સ્કંદ પુરાણ · અધ્યાય 6.175

॥ સૂત ઉવાચ ॥ ॥
એવં સંશોચતે યાવદાત્માનં પરિગર્હયન્॥
તતસ્તુ બ્રહ્મણા પ્રોક્તઃ સ્વયમભ્યેત્ય ભો દ્વિજાઃ

ત્વયા શંકા ન કર્તવ્યા સુતસ્યાસ્ય કૃતે દ્વિજ॥
અજ્ઞાનાદેવ તે જાતો દૈવયોગેન બાલકઃ

॥યાજ્ઞવલ્ક્ય ઉવાચ॥ ॥
તથાપિ દેવ મે શુદ્ધિર્હૃદયસ્ય ન જાયતે ॥
તસ્માદ્વદ સુરશ્રેષ્ઠ પ્રાયશ્ચિત્તં વિશુદ્ધયે

॥ બ્રહ્મોવાચ॥ ॥
યદિ તે ચિત્તશુદ્ધિસ્તુ ન કથંચિત્પ્રવર્તતે॥
તત્સ્થાપય મહાભાગ લિંગં દેવસ્ય શૂલિનઃ

અજ્ઞાનાજ્જ્ઞાનતોવાપિ યત્પાપં કુરુતે નરઃ ॥
બ્રહ્મહત્યાદિકં ચાપિ સ્ત્રીવધાદ્વાપિ યદ્ભવેત્

પંચેષ્ટિકામયં વાપિ યઃ કુર્યાદ્ધરમન્દિરમ્॥
તસ્ય તન્નાશમાયાતિ તમઃ સૂર્યોદયે યથા

વિશેષેણ મહાભાગ હાટકેશ્વરસંભવે ॥
ક્ષેત્રે તત્ર સુમેધ્યે તુ સર્વપાતકનાશને

કલિકાલે ચ સંપ્રાપ્તે યત્ર પાપં ન વિદ્યતે ॥
અહમપ્યત્ર વાંછામિ યજ્ઞં કર્તું દ્વિજોત્તમ

આનયિષ્યામિ તત્તીર્થં પુષ્કરં ચાત્મનઃ પ્રિયમ્ ॥
કલિકાલભયાચ્ચૈતદ્યાવન્નો વ્યર્થતાં વ્રજેત્

કલિકાલે તુ સંપ્રાપ્તે તીર્થાનિ સકલાનિ ચ ॥
યાસ્યંતિ વ્યર્થતાં વિપ્ર મુક્ત્વેદં ક્ષેત્રમુત્તમમ્

॥ સૂત ઉવાચ ॥ ॥
એવમુક્ત્વા ચતુર્વક્ત્રસ્તતશ્ચાદર્શનં ગતઃ ॥
યાજ્ઞવલ્ક્યોઽપિ તચ્છ્રુત્વા પિતામહવચોઽ ખિલમ્

લિંગં સંસ્થાપયામાસ જ્ઞાત્વા ક્ષેત્રમનુત્તમમ્॥
અબ્રવીચ્ચ તતો વાક્યં મેઘગંભીરયા ગિરા

અષ્ટમ્યાં ચ ચતુર્દશ્યાં યો લિંગં મામકં ત્વિદમ્ ॥
સ્નાપયિષ્યતિ સદ્ભક્ત્યા તસ્ય પાપં પ્રયાસ્યતિ

પરદારકૃતં યચ્ચ માત્રાપિ ચ સમં કૃતમ્॥
ક્ષાલયિષ્યતિ તત્પાપં સ્નાપિતં પૂજિતં પરૈઃ

અસ્મિન્નહનિ સંપ્રાપ્તે તસ્ય પક્ષસમુદ્ભવમ્ ॥
પ્રયાસ્યતિ કૃતં પાપં યદજ્ઞાનાદ્વિનિર્મિતમ્

તતઃપ્રભૃતિ વિખ્યાતો યાજ્ઞવ લ્ક્યેશ્વરઃ શુભઃ ॥
તસ્મિન્ક્ષેત્રે દ્વિજશ્રેષ્ઠા હાટકેશ્વરસંજ્ઞકે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે યાજ્ઞવલ્ક્યેશ્વરોત્પત્તિમાહાત્મ્યવર્ણનંનામ પંચસપ્તત્યુત્તરશતતમોઽધ્યાયઃ