સ્કંદ પુરાણ · અધ્યાય 7.126

॥ ઈશ્વર ઉવાચ ॥ ॥
તતો ગચ્છેન્મહાદેવિ શાંડિલ્યેશ્વરમુત્તમમ્ ॥
બ્રહ્મણઃ પશ્ચિમે ભાગે ધનુષાં ષોડશાંતરે

મહાપ્રભાવં લિઙ્ગં તદ્દર્શનાત્પાપનાશનમ્

શાંડિલ્યોનામ બ્રહ્મર્ષિઃ સારથિર્બ્રહ્મણઃ સ્મૃતઃ ॥
તપસ્વી સ મહાતેજા જ્ઞાનનિષ્ઠો જિતેન્દ્રિયઃ

સ પ્રભાસં સમાસાદ્ય તપસ્તેપે સુદારુણમ્ ॥
પ્રતિષ્ઠાપ્ય મહાલિંગં સોમેશાદુત્તરે સ્થિતમ્

સ સ્વયં પૂજયામાસ દિવ્યાબ્દાનાં શતં પ્રિયે ॥
તતોઽભિલષિતં પ્રાપ્ય કૃતકૃત્યો બભૂવ હ

નન્દીશ્વરપ્રસાદેન અણિમાદિગુણૈર્યુતઃ ॥
તં દૃષ્ટ્વા તુ નરઃ સદ્યો વિપાપઃ સંપ્રજાયતે

બાલ્યે વયસિ યત્પાપં વાર્ધક્યે યૌવનેઽપિ વા ॥
અજ્ઞાનાજ્જ્ઞાનતો વાઽપિ યઃ કરોતિ નરઃ પ્રિયે ॥
તત્સર્વં નાશમાયાતિ શાંડિલ્યેશ્વરદર્શનાત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસ ક્ષેત્રમાહાત્મ્યે શાણ્ડિલ્યેશ્વરમાહાત્મ્યવર્ણનંનામ ષડ્વિંશત્યુત્તરશતતમોઽધ્યાયઃ