સ્કંદ પુરાણ · અધ્યાય 7.146

। ઈશ્વર ઉવાચ ॥ ॥
તતો ગચ્છેન્મહાદેવિ ધર્મરાજપ્રતિષ્ઠિતમ્ ॥
યમેશ્વરં મહાદેવં તસ્યૈ વોત્તરતઃ સ્થિતમ્

યદા શપ્તો ધર્મરાજશ્છાયયા વરવર્ણિનિ ॥
તદા તસ્યાપતત્પાદઃ સ ચ દુઃખાન્વિતોઽભવત્

તતઃ પ્રાભાસિકે ક્ષેત્રે તપસ્તેપે મહાતપાઃ ॥
સ્થાપયામાસ લિંગં તુ તત્ર દેવસ્ય શૂલિનઃ

તસ્ય તુષ્ટો મહાદેવસ્તતઃ પ્રત્યક્ષતાં ગતઃ ॥
અબ્રવીદ્ધર્મ ભદ્રં તે વરં વરય ચેપ્સિતમ્

તદાઽબ્રવીદ્ધર્મરાજઃ પાદઃ પ્રપતિતો મમ ॥
પ્રસાદાત્તવ દેવેશ જાયતાં પુનરેવ હિ

એતલ્લિંગં સુરશ્રેષ્ઠ યન્મયા નિર્મિતં તવ ॥
એતદ્યે ભક્તિસંયુક્તાઃ પશ્યંતિ પ્રાણિનો ભુવિ

તેષાં તવ પ્રસાદેન ભૂયાત્પાપવિમોક્ષણમ્

એવં ભવિષ્યતીત્યુક્તા હ્યન્તર્ધાનં ગતો હરઃ ॥
યમોઽપિ લબ્ધપાદસ્તુ પુનરેવ દિવં યયૌ

તસ્મિન્દૃષ્ટે સુરશ્રેષ્ઠ યમલોકસમુદ્ભવમ્ ॥
ન ભયં વિદ્યતે નૃણામપિ દુષ્કૃતકારિણામ્ ॥

ભ્રાતૃદ્વિતીયાસંયોગે સ્નાત્વા પુષ્કરિણીજલે ॥
યમેશ્વરસમીપસ્થો યમેશમવલોકયેત્

તિલપાત્રં પ્રદાતવ્યં દીપં ગાઃ કાંચના દિકમ્ ॥
યમદેવં સમુદ્દિશ્ય મુચ્યતે સર્વપાતકૈઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે યમેશ્વરમાહાત્મ્યવર્ણનંનામ ષટ્ચત્વારિંશદુત્તરશતતમોઽધ્યાયઃ