સ્કંદ પુરાણ · અધ્યાય 6.137

॥ ઋષય ઊચુઃ ॥ ॥
કેનાસૌ મુનિશાર્દૂલો માંડવ્યઃ સુમહાતપાઃ ॥
શૂલાયાં સ્થાપિતઃ કેન કારણેન ચ નો વદ

॥ સૂત ઉવાચ ॥ ॥
સ માંડવ્યો મુનિઃ પૂર્વં તીર્થયાત્રાં સમાચરન્ ॥
અસ્મિન્ક્ષેત્રે સમાયાતઃ શ્રદ્ધયા પરયા યુતઃ

વિશ્વામિત્રીયમાસાદ્ય સત્તીર્થં પાવનં મહત્ ॥
પિતૄણાં તર્પણં ચક્રે ભાસ્કરં પ્રતિ સ વ્રતી

જપન્વિભ્રાડિતિ શ્રેષ્ઠં સૂક્તં ભાસ્કરવલ્લભમ્ ॥
એતસ્મિન્નંતરે ચૌરો લોપ્ત્રમાદાય કસ્યચિત્

કોપિ તત્ર સમાયાતઃ પૃષ્ઠે લગ્નૈર્જનૈર્દ્વિજાઃ ॥
તતશ્ચૌરોઽપિ તં દૃષ્ટ્વા મૌનસ્થં મુનિસત્તમમ્

લોપ્ત્રં મુક્ત્વા તદગ્રેઽથ પ્રવિવેશ ગુહાંતરે ॥
એતસ્મિન્નંતરે પ્રાપ્તાસ્તે જના લોપ્ત્રહેતવે

દૃષ્ટ્વા લોપ્ત્રં તદગ્રસ્થં તમૂચુર્મુનિપુંગવમ્ ॥
માર્ગેણાનેન ચાયાતો લોપ્ત્રહસ્તો મલિમ્લુચઃ ॥
બ્રૂહિ શીઘ્રં મહાભાગ કેન માર્ગેણ નિર્ગતઃ

સ ચ જાનન્નપિ પ્રાજ્ઞો ગુહાસંસ્થં મલિમ્લુચમ્ ॥
ન કિંચિદપિ ચોવાચ મૌનવ્રત પરાયણઃ

અસકૃત્પ્રોચ્યમાનોઽપિ પરચિંતાસમન્વિતઃ ॥
યદા પ્રોવાચ નો કિંચિત્સ રક્ષંશ્ચૌરજીવિતમ્

તતસ્તૈર્મંત્રિતં સર્વૈરેષ નૂનં મલિમ્લુચઃ ॥
સંપ્રાપ્તઃ પૃષ્ઠતોઽસ્માભિર્મુનિરૂપો બભૂવ હ

અવિચાર્ય તતઃ સર્વૈરાભીરૈસ્તૈર્દુરાત્મભિઃ॥
શૂલીમારોપિતઃ સદ્યો નીત્વા કિંચિદ્વનાંતરમ્

એવં પ્રાપ્તા તદા શૂલી મુનિના તેન દારુણા ॥
પૂર્વકર્મવિપાકેન દોષહીનેન ધીમતા

ઇતિશ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે માંડવ્યશૂલીપ્રાપ્તિવૃત્તાન્તવર્ણનંનામ સપ્તત્રિંશદુત્તરશતતમોક્યયાયઃ