સ્કંદ પુરાણ · અધ્યાય 6.68

॥ સૂત ઉવાચ ॥ ॥
અથ તે શબરા યત્નાદ્રક્તં તદ્ધૈહયોદ્ભવમ્ ॥
તત્ર નિન્યુઃ સ્થિતા યત્ર ગર્તા સા પિતૃસંભવા

ભાર્ગવોઽપિ ચ તં હત્વા રક્તમાદાય કૃત્સ્નશઃ ॥
તતઃ સંપ્રેષયામાસ યત્ર ગર્તાઽથ પૈતૃકી

ન સ બાલં ન વૃદ્ધં ચ પરિત્યજતિ ભાર્ગવઃ ॥
યૌવનસ્થં વિશેષેણ ગર્ભસ્થં વાથ ક્ષત્રિયમ્

સ્વયં જઘાન ભૂપાન્સ તેષાં પાર્શ્વે તથા પરાન્ ॥
વિધ્વંસાયયતિ ક્રુદ્ધઃ સૈનિકૈશ્ચ સમન્તતઃ

તથૈવાસૃક્પ્રગૃહ્ણાતિ ગૃહ્ણાપયતિ ચાદરાત્ ॥
તેષાં પાર્શ્વૈસ્તતસ્તૂર્ણં પ્રેષયામાસ તત્ર ચ

એવં નિઃક્ષત્રિયાં કૃત્વા કૃત્સ્નાં પૃથ્વીં ભૃગદ્વહઃ ॥
હાટકેશ્વરજે ક્ષેત્રે જગામ તદનન્તરમ્

તતસ્તૈ રુધિરૈઃ સ્નાત્વા સમાદાય તિલાન્બહૂન્ ॥
અપસવ્યં સમાધાય પ્રચક્રે પિતૃતર્પણમ્

પ્રત્યક્ષં સર્વવિપ્રાણાં તથાન્યેષાં તપસ્વિનામ્ ॥
પ્રતિજ્ઞાં પૂરયિત્વાઽથ વિશોકઃ સ બભૂવ હ

તતો નિઃક્ષત્રિયે લોકે કૃત્વા હયમખં ચ સઃ ॥
પ્રાયચ્છત્સકલામુર્વીં બ્રાહ્મણેભ્યશ્ચ દક્ષિણામ્

અથ લબ્ધવરા વિપ્રાસ્તમૂચુર્ભૃગુસત્તમમ્ ॥
નાસ્મદ્ભૂમૌ ત્વયા સ્થેયમેકો રાજા યતઃ સ્મૃતઃ

સોઽપિ બાઢમિતિ પ્રોચ્ય હર્ષેણ મહતાન્વિતઃ ॥
મહીપર્યંતમાસાદ્ય પ્રોવાચાથ નદીપતિમ્ ॥॥॥
આરોપ્ય સુમહચ્ચાપમાગ્નેયાસ્ત્રં પ્રયુજ્ય ચ ॥
ત્રિશિખાં ભ્રુકુટીં કૃત્વા કોપેન મહતાન્વિતઃ ॥।૨॥
॥ રામ ઉવાચ ॥ ॥
મયા નિઃક્ષત્રિયા ભૂમિઃ કૃતા શૈલવનાન્વિતા ॥
બ્રાહ્મણેભ્યસ્તતો દત્તા વાજિમેધે મહામખે ॥।૩॥
તસ્માત્ત્વં દેહિ મે સ્થાનં કૃત્વાઽપસરણં સ્વયમ્॥
ન હિ દત્ત્વા ગ્રહી ષ્યામિ વિપ્રેભ્યો મેદિનીં પુનઃ

ન કરોષ્યથવા વાક્યં મમાદ્ય ત્વં નદીપતે ॥
સ્થલરૂપં કરિષ્યામિ વહ્ન્યસ્ત્રપરિશોષિતમ્

॥ સૂત ઉવાચ ॥ ॥
તસ્ય તદ્વચનં શ્રુત્વા સમુદ્રો ભયસંકુલઃ ॥
અપસારં તતશ્ચક્રે યાવત્તસ્યાભિવાંછિતમ્

તતશ્ચકાર તત્રૈવ વસતિં સ ભૃગૂદ્વહઃ ॥
તપશ્ચર્યાસમાયુક્તઃ પિતુર્વધમનુસ્મરન્॥।૭॥
તતઃ સર્વાન્પુલિન્દાંશ્ચ શવરાન્મેદસંયુતાન્ ॥
ભૂમ્યન્તે ધારયામાસ પર્વતેષુ સ ભાર્ગવઃ ॥।૮॥
ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે પરશુરામકૃતમહીદાનપૂર્વકસમુદ્રાપસારણવૃત્તાન્તવર્ણનંનામા ષ્ટાષષ્ટિતમોઽધ્યાયઃ