સ્કંદ પુરાણ · અધ્યાય 6.7

॥ સૂત ઉવાચ ॥ ॥
એવં ધ્યાયમાનેન જલમાવિશ્ય કામ્યયા ॥
સૃષ્ટં સંધ્યાદ્વયં તચ્ચ દૃશ્યતેઽદ્યાપિ વૈ દ્વિજાઃ

તતો દેવગણાઃ સર્વે સૃષ્ટાસ્તેન મહાત્મના ॥
વૈમાનિકાશ્ચ યે કેચિન્નક્ષત્રાણિ ગ્રહાસ્તથા

મનુષ્યોરગરક્ષાંસિ વીરુધો વૃક્ષસંયુતાઃ ॥
સપ્તર્ષયો ધ્રુવાદ્યાશ્ચ યે ચાન્યે ગગનેચરાઃ

એવં હિ ભગવાન્સૃષ્ટ્વા વિશ્વામિત્રઃ સ મન્યુમાન્ ॥
સ્વકીયેષ્વથ કૃત્યેષુ યોજયામાસ તાંસ્તતઃ

એતસ્મિન્નેવ કાલે તુ દ્વૌ સૂર્યો યુગપદ્દિવિ ॥
ઉદિતૌ રાત્રિનાથૌ ચ જાતાશ્ચ દ્વિગુણા ગ્રહાઃ ॥
દ્વિગુણાનિ ચ ભાન્યેવ સહ સપ્તર્ષિભિર્દ્વિજાઃ

એવં વિયતિ તે સર્વે સ્પર્દ્ધમાનાઃ પરસ્પરમ્ ॥
દૃશ્યંતે દ્વિગુણીભૂતા જનવિભ્રમકારકાઃ

એતસ્મિન્નન્તરે શક્રઃ સહ સર્વેર્દિવાલયૈઃ ॥
જગામ તત્ર યત્રાસ્તે ભગવાન્કમલાસનઃ ॥ ૭
પ્રોવાચાથ પ્રણમ્યોચ્ચૈઃ કૃતાંજલિપુટઃ સ્થિતઃ ॥
સ્તુતિં કૃત્વા સુરૈઃ સાર્ધં વેદોક્તૈઃ સ્તવનૈર્દ્વિજાઃ

સૃષ્ટિઃ કૃતા સુરશ્રેષ્ઠ વિશ્વામિત્રેણ સાંપ્રતમ્ ॥
મનુષ્યયક્ષસર્પાણાં દેવગંધર્વરક્ષસામ્

તસ્માદ્વારય તં ગત્વા સ્વયમેવ પિતામહ ॥
યાવન્ન વ્યાપ્યતે સર્વં તત્સષ્ટ્યેદં ચરાચરમ્ ॥ ૧૦
તસ્ય તદ્વચનં શ્રુત્વા તેનૈવ સહિતો વિધિઃ ॥
ગત્વોવાચ જગન્મિત્રં વિશ્વામિત્રં મુનીશ્વરમ્

નિવૃત્તિં કુરુ વિપ્રર્ષે સાંપ્રતં વચનાન્મમ ॥
સૃષ્ટૈર્યાવન્ન નશ્યંતિ સર્વે દેવાઃ સવાસવાઃ

॥
વિશ્વામિત્ર ઉવાચ ॥ ॥
અનેનૈવ શરીરેણ ત્રિશંકુર્નૃપસત્તમઃ॥
યદિ ગચ્છતિ તે લોકે તત્સૃષ્ટિં ન કરોમ્યહમ્

॥ બ્રહ્મોવાચ ॥ ॥
એષ ગચ્છતુ ભૂપાલો મયા સહ ત્રિવિષ્ટપમ્ ॥
અનેનૈવ શરીરેણ ત્વત્પ્રસાદાન્મુનીશ્વર ॥ ૧૪
વિરામં કુરુ સૃષ્ટેસ્ત્વં નૈતદન્યઃ કરિષ્યતિ ॥
ન કૃતં કેનચિલ્લોકે તત્કર્મ ભવતા કૃતમ્

॥ વિશ્વામિત્ર ઉવાચ ॥ ॥
યન્મયા કોપયુક્તેન કૃતેયં સૃષ્ટિરબ્જજ ॥
તત્ક્ષતવ્યં ત્વયા દેવ સર્વલોકપિતામહ ॥।૬॥
તથાઽક્ષયાસ્તુ મે દેવ સૃષ્ટિસ્તવ પ્રસાદતઃ ॥
યા કૃતા ન કરિષ્યામિ ભૂયો ઽન્યાં પદ્મસંભવ

॥ વ્રહ્મોવાચ ॥ ॥
ભવિષ્યતિ ધ્રુવા વિપ્ર સૃષ્ટિર્યા ભવતા કૃતા ॥
પરં સર્વેષુ કૃત્યેષુ યજ્ઞાર્હા ન ભવિષ્યતિ

???
એવમુક્ત્વા સમાદાય ત્રિશંકું પ્રપિતામહઃ ॥
બ્રહ્મલોકં ગતો હૃષ્ટો મુનિસ્તત્રૈવ સંસ્થિતઃ

ઇતિ સ્કાન્દે મહાપુરાણ એકાશીતિસાહસ્ર્યાં સંહિતાયાં ષષ્ઠેનાગરખંડે હાટકેશ્વરક્ષેત્રમાહાત્મ્યે ત્રિશંકૂપાખ્યાને ત્રિશંકુસ્વર્ગપ્રાપ્તિવર્ણનંનામ સપ્તમોઽધ્યાયઃ