સ્કંદ પુરાણ · અધ્યાય 5.88

શ્રીમાર્કણ્ડેય ઉવાચ -
તસ્યૈવાનન્તરં પાર્થ કાપિલં તીર્થમાશ્રયેત્ ।
સ્થાપિતં કપિલેનૈવ સર્વપાતકનાશનમ્

અષ્ટમ્યાં ચ સિતે પક્ષે ચતુર્દશ્યાં નરેશ્વર ।
સ્નાપયેત્પરયા ભક્ત્યા કપિલાક્ષીરસર્પિષા

શ્રીખણ્ડેન સુગન્ધેન ગુણ્ઠયેત મહેશ્વરમ્ ।
તતઃ સુગન્ધપુષ્પૈશ્ચ શ્વેતૈશ્ચ નૃપસત્તમ

યેઽર્ચયન્તિ જિતક્રોધા ન તે યાન્તિ યમાલયમ્ ।
અસિપત્ત્રવનં ઘોરં યમચુલ્હી સુદારુણા

દૃશ્યતે નૈવ વિદ્વદ્ભિઃ કપિલેશ્વરપૂજનાત્ ।
સ્નાત્વા રેવાજલે પુણ્યે ભોજયેદ્બ્રાહ્મણાઞ્છુભાન્

ગોપ્રદાનેન વસ્ત્રેણ તિલદાનેન ભારત ।
છત્રશય્યાપ્રદાનેન રાજા ભવતિ ધાર્મિકઃ

તીવ્રતેજા વિઘોરશ્ચ જીવત્પુત્રઃ પ્રિયંવદઃ ।
શત્રુવર્ગો ન તસ્ય સ્યાત્કદાચિત્પાણ્ડુનન્દન

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કપિલેશ્વરતીર્થમાહાત્મ્યવર્ણનં નામાષ્ટાશીતિતમોઽધ્યાયઃ ॥