ્રીસ્કાંદે મહાપુરાણએકાશીતિસાહસ્ર્યાં સંહિતાયાં સપ્તમે પ્રભાસ ખણ્ડે તૃતીયેઽર્બુદખણ્ડે શુક્રેશ્વરમાહાત્મ્યવર્ણનંનામ પંચદશોઽધ્યાયઃ