સ્કંદ પુરાણ · શ્લોક 5.74-2

શ્રીમાર્કણ્ડેય ઉવાચ -
રેવાયા ઉત્તરે કૂલે તીર્થં પરમશોભનમ્ ।
સર્વપાપહરં મર્ત્યે નામ્ના વૈ ગૌતમેશ્વરમ્

સ્થાપિતં ગૌતમેનૈવ લોકાનાં હિતકામ્યયા ।
સ્વર્ગસોપાનરૂપં તુ તીર્થં પુંસાં યુધિષ્ઠિર

તત્ર ગચ્છ પરં ભક્ત્યા યત્ર દેવો જગદ્ગુરુઃ ।
પાતકસ્ય વિનાશાર્થં સ્વર્ગવાસપ્રદસ્તથા

સૌભાગ્યવર્દ્ધનં તીર્થં જયદં દુઃખનાશનમ્ ।
પિણ્ડદાનેન ચૈકેન કુલાનામુદ્ધરેત્ત્રયમ્

યત્કિંચિદ્દીયતે ભક્ત્યા સ્વલ્પં વા યદિ વા બહુ ।
તત્સર્વં શતસાહસ્રમાજ્ઞયા ગૌતમસ્ય હિ

તીર્થાનાં પરમં તીર્થં સ્વયં રુદ્રેણ ભાષિતમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમાવન્ત્યખણ્ડે રેવાખણ્ડે ગૌતમેશ્વરતીર્થમાહાત્મ્યવર્ણનં નામ ચતુઃસપ્તતિતમોઽધ્યાયઃ ॥