સ્કંદ પુરાણ · અધ્યાય 5.35

॥ સનત્કુમાર ઉવાચ ॥ ॥
સ્વર્ણક્ષુરે નરઃ સ્નાત્વા દૃષ્ટ્વા દેવં મહેશ્વરમ્ ॥
કપિલાશતદાનસ્ય ફલમપ્યધિકં ભવેત્

વાપ્યાં પિતામહ સ્યાપિ યઃ સ્નાયાદ્વિજિતેંદ્રિયઃ ॥
હંસયુક્તેન યાનેન બ્રહ્મલોકં સ ગચ્છતિ

તૈલાભિધાનમાતૄણાં રાત્રૌ યચ્છતિ યો બલિમ્ ॥
તસ્ય સિદ્ધિર્ભવે ત્સદ્યો મૃતઃ શિવપુરં યજેત્

વિષ્ણુવાપ્યાં નરઃ સ્નાત્વા ચૈત્રે વા ફાલ્ગુનેઽથવા ॥
જાગરં યસ્તુ કુર્વીત સોપવાસો જિતેન્દ્રિયઃ ॥
મુચ્યતે સર્વ પાપેભ્યો વિષ્ણુલોકં સ ગચ્છતિ

અભયેશ્વરદેવસ્ય ભક્ત્યા નિયતમાનસઃ ॥
પૂજાબન્ધમથો દૃષ્ટ્વા રુદ્રલોકં સ ગચ્છતિ

લોકે તુ જાયતે દાતા સાર્વભૌમો મહીપતિઃ ॥
યસ્ત્વગસ્ત્વેશ્વરં ગચ્છેદેકચિત્તો નરો મુને

દૃષ્ટ્વાગસ્ત્યેશ્વરં દેવં સોપવાસો જિતેંદ્રિયઃ ॥
અગસ્ત્યોદયવેલાયાં મુચ્યતે સર્વપાતકૈઃ

કૃત્વાગસ્ત્યં ચ સૌવર્ણં રૌપ્યં વાથ સ્વશક્તિતઃ ॥
પઞ્ચરત્નસમાયુક્તં વસ્ત્રેણ ચ સમન્વિતમ્

તત્કાલીનૈઃ ફલૈઃ પુષ્પૈઃ પૂજનીયો વિધાનતઃ ॥
વિધાનં તસ્ય વક્ષ્યામિ ચાતુર્વર્ણ્યે દ્વિજોત્તમ

સપ્તધાન્યાનિ મુખ્યાનિ તાવન્ત્યેવ ફલાનિ ચ ॥
એકં ધાન્યં ફલં ચૈકમગ્રે ત્યાજ્યં ભવેન્મુને

યાવદ્વૈ સપ્ત વર્ષાણિ વ્રતમેવં સમાચરેત્

॥ અર્ઘ્યમન્ત્રઃ ॥ ॥
કાશપુષ્પપ્રતીકાશ વહ્નિમારુતસં ભવ ॥
મિત્રાવરુણયોઃ પુત્ર કુમ્ભયોને નમોઽસ્તુ તે

દત્તેઽર્ઘે યત્ફલં વ્યાસ તદ્વૈ હ્યેકમનાઃ શૃણુ ॥
પુત્રવાન્ધનવાંશ્ચૈવ જાયતે નાત્ર સંશયઃ

મૃતઃ સ્વર્ગમવાપ્નોતિ સંપન્ને જાયતેકુલે ॥
મર્ત્યલોકં પુનઃ પ્રાપ્ય મહાયોગીશ્વરો ભવેત્

યશ્ચૈતચ્છૃણુયાન્નિત્યં પઠેદ્વા સુસમાહિતઃ॥
સર્વપાપવિનિર્મુક્તો મુનિલોકે સ મોદતે

॥ ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્ય ખણ્ડેઽવન્તીક્ષેત્રમાહાત્મ્યેઽગસ્ત્યેશ્વરમાહાત્મ્યવર્ણનંનામ પઞ્ચત્રિંશોઽધ્યાયઃ