સ્કંદ પુરાણ · અધ્યાય 6.140

॥ ઋષય ઊચુઃ ॥ ॥
યદેતદ્ભવતા પ્રોક્તં પુત્રો માનુષવિગ્રહઃ ॥
ભવિષ્યતિ યમસ્યાત્ર કઃ સંભૂતઃ સ સૂતજ

॥ સૂત ઉવાચ ॥ ॥
તસ્ય પુત્રઃ સમુત્પન્નઃ પાંડોઃ ક્ષેત્રે મહીતલે ॥
યુધિષ્ઠિર ઇતિ ખ્યાતઃ સર્વક્ષત્રિયપુંગવઃ

રાજસૂયો મખો યેન ઇષ્ટઃ સમ્પૂર્ણદક્ષિણઃ ॥
સર્વાન્ભૂમિપતીન્વીર્યાત્સંવિધાય કરપ્રદાન્

અશ્વમેધાઃ કૃતાઃ પંચ તથા સમ્પૂર્ણદક્ષિણાઃ ॥
ભ્રામયિત્વા હયં ભૂમૌ પશ્ચાત્પ્રાપ સ સદ્ગતિમ્

એષ્ટવ્યા બહવઃ પુત્રા યદ્યેકોપિ ગયાં વ્રજેત્ ॥
યજેત વાઽશ્વમેધેન નીલં વા વૃષમુત્સૃજેત્

યદનેન વૃતં મત્તઃ પુત્રિત્વં સુમહાત્મના ॥
હયમેધાન્મહાયજ્ઞાન્કર્તા સ્યાદસ્ય વૈ સુતઃ

મન્યેત કૃતકૃત્યત્વં યેન પુત્રેણ ધર્મપઃ ॥
અન્યૈઃ પુત્રશતૈઃ કિં વા વંશાનુદ્ધારકારકૈઃ

॥ સૂત ઉવાચ ॥ ॥
એતદ્વઃ સર્વમાખ્યાતં ધર્મરાજસુતોદ્ભવમ્ ॥
આખ્યાનં બ્રાહ્મણશ્રેષ્ઠા ધર્મવૃદ્ધિકરં પરમ્

।
ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે શ્રીહાટકેશ્વરક્ષેત્રમાહાત્મ્યે ધર્મરાજપુત્રાખ્યાનવર્ણનંનામ ચત્વારિંશદુત્તર શતતમોઽધ્યાયઃ