સ્કંદ પુરાણ · અધ્યાય 7.125

॥ ઈશ્વર ઉવાચ ॥ ॥
તતો ગચ્છેન્મહાલિંગં મહાદેવિ સુરપ્રિયમ્ ॥
રાવણેશ્વરવાયવ્યે ધનુષાં ત્રિંશકેઽન્તરે

સ્થિતં કામપ્રદં લિંગં સર્વપાતકનાશનમ્ ॥
પૌલોમીશ્વરનામાઢચં પૌલોમ્યા સંપ્રતિષ્ઠિતમ્

તારકેણ યદા ધ્વસ્તાસ્ત્રિદશાઃ સંગરે સ્થિતાઃ ॥
ત્રૈલોક્યં વિહૃતં સર્વં સ્વયમિન્દ્રત્વમાગતઃ

તદા શક્રઃ સુદુઃખાર્તો ભયોદ્વિગ્નો નનાશ વૈ ॥
તદા તદ્ભાર્યયા દેવિ ઇન્દ્રાણ્યા શોકકર્ષયા

ઇન્દ્રસ્ય જયમિચ્છન્ત્યા શંભુરારાધિતસ્તયા ॥
તતસ્તુષ્ટો મહાદેવસ્તામુવાચ શુભેક્ષણામ્

॥ ભગવાનુવાચ ॥ ॥
ઉત્પત્સ્યતિ સુતોઽસ્માકં ષણ્મુખસ્તુ મહાબલઃ ॥
તારકં દૈત્યરાજાનં સ ચૈનં ઘાતયિષ્યતિ

ગચ્છ ત્વં વિજ્વરા ભૂત્વા શૃણુ ભૂયો વચશ્ચ મે

અત્ર સ્થિતમિદં લિંગં યોઽસ્માકં પૂજયિષ્યતિ ॥
સ નૂનં મે ગણો ભૂત્વા મત્સકાશમુપેષ્યતિ

એવમુક્તા ગતા સાધ્વી દેવરાડ્યત્ર સંસ્થિતઃ ॥
સર્વદ્દુઃખવિનિર્મુક્તા સર્વદૈત્યભયોજ્ઝિતા

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે પૌલોમોશ્વરમાહાત્મ્યવર્ણનંનામ પઞ્ચવિંશત્યુત્તરશતતમોઽધ્યાયઃ