સ્કંદ પુરાણ · અધ્યાય 7.124

॥ ઈશ્વર ઉવાચ ॥ ॥
તતો ગચ્છેન્મહાદેવિ ગૌરીં સૌભાગ્યદાયિનીમ્ ॥
પશ્ચિમે રાવણેશસ્ય ધનુષાં પઞ્ચકે સ્થિતામ્

યત્રાતપ્યત્તપો ઘોરં સ્વયં દેવી હ્યરુંધતી ॥
સૌભાગ્યં કાંક્ષમાણા સા ગૌરીપૂજાપરાયણા

સંપ્રાપ્તા પરમાં સિદ્ધિં તસ્યા દેવ્યાઃ પ્રભાવતઃ ॥
તૃતીયાયાં શુક્લપક્ષે માઘે માસિ વરાનને

યસ્તાં પૂજયતે ભક્ત્યા સ સૌભાગ્યમવાપ્નુયાત્॥
અન્યજન્મનિ દેવેશિ નાત્ર કાર્યા વિચારણા

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે સૌભાગ્યેશ્વરીમાહાત્મ્યવર્ણનંનામ ચતુર્વિશત્યુત્તરશતતમોઽધ્યાયઃ