સ્કંદ પુરાણ · અધ્યાય 7.140

તતો ગચ્છેન્મહાદેવિ નદીં ચિત્રપથાં તતઃ ॥
બ્રહ્મકુણ્ડસમીપસ્થાં ચિત્રાદિત્યસ્ય મધ્યતઃ

યદા ચ ચિત્રઃ સંનીતો યમદૂતૈઃ સુરપ્રિયે ॥
સશરીરો મહાપ્રાજ્ઞો યમાદેશપરાયણૈઃ

એવં જ્ઞાત્વા તુ તત્રસ્થા ભગિની તસ્ય દુઃખિતા ॥
ચિત્રા નદી તતો ભૂત્વા સ્વસા તસ્ય મહાત્મનઃ

પ્રવિષ્ટા સાગરે દેવિ અન્વેષન્તી ચ બાંધવમ્ ॥
તતશ્ચિત્રપથાનામ તસ્યાશ્ચક્રુર્દ્વિજાતયઃ

એવં તત્ર સમુત્પન્ના સા નદી વરવર્ણિનિ

તસ્યાં સ્નાત્વા નરો યસ્તુ ચિત્રાદિત્યં પ્રપશ્યતિ ॥
સ યાતિ પરમં સ્થાનં યત્ર દેવો દિવાકરઃ

અસ્મિન્કલિયુગે દેવિ અંતર્ધાનં ગતા નદી ॥
પ્રાવૃટ્કાલે ચ દૃશ્યેત દુર્લભં તત્ર દર્શનમ્

સ્નાનં દાનં વિશેષેણ સર્વપાતકનાશનમ્

ભુક્તો વાપ્યથવાઽભુક્તો રાત્રૌ વા યદિ વા દિવા ॥
પર્વકાલેઽથવાઽકાલે પવિત્રોઽપ્યથવાઽશુચિઃ

યદૈવ દૃશ્યતે તત્ર નદી ચિત્રપથા પ્રિયે ॥
પ્રમાણં દર્શનં તસ્યા ન કાલસ્તત્ર કારણમ્

દૃષ્ટ્વા નદીં મહાદેવિ પિતરઃ સ્વર્ગસંસ્થિતાઃ ॥
ગાયંતિ તત્ર સામાનિ નૃત્યન્તિ ચ હસંતિ ચ

અસ્માકં વંશજઃ કશ્ચિચ્છ્રાદ્ધમત્ર કરિષ્યતિ ॥
યાવત્કલ્પં તથાઽસ્માકં પ્રીતિમુત્પાદયિષ્યતિ

એવં જ્ઞાત્વા નરસ્તત્ર સ્નાનં શ્રાદ્ધં ચ કારયેત્ ॥
સર્વપાપવિનાશાર્થં પિતૄણાં પ્રીતયે તથા ॥

ઇત્યેતત્કથિતં દેવિ યથા ચિત્રપથા નદી ॥
પ્રભાસક્ષેત્રમાસાદ્ય સંસ્થિતા પાપનાશિની

ઇતિ શ્રીસ્કાંદે મહાપુરાણ એકા શીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ચિત્રપથાનદીમાહાત્મ્યવર્ણનંનામ ચત્વારિંશદુત્તરશતતમોઽધ્યાયઃ ॥।