સ્કંદ પુરાણ · અધ્યાય 7.117

॥ ઈશ્વર ઉવાચ ॥ ॥
તતો ગચ્છેન્મહાદેવિ ભૂતનાથેશ્વરં હરમ્॥
કુણ્ડેશ્વર્યા ઈશભાગે ધનુષાં વિંશકેઽન્તરે

કલ્પલિંગં મહાદેવિ હ્યનાદિનિધનં સ્થિતમ્ ॥
પૂર્વં ત્રેતાયુગે દેવિ વીરભદ્રેશ્વરીતિ ચ

પ્રખ્યાતં ભુવિ દેવેશિ કલૌ ભૂતેશ્વરં સ્મૃતમ્ ॥
પુરા દ્વાપરસંધૌ ચ તત્ર ભૂતાનિ કોટિશઃ

સંસિદ્ધિં પરમાં જગ્મુસ્તલ્લિંગસ્ય પ્રભાવતઃ ॥
તેન ભૂતેશ્વરં નામ પ્રખ્યાતં ધરણીતલે॥

તત્ર કૃષ્ણચતુર્દ્દશ્યાં રાત્રૌ સંપૂજ્ય શંકરમ્ ॥
દક્ષિણાં દિશમાશ્રિત્ય અઘોરં પૂજયેત્તુ યઃ

દૃઢં જિતેન્દ્રિયો ભૂત્વા નિર્ભયો ધ્યાનસંયુ તઃ ॥
તસ્યૈવ જાયતે સિદ્ધિર્યા કાચિદ્ભૂતલે સ્થિતા

તિલહેમપ્રદાનં ચ પિણ્ડદાનં ચ તત્ર વૈ ॥
પિતૄનુદ્દિશ્ય દદ્યાદ્વૈ તેષાં પ્રેતત્વમુક્તયે ॥

ઇતિ નિગદિતમેતદ્ભૂતનાથેશ્વરસ્ય પ્રચુરકલિમલાનાં નાશનં પુણ્યહેતુઃ ॥
પઠતિ ચ પુરુષો વા યઃ શૃણોતીહ ભક્ત્યા સુરવરમહિમાનં મુચ્યતે પાતકૌઘૈઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે કુંડેશ્વરી માહાત્મ્યે ભૂતનાથેશ્વરમાહાત્મ્યવર્ણનંનામ સપ્તદશોત્તરશતતમોઽધ્યાયઃ