સ્કંદ પુરાણ · અધ્યાય 7.14

॥ પુલસ્ત્ય ઉવાચ ॥ ॥
તતો ગચ્છેન્નૃપશ્રેષ્ઠ દેવં સિદ્ધેશ્વરં પરમ્ ॥
સિદ્ધિદં પ્રાણિનાં સમ્યક્સિદ્ધેન સ્થાપિતં પુરા

તત્ર વિશ્વાવસુર્નામ સિદ્ધસ્તેપે મહાતપઃ ॥
બહુવર્ષાણિ સંસ્થાપ્ય શિવં ભક્તિપરાયણઃ

જિતક્રોધો જિતમદો જિતસર્વેંદ્રિયક્રિયઃ ॥
તાવદ્વર્ષસહસ્રાંતે ભગવાન્વૃષભધ્વજઃ ॥
તુતોષ નૃપતેસ્તસ્ય સ્વયં દર્શનમાયયૌ

અબ્રવીત્તં મહાદેવો વરદોસ્મીતિ પાર્થિવ

॥ શ્રીભગવાનુવાચ ॥ ॥
વરં વરય ભદ્રં તે યત્તે મનસિ વર્ત્તતે ॥
દાસ્યામિ તે પ્રસન્નોઽહં યદ્યપિ સ્યાત્સુદુર્લભમ્

॥
॥ વિશ્વાવસુરુવાચ ॥ ॥
એતલ્લિંગં સુરશ્રેષ્ઠ ધ્યાત્વા મનસિ નિશ્ચયમ્ ॥
સર્વાન્કામાનવાપ્નોતુ પ્રસાદાત્તવ શંકર

॥ પુલસ્ત્ય ઉવાચ ॥ ॥
એવમસ્ત્વિતિ સ પ્રોચ્ય તત્રૈવાંતરધીયત ॥
સિદ્ધેશ્વરં તતો ગત્વા સિદ્ધિં યાતિ સહસ્રશઃ

પ્રભાવાત્તસ્ય લિંગસ્ય કામાનિષ્ટાનવાપ્નુયુઃ ॥
તતો ધર્મક્રિયાઃ સર્વા ગતા નાશં ધરાતલે

ન કશ્ચિદ્યજતે યજ્ઞૈર્ન દાનાનિ પ્રયચ્છતિ ॥
સિદ્ધેશ્વરપ્રસાદેન સિદ્ધિં યાંતિ નરા ભુવિ

ઉચ્છિન્નેષુ ચ યજ્ઞેષુ દાનેષુ નૃપસત્તમ ॥
ઇન્દ્રાદ્યાસ્ત્રિદશાઃ સર્વે પરં દુઃખમુપાગતાઃ

જ્ઞાત્વા યજ્ઞવિઘાતં ચ તદ્વિઘાતાય વાસવઃ ॥
વજ્રેણાચ્છાદયામાસ યથા સિદ્ધિર્ન જાયતે

તથાપિ સંનિધૌ તસ્ય સિદ્ધેશસ્ય નૃપોત્તમ ॥
કર્મણો જાયતે સિદ્ધિઃ પાતકસ્ય પરિક્ષયઃ

યસ્તુ માઘચતુર્દ્દશ્યાં સોમવારે નૃપોત્તમ ॥
શુક્લાયાં વાથ કૃષ્ણાયાં સ્પૃષ્ટ્વા સિદ્ધો ભવેન્નરઃ

અદ્યાપિ જાયતે સિદ્ધિઃ સત્યમેતન્મયોદિતમ્॥
તસ્માત્સિદ્ધેશ્વરં ગત્વા નત્વા યાસ્યતિ સદ્ગતિમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે તૃતીયેઽર્બુદખંડે સિદ્ધેશ્વરમાહાત્મ્યવર્ણનંનામ ચતુર્દ્દશોઽધ્યાયઃ