સ્કંદ પુરાણ · અધ્યાય 6.219

॥ ભર્તૃયજ્ઞ ઉવાચ ॥ ॥
કામ્યાનિ તેઽધુના વચ્મિ શ્રાદ્ધાનિ પૃથિવીપતે ॥
યૈઃ કૃતૈઃ સમવાપ્નોતિ મર્ત્યો હૃદયસંસ્થિતમ્

યો નારીં વાંછતે ક્ષ્માપ રૂપાઢ્યાં શીલમણ્ડનામ્ ॥
ઇહ લોકે પરે ચૈવ તસ્યાર્હં પ્રથમં દિનમ્

શ્રાદ્ધીયપ્રેતપક્ષસ્ય મુખ્યભૂતં ચ યન્નૃપ ॥
ય ઇચ્છેત્કન્યકાં શ્રેષ્ઠાં સુશીલાં રૂપસંયુ તામ્ ॥
દ્વિતીયાદિવસે તેન શ્રાદ્ધં કાર્યં મહીપતે

યો વાંછતિ નરોઽશ્વાંશ્ચ વાયુવેગસમાઞ્જવે ॥
તૃતીયાદિવસે શ્રાદ્ધં તેન કાર્યં વિપશ્ચિતા

યો વાંછતિ પશૂન્મુખ્યાન્કુપ્યાકુપ્યધનાનિ ચ ॥
ચતુર્થ્યાં તેન કર્તવ્યં શ્રાદ્ધં પિતૃપ્રતુષ્ટયે

પુત્રાન્વાંછતિ યોઽભીષ્ટાન્સુશીલાન્વંશમંડનાન્ ॥
પઞ્ચમ્યાં તેન કર્તવ્યં સદા શ્રાદ્ધં નરાધિપ

યઃ શ્રાદ્ધં વંશજૈર્દત્તં પરલોકગતો નૃપ ॥
વાંછતે તેન કર્તવ્યં ષષ્ઠ્યાં શ્રાદ્ધં વિપશ્ચિતા

કૃષિસિદ્ધિં ય ઇચ્છેત ગ્રૈષ્મિકીં શારદીમપિ ॥
સપ્તમ્યાં યુજ્યતે તસ્ય શ્રાદ્ધં કર્તું ન સંશયઃ

ય ઇચ્છેત્પણ્યસંસિદ્ધિં વ્યવહારસમુદ્ભવામ્ ॥
અષ્ટમ્યાં યુજ્યતે શ્રાદ્ધં તસ્ય કર્તું નરાધિપ

નવમ્યાં શ્રાદ્ધકૃન્નાના ચતુષ્પદગણાલ્લઁભેત્ ॥
સૌભાગ્યં રોગનાશં ચ તથા વલ્લભસંગમમ્

દશમીદિવસે શ્રાદ્ધં યઃ કરોતિ સમાહિતઃ ॥
તસ્ય સ્યાદ્વાંછિતા સિદ્ધિઃ સર્વકૃત્યેષુ સર્વદા

એકાદશ્યાં ધનં ધાન્યં શ્રાદ્ધકર્તા લભેન્નરઃ ॥
તથા ભૂપપ્રસાદં ચ યચ્ચાન્યન્મનસિ સ્થિતમ્

યઃ કરોતિ ચ દ્વાદશ્યાં શ્રાદ્ધં શ્રદ્ધાસમન્વિતઃ ॥
પુત્રાંસ્તુ પ્રવરાંશ્ચૈવ સ પશૂન્વાંછિતાલ્લઁભેત્ ॥

યો વાંછતિ નરો મુક્તિં પિતૃભિઃ સહ ચાત્મનઃ ॥
અસંતાનશ્ચ યસ્તસ્ય શ્રાદ્ધે પ્રોક્તા ત્રયોદશી

સંતાનકામો યઃ કુર્યાત્તસ્ય વંશક્ષયો ભવેત્ ॥
ન સંતાનવિવૃદ્ધયૈ ચ તસ્ય પ્રોક્તા ત્રયોદશી

શ્રાદ્ધકર્મણિ રાજેંદ્ર શ્રુતિરેષા પુરાતની ॥
અપિ નઃ સ કુલે ભૂયાદ્યો નો દદ્યાત્ત્રયોદશીમ્

પાયસં મધુસર્પિર્ભ્યાં વર્ષાસુ ચ મઘાસુ ચ ॥
મઘાત્રયોદશીયોગે પાયસેન યજેત્પિતૄન્

પિતરસ્તસ્ય નેચ્છંતિ તદ્વર્ષં શ્રાદ્ધસત્ક્રિયામ્ ॥
પુણ્યાતિશયભીતેન પિંડદાનં નિરાકૃતમ્

શક્રેણ તદ્દિને પુત્રમરણં દર્શિતં ભયમ્ ॥
યેષાં ચ શસ્ત્રમૃત્યુઃ સ્યાદપમૃત્યુરથાપિ વા

ઉપસર્ગમૃતાનાં ચ વિષમૃત્યુમુપેયુષામ્ ॥
વહ્નિના તુ પ્રદગ્ધાનાં જલમૃત્યુ મુપેયુષામ્

સર્પવ્યાલહતાનાં ચ શૃંગૈરુદ્બન્ધનૈરપિ ॥
એકોદ્દિષ્ટં પ્રકર્તવ્યં ચતુર્દશ્યાં નરાધિપ

તેષાં તસ્મિન્કૃતે તૃપ્તિસ્તતસ્તત્પક્ષજા ભવેત્

સર્વે કામાઃ પુરઃ પ્રોક્તા યુષ્માકં યે મયા નૃપ ॥
અમાવાસ્યાદિને શ્રાદ્ધાત્તાનાપ્નોતિ ન સંશ યઃ

એતત્તે સર્વમાખ્યાતં કામ્યશ્રાદ્ધફલં નૃપ ॥
યચ્છ્રુત્વા વાંછિતાન્કામાન્સર્વાનાપ્નોતિ માનવઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે શ્રાદ્ધકલ્પે કામ્યશ્રાદ્ધવર્ણનંનામૈકોનવિંશોત્તરદ્વિશતતમોઽ ધ્યાયઃ