સ્કંદ પુરાણ · અધ્યાય 6.170

॥ સૂત ઉવાચ ॥ ॥
તથાન્યદપિ સંજાતમાશ્ચર્યં યદભૂદ્દ્વિજાઃ ॥
વિશ્વામિત્રેણ સા શક્તિર્વસિષ્ઠાય વિસર્જિતા

વધાર્થં તસ્ય વિપ્રર્ષેર્વસિષ્ઠેન ચ ધીમતા ॥
સ્તંભિતાઽથર્વણૈર્મન્ત્રૈઃ પ્રસ્વેદઃ સમજાયત

સ્વેદાત્સમભવત્તોયં શીતલં તદજાયત॥
પાદાભ્યાં નિર્ગતં તોયમત્ર દૃશ્યમજાયત

વિદાર્ય ભૂમિં સંજાતા જલધારા સુશીતલા ॥
નિર્મલં પાવનં સ્વચ્છં ગંગાંભ ઇવ નિઃસૃતમ્

ગં
ગા પ્રત્યક્ષતાં યાતા તીર્થૈઃ સર્વૈઃ સમન્વિતા॥
પૂરિતં વારિણા કુણ્ડં નિર્મલં શીતલં શિવમ્

તસ્યાં યા કુરુતે સ્નાનં નારી વંધ્યા દ્વિજોત્તમાઃ ॥
સદ્યઃ પુત્રવતી સા સ્યાદ્રૌદ્રે કલિયુગે દ્વિજાઃ

અન્યોઽપિ કુરુતે સ્નાનં સર્વતીર્થફલં લભેત્

સ્નાત્વા તત્ર તુ યો દેવીં પશ્યેચ્ચ વિધિના નરઃ ॥
ધનં ધાન્યં તથા પુત્રાન્રાજ્યોત્થં ચ સુખં લભેત્ ॥

યા નારી દુર્ભગા વન્ધ્યા સાઽપિ પુત્રવતી ભવેત્ ॥
ચૈત્રે માસિ સિતાષ્ટમ્યાં ભક્તિયોગસમન્વિતા ॥
મહાનિશાયાં તત્રૈવ નૈવેદ્યબલિપિંડિકામ્

પ્રસન્નયા કુમાર્યા તુ સ્વયં ચાઽથ કરોતિ યા ॥
ગૃહ્ણાતિ યા ચ વૈ નારી પિંડિકાં બલિસંયુતામ્

શતવર્ષા તુ યા નારી પિંડિકાં ભક્ષયેદ્દ્વિજાઃ ॥
સાઽપિ પુત્રવતી ચ સ્યાદ્યદિ વૃદ્ધતમા ભવેત્

કિં પુનર્યૌવનોપેતા સૌભાગ્યેન સમન્વિતા ॥
પુત્રસૌખ્યવતી નારી દેવ્યા વૈ દર્શનેન ચ ॥

સર્વેષાં નાગરાણાં તુ ભાવજા દેવતા સ્મૃતા ॥
સા સાર્ધાષ્ટદ્વિપંચાશદ્ગોત્રાણાં કુલદેવતા

એતસ્માત્કારણાદ્યાત્રા નાગરૈઃ સુકૃતા ભવેત્ ॥
ન વિના નાગરૈર્યાત્રાં તુષ્ટિં યાતિ સુરેશ્વરી

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકે શ્વરક્ષેત્રમાહાત્મ્યે ધારાતીર્થોત્પત્તિમાહાત્મ્યવર્ણનંનામ સપ્તત્યુત્તરશતતમોઽધ્યાયઃ ૧૭૦ ॥ ॥