સ્કંદ પુરાણ · અધ્યાય 5.32

॥ સનત્કુમાર ઉવાચ ॥ ॥
અથાન્યત્સંપ્રવક્ષ્યામિ નરાદિત્યં દિવાકરમ્ ॥
યસ્ય દર્શનમાત્રેણ સર્વરોગૈર્વિમુચ્યતે

સ્થાપનાં તે પ્રવક્ષ્યામિ નરાદિત્યસ્ય યાદૃશી ॥
યુદ્ધે નિવારિતે તસ્મિન્રક્તસ્વેદજયોઃ પુરા

નરનારાયણૌ દેવાવવતીર્ણૌ ધરાતલે ॥
કુંત્યાં દેવ્યાં ચ દેવક્યાં મથુરાયામજાયતામ્

એવં તૌ વર્તિતૌ લોકે કાંતૌ વૃદ્ધિં પરાં ગતૌ ॥
અન્યસ્માત્કારણાત્કૃષ્ણો ઽન્યસ્માજ્જાતો ધનંજયઃ

કંસાદીન્દાનવાન્સર્વાન્નિજઘાન રણે હિ સઃ ॥
સ્વર્ગં ગતસ્તતઃ પાર્થો વાસવાદસ્ત્રસિદ્ધયે

કૃતાસ્ત્રેણ તુ વીરેણ દેવરાજસ્ય દક્ષિણા ॥
સંસ્તુતા દેવરાજસ્તુ યયાચે તાં હિ દક્ષિણામ્

નિવાતકવચા હ્યુગ્રા હિરણ્યપુરવાસિનઃ ॥
વધ્યંતામર્જુન ક્ષિપ્રમેષા મે ગુરુદક્ષિણા

અર્જુનેન પ્રતિજ્ઞાતો વધસ્તેષાં દુરાત્મનામ્ ॥
ઐંદ્રં સ રથમાસ્થાય ગૃહીત્વા સશરં ધનુઃ

નિહત્ય તાંસ્તતઃ પાર્થઃ કૃત્વા કર્મ સુદુષ્કરમ્ ॥
પ્રીતિમુત્પાદયામાસ સર્વેષાં ચ દિવૌકસામ્

કૃતકાર્યં તદા શક્રસ્ત્વર્જુનં વાક્યમબ્રવીત્ ॥
યત્તેઽભિરુચિરં વીર મૃત્યુલોકે સુદુર્લભમ્

મનસા કાંક્ષિતં પાર્થ વરં ત્વં વરયોત્તમમ્ ॥
સ વવ્રે પ્રતિમે દ્વે તુ યેઽર્ચિતે બ્રહ્મણા સ્વયમ્

બ્રહ્મણા પ્રીતિયુક્તેન દક્ષાય પ્રતિપાદિતે ॥
દક્ષેણાપિ યુગં સાગ્રં પૂજિતે તિમિરાપહે

સુરાણામસુરાણાં ચ વિગ્રહે સમુપસ્થિતે ॥
દાનવૈર્નિર્જિતઃ શક્રો હૃતરાજ્યો વનં ગતઃ

તપશ્ચચાર દુર્ધર્ષમેકપાદઃ શતક્રતુઃ ॥
દિવ્યવર્ષસહસ્રં તુ ધિષણસ્તં દદર્શ હ

દૃષ્ટ્વા તુ દેવરાજં તં બૃહસ્પતિરુવાચ હ ॥
હિત્વા ત્રિદિવમાયાતઃ કથં શક્ર ત્વિદં વનમ્

એકાકિના વનસ્થેન ન સાધ્યાઃ શત્રવસ્ત્વયા ॥
જ્ઞાત્વૈવં દેવરાજ ત્વં શીઘ્રં દક્ષાશ્રમં વ્રજ

પૂજાર્થે બ્રહ્મણા દત્તે પારિજાતસમુદ્ભવે ॥
ચકાર વિશ્વકર્મા યે તે યાચસ્વ પ્રજાપતિમ્

શત્રૂણાં ચ ક્ષયો ભાવી પ્રસાદાદર્ચયો સ્તયોઃ ॥
ગુરોસ્તુ તેન વાક્યેન હૃષ્ટો દેવઃ શતક્રતુઃ

જગામ સત્વરસ્તત્ર યત્ર દક્ષઃ પ્રજાપતિઃ ॥
વિનયાવનતો ભૂત્વા યયાચે પ્રતિમે શુભે ॥ ૧૯
પૂજિતે પ્રતિમે વ્યાસ શક્રેણ શરદાં શતમ્ ॥
તયોસ્તુ તેજસા સર્વે વિનાશં દાનવા ગતાઃ

।
પ્રતિમે ચોચુતુઃ શક્રં વરયસ્વ વરોત્તમમ્॥
ભક્ત્યાનયા પરં તુષ્ટાવાવાં જાનીહિ વાસવ

વરં વવ્રે તદા શક્રઃ પ્રસન્નાત્મા દ્વિજોત્મ॥
અસ્માકં પ્રતિપક્ષા યે દાનવાઃ પાપચેતસઃ

સર્વે તે નાશમૃચ્છંતુ વર એષ મતો મમ ॥
યુવાં પૂજિતુમિચ્છામિ યાવદિંદ્રો ભવામ્યહમ્

તથેતિ ચોક્ત્વા પ્રતિમે તે નાકં પ્રતિ જગ્મતુઃ ॥
તત્તુ યાચે હ્યવશ્યાર્થે વરાર્થે પ્રતિમાદ્વયમ્

॥ ઇંદ્ર ઉવાચ ॥ ॥
સાધુ પાર્થ પુનઃ સાધુ યત્રેત્થં પ્રતિતિષ્ઠતઃ ॥
ઇમે ચ પ્રતિમે પાર્થ શંકરેણ મહાત્મના

સુરક્તૈઃ શતપત્રૈશ્ચ પૂજિતે બ્રહ્મણો દિનમ્ ॥।
ત્રૈલોક્યપાલનાર્થાય પૂજિતે વિષ્ણુના પુરા

નીલોત્પલૈઃ સુગંધૈશ્ચ સહસ્રપરિવત્સરાન્ ॥
તતઃ પ્રજાપતિઃ સૃષ્ટિં કર્તુકામઃ સમા હિતઃ

પૂજયામાસ પ્રતિમે પદ્મૈ રક્તોત્પલૈઃ શુભૈઃ ॥
ત્વમેવ હિ કથં પાર્થ મૃત્યુલોકે નયિષ્યતિ

એતાભ્યાં રહિતઃ સ્વર્ગો મૃત્યુતુલ્યો ભવિષ્યતિ ॥
અદાતુકામં દેવેંદ્રં પ્રણિપત્ય તમર્જુનઃ

ઉવાચ નાહમર્થ્યસ્મિન્વરેણાનેન વૈ પ્રભો ॥
તતઃ શક્રઃ પુનઃ પાર્થમુવાચ મુનિપુંગવ

ગૃહીત્વા ત્વમિમે વીર કુશસ્થલ્યાં નિવેશય ॥
શિપ્રાયા ઉત્તરે તીરે કેશવાર્કં તુ કેશવઃ

પ્રતિ તિષ્ઠતિ વૈ યત્ર સર્વપાપપ્રણાશનઃ ॥
સંસ્થાપયસ્વ વૈ તત્ર સર્વપાપપ્રણાશને ॥
ભવિષ્યતિ તદા યાત્રા આષાઢી ચાથ કૌમુદી

આગમિષ્યામ્યહં તત્ર સહિતોઽપ્સરસાં ગણૈઃ ॥
મરુતશ્ચાગમિષ્યંતિ મેઘાશ્ચૈવ સવિદ્યુતઃ

મેઘખણ્ડે સમુદ્ભૂતે મયિ તત્ર પ્રવર્ષતિ ॥
પ્રવદિષ્યંતિ વૈ લોકાઃ પ્રાપ્તો દેવઃ પુરંદરઃ

ભાસ્કરં ચ નમસ્કૃત્ય બ્રહ્માદ્યૈઃ પૂજિતં વિભુમ્ ॥
પ્રતિયામિ તુ બીભત્સો પુનરેવ યથાગતમ્

એવં મૃર્તિદ્વયં વ્યાસ દત્ત્વા પાર્થાય વાસવઃ ॥
ભૂર્લોકં પ્રેષયામાસ સૂતેન સહ પાંડવમ્

નારદો દ્વારકાયાં તુ કૃષ્ણસ્યાહ્વાનકારણાત્ ॥
દેવરાજસ્ય તદ્વાક્યં સરહસ્યં ચ કેશવમ્

શ્રાવયામાસ વિપ્રેંદ્રં એહિ કૃષ્ણ કુશસ્થલીમ્ ॥
અર્ચ્ચે હિ પારિજાતસ્ય વિશ્વકર્મસુકારિતે

ઇંદ્રેણાથ પ્રદત્તે વૈ તે તુભ્યં પાંડવાય ચ ॥
શ્રુત્વા શૌરિસ્તુ તદ્વાક્યં પ્રતસ્થેઽવંતિનીપુરીમ્

અવાતરચ્ચ આકાશાત્તમાલિંગ્ય ચ પાંડવમ્ ॥
પ્રીતઃ પ્રોવાચ વચનં પરિષ્વજ્ય ચ ફાલ્ગુનમ્

જન્મ મે સફલં જાતં પ્રીતિર્મે જનિતાર્જુન ॥
યતો મે પ્રીતિરતુલા ક્રિયતાં કાર્યમુત્તમમ્॥

ઇત્યુક્ત્વા તૌ તદા વ્યાસ સમાયાતૌ કુશસ્થલીમ્ ॥
પાર્થં પ્રાહ તદા કૃષ્ણઃ સુસંપૂર્ણમનોરથઃ

ગત્વાર્જુન દિશં પ્રાચીં મૂર્તિમેકાં નિવેશય ॥
પૂર્વાહ્ને હિ શુભં લગ્નં ભવિષ્યતિ મનોરમમ્

અહમપ્યુત્તરાં યામિ સ્થાપનાર્થં નદીં મુને ॥
મમ શંખસ્ય નાદેન પ્રતિતિષ્ઠ રવિં પ્રભુમ્

પૂર્વાં ગત્વા તતઃ પાર્થ શુભં સ્થાનં વ્યલોકયત્ ॥
વ્યાસ સંસ્થાપયામાસ દિનનાથં ચ સુસ્થિરમ્

અર્કં દેવં સ્થાપયામિ યાવદ્દધ્યૌ ચ પાંડવઃ ॥
તાવત્સ ચાબ્રવીદેનં સ્થાનં કારય શોભનમ્

કથયામાસ પાર્થાય તેજસા તેન દુઃસહમ્ ॥
સવ્યસાચી તતો ભીતો દૃષ્ટ્વાર્ચ્ચાં તાં પ્રજલ્પતીમ્

તેજસ્ત્વસહમાનો વૈ દેવં વચનમબ્રવીત્ ॥
ક્વ દેવ ત્વાં સ્થાપયામિ કિં સ્થાનં તવ રોચતે

સૌમ્ય રૂપઃ સુદર્શશ્ચ પ્રજાભ્યો ભવ ગોપતે ॥
દિવિસંસ્થાશ્ચ યે દેવા નાગાઃ પાતાલસંશ્રયાઃ

ભુવિસ્થા માનવાઃ પૂતા ભવંતુ તવ દર્શનાત્ ॥
સોઽર્જુનમબ્રવીદ્દેવો મા ભૈસ્ત્વં મમ દર્શનાત્

દક્ષિણેન કરેણાથ હ્યભયેનાભયપ્રદઃ ॥
સમાશ્વાસ્યાથ તં શાંતં સૌમ્યમૂર્તિર્બભૂવ હ

પ્રભાકરેણ દેવેન નિજં તેજઃ પ્રદર્શિતમ ॥
તતઃ સૂર્યોઽબ્રવીત્સ્થાનમેતદેવાચલં મમ

પ્રાપ્તે લગ્ને ચ હરિણા શંખશ્ચાપૂરિતો મહાન્ ॥
નરેણ ચ સ વૈ સૂર્યઃ સ્થાપિતોઽમરસંસ્તુતઃ

॥ અર્જુન ઉવાચ ॥ ॥
જયતિ કિરણમાલી ભાસુરઃ શ્રાંતસપ્તિઃ સકલભુવનધામા પ્રાગ્દિગંતાટ્ટહાસઃ ॥
ભવતિ વિગતપાપં કીર્તનાદેવ યસ્ય પ્રચુરકલુષદોષૈર્ગ્રસ્તમંગં નરાણામ્

બ્રહ્માદ્યૈર્મુનિભિરભિષ્ટુતં પતંગં કઃ સ્તોતું કવિરભિવાંછતે પ્રકામમ્ ॥
સ્તોષ્યેહં તદપિ સુવિસ્તરાત્સુબુદ્ધે કિં દીપો જ્વલતિ હિ નોદિતે શશાંકે

શાસ્ત્રાર્થકામનિપુણૈર્મુનિભિઃ સ્તુતસ્ય કિં વસ્તુ યન્ન રચિતં વિવિધૈઃ પ્રયોગૈઃ ॥
દ્વૈપાયનપ્રભૃતિભિર્મુનિભિઃ પુરાણૈરાપીતસારમિહ ભાતિ જગત્સમસ્તમ્

કામં તથાપ્યહમતીવ વિચાર્ય બ્રુદ્ધ્યા ભાનોસ્ત્રિલોકગુરુપૂજિતપાદયુગ્મમ્ ॥
વૃત્તૈઃ સ્ફુટાર્થમધુરાક્ષરસંધિયુક્તૈસ્ત્વાં વૈ વિચિત્રગતિભિઃ પરિકીર્તયિષ્યે

તાવજ્જગદ્ભવતિ નિશ્ચલમેવ સર્વં તાવત્ક્રિયાશ્ચ વિવિધા ન ચ યાંતિ સિદ્ધિમ્ ॥
યાવચ્ચ નાથ કમલામલમંડલ ત્વમુત્તિષ્ઠસે વ્યપનયન્કિરણૈસ્તમાંસિ

તાવન્ન ભાંતિ શિખરાણિ મહીરુહાણાં ગુચ્છૈસ્તુ ફુલ્લવનમીલિતલોચનાનિ ॥
સુપ્તાનિ બોધયસિ ષટ્ચરણાકુલાનિ યાવન્ન ભાભિરમલાભિરનુત્તમાભિઃ

ઉદ્યંતમંબરતલે સુરસિદ્ધસંઘાઃ સબ્રહ્મદૈત્યમુનિકિન્નરનાગયક્ષાઃ ॥
ત્વામર્ચયંતિ વિબુધાઃ પ્રણતૈઃ શિરોભિશ્ચઞ્ચત્કિરીટમણિભાભિરનુત્તમાભિઃ

અસ્તં ગતે ત્વયિ જગદ્ભવતિ પ્રસુપ્તં ભૂયસ્ત્વયિ પ્રતપતિ પ્રતિબોધમેતિ ॥
એવં સદા વરદ લોકહિતાર્થહેતોરેકસ્ત્વમેવ ભગવંસ્તિમિરસ્ય હંતા

ઉત્સાહશક્તિનયશૌર્યસમન્વિતાનાં સેવાપ્રયોગરચનાવિધિતત્પરાણામ્ ॥
કાર્યાણિ યન્ન ફલદાનિ ભવંતિ પુંસાં હેતુસ્ત્વભક્તિરિહ નાથ વેતિ નૂનમ્ ॥૬૨ ૬૨ ॥
યત્સંયુગેષુ રથકુઞ્જરકુન્તશક્તિનારાચચક્રશરતોમરભીમખડ્ગૈઃ ॥
ક્ષિપ્રં નરાઃ સમુપયાંતિ વિજિત્ય શત્રૂન્સર્વં સદા પ્રણતવત્સલ વેષ્ટિતં તે

કાંતારદુર્ગવિષમેષ્વપિ વર્તમાના ઋક્ષેભસિંહબહુકણ્ટકતસ્કરેષુ ॥
તૃષ્ણાન્વિતાશ્ચ બહુશોકવિમૂઢચિત્તાસ્ત્વત્કીર્તનાદ્ધિ ગતમૃત્યુ ભયા ભવંતિ

તેજોરાશિસ્ત્વમિહ શરણં સર્વતોદુઃખિતાનાં
ત્વત્તુલ્યોઽન્યો જગતિ સકલે નાસ્તિ કશ્ચિદ્દયાલુઃ ॥
ત્વય્યેકસ્મિન્ભવતિ સકલા ભક્તિરન્વિષ્યમાણા
ત્વામાસાદ્ય પ્રભવતિ કુતો વ્યાધિદુઃખં નરાણામ્

કઃ કુષ્ઠાભિહતઃ ક્વ ચારિભિરથો કો વ્યાધિભિઃ પીડિતઃ
કે પંગ્વંધજડાઃ ક્વ શીર્ણચરણઃ કો વા વિપન્નક્રિયઃ ॥
ઇત્યેવં પ્રસમીક્ષ્ય દેવ કૃપયા દોષાત્પરિત્રાયસે
કસ્યાન્યસ્ય પરોપકારનિરતા ચેષ્ટા યથૈષા તવ

ધર્મઃ પરત્ર કિલ તિષ્ઠતિ સેવિતોઽસૌ
કાલાંતરેણ વિબુધા વરદા ભવંતિ ॥
ત્વં સેવિતઃ પ્રણતવત્સલ ભૂતિકામૈઃ
સદ્યઃ પ્રયચ્છસિ ફલં યદભીપ્સિતં તૈઃ

વિભ્રાંતકાંતહરિણીસદૃશેક્ષણાભિઃ
કાંતોરુહારમણિકુણ્ડલમેખલાભિઃ ॥
તેષાં ભવંતિ ભવનાનિ વિલાસિનીભિર્યેષાં નૃણાં ત્વમસિ વૈ વરદઃ પ્રસન્નઃ

યૈસ્ત્વં નરૈઃ સકૃદપિ પ્રણતઃ કથંચિદ્ધ્યાતોઽથવા ભુવનનાથ તથાંતકાલે ॥
નિષ્કલ્મષા જગતિ દુષ્કૃતિનો ભવંતિ તે નિર્મલાઃ સુકૃતિનો ગતિમાપ્નુવંતિ

યે ત્વાં કુતર્કમતિભિર્ન નમંતિ ભક્ત્યા રોમાંચકંચુકશતાકુલિતૈઃ શરીરૈઃ ॥
તે નિર્ધનાઃ પરગૃહેષ્વવભૂતમન્નં ક્ષુત્ક્ષામકણ્ઠવદનાઃ પરિતર્કયંતિ

ઉદધિજલતરંગક્ષોભલોલાક્ષિયુગ્મૈઃ સફણિમણિમયૂખોદ્ભાસિતૈર્લેલિહદ્ભિઃ ॥
પ્રણિપતિતશિરોભિર્નાગમુખ્યૈરજસ્રં શ્રુતિભિરનુપમાભિઃ સ્તૂયસે પુષ્કલાભિઃ

તવ સુરવર ગચ્છતોઽનુસરંતિ ત્રિદશનદીકમલોદ્ગ તાનિ વાતૈઃ ॥
કનકકમલરેણુપિંજરિતાનિ ભ્રમરકુલાનિ પતંગ ચામરાણિ

તત્ત્વધ્યાનં જલનિધિનિવહે સ્થિત્વા સ્થિત્વા ચરણનિવહૈઃ ॥
આજીવાર્થં પ્રતપસિ ભગવન્કસ્તે તુલ્યસ્ત્રિભુવનસમયે

ઉદયાદ્રિનિતંબસંસ્થિતસ્ય હ્યુદયેષ્વસ્તમયેષુ ચાવૃતસ્ય ॥
કિરણાસ્તપનીયસપ્રભાસ્તે વિલસન્તસ્તડિતો વિડંબયંતિ

યથાયથા વ્રજતિ રથસ્તવાંબરે વિપાટયન્ધનતિમિરૌઘસંચયાન્ ॥
તથાતથા ક્ષુભિતમહાનિલાસૃતં પ્રતીયતે મુહુરિવ દુન્દુભિર્યથા

ચારુપદ્મવિનિમીલિતેક્ષણાં ચક્રવાકકલહંસમેખલામ્ ॥
કામિનીમિવ રતિશ્રમાલસાં તાં વિબોધયસિ પદ્મિનીં કરૈઃ

નીલલોલમતિકાન્તમુત્પલં ભૃંગતુંગચરણાકુલીકૃતમ્ ॥
ત્વત્પ્રભાભિરનુરાગરંજિતં પદ્મરાગમિવ શોભતે ભૃશમ્

સ્ફુરચ્છશાંકહારનિર્મલં ખગ ત્વદંકેષ્વચંચલમ્ ॥
વિભાત્યતીવ કાંતમંબરં સમં બૃહચ્ચૈક પાટલમ્

હરિતિ ચ તાવન્મુહિર્નિષેવિતતમસ્યશુભં ભવતિ ચ યાવદૈવ કિરણૈસ્તવ પૂજિતતરમ્ ॥
ઋષિભિર્મુનિભિરુદારધીભિઃ શાશ્વ તમાર્ગપરૈર્વરદ ન શક્યતે તવ ગુણસ્તુતિરાશ્રયિતુમ્

ત્વં વિષ્ણુસ્ત્વં શશાંકસ્ત્વમસુરમથનઃ શણ્મુખસ્ત્વં ધનેશસ્ત્વં કાલસ્ત્વં ચ ધાતા ક્ષિતિધરમલયાપાશ્રયસ્ત્વં હુતાશઃ ॥
ૐકારસ્ત્વં દ્વિજાનાં ત્વમિહ જલનિધિત્વં શરસ્ત્વં ચ રુદ્રસ્ત્વં મુખ્યસ્ત્વં પયોદો વ્રતયમનિયમાસ્ત્વં જગત્સર્વમેવ

ત્વમનિંદ્ય ગોપતે ત્રિપુરમથન મન્મથદાહકરસ્ત્વમસુરભીમદર્પહા પાહિ મામ્ ॥
ત્રિદશાધિપકમલવરાનનસ્ત્વમિહ દેવગુરુર્ભગવાં સ્ત્રિભુવનમણ્ડલેઽસ્તિ કતમસ્તવ તુલ્યગુણઃ

આદિત્ય ભાસ્કર દિવાકર સપ્તસપ્તે માર્તંડ સૂર્ય હરિદશ્વપતે ચ ભાનો ॥
અશ્રાંતવાહન ખરૂપ ગભસ્તિમાલિંસ્ત્વાં લોકનાથ શરણં પ્રતિપદ્યતેઽસૌ

પ્રાગ્દિગ્વધૂતિલકભાસુરકર્ણપૂર મંદાકિનીદયિતનાથ જગત્પ્રદીપ ॥
હેમાદ્રિતાપન નભસ્તલહારિરત્ન સન્ધ્યાંગનાવદનરાગ નમોનમસ્તે

બ્રહ્મૈવ સત્ય શુભમંગલ લોકનાથ વ્યોમાંગણેશ મુનિસંસ્તુત વિશ્વમૂર્તે ॥
આર્તસ્ય શોકહર કિંકરપાલકશ્ચ ત્વં મે પ્રસીદ ભગવઞ્છરણાગતસ્ય

કૃત્વાંજલિં શિરસિ પંકજકુડ્મલાભં યત્સંસ્તુતસ્ત્વમિહ દેવ મયાદ્ય ભક્ત્યા ॥
તેન પ્રભો ભવ મમોપરિ સૌમ્યમૂર્તિર્ધર્મે મતિં કુરુ સદા શ્રિયમૂર્જિતાં ચ

નમઃ સવિત્રે જગદેકચક્ષુષે જગત્પ્રસૂતિસ્થિતિનાશહે તવે ॥
ત્રયીમયાય ત્રિગુણાત્મધારણે વિરંચિનારાયણશંકરાત્મને

॥ સૂર્ય ઉવાચ ॥ ॥
તુષ્ટોહમધુના પાર્થ સ્તોત્રેણાનેન સુવ્રત ॥
વરં દાસ્યામિ યત્નેન યત્તે મનસિ વર્તતે

મદ્દર્શનં હિ વિફલં ન કદાચિત્પ્રજાયતે ॥
શૂરાણાં ચ વિશેષેણ હ્યદેયં નાસ્તિ યત્નતઃ

॥
॥ અર્જુન ઉવાચ ॥ ॥
એષ એવ વરો મહ્યં વરાણામુત્તમોત્તમઃ ॥
અત્ર સંનિહિતો દેવ સર્વકાલં ભવ પ્રભો

યે ચ ત્વાં માનવા ભક્ત્યા સ્તો ષ્યંતિ પ્રણતાઃ સદા ॥
તેષાં ધનં ચ ધાન્યં ચ પુત્રદારાદિકં વસુ

મનસશ્ચેપ્સિતં સર્વ દાતવ્યં હિ વરો મમ ॥
સનત્કુમાર ઉવાચ ॥
આદિત્યો ઽસ્મૈ વરં દત્ત્વા હ્યુવાચ વચનં શુભમ્

યસ્ત્વત્કૃતેન સ્તોત્રેણ માં સ્તોષ્યતિ નરોત્તમઃ ॥
શ્રિયા ન વિચ્યુતિસ્તસ્ય ભવેદેષ વરો મમ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડેઽવન્તીક્ષેત્રમાહાત્મ્યે નરાદિત્યમાહાત્મ્યેઽર્જુનસ્તુતિવર્ણનંનામ દ્વાત્રિં શોઽધ્યાયઃ