સ્કંદ પુરાણ · શ્લોક 5.31-3

શ્રીમાર્કણ્ડેય ઉવાચ -
તતો ગચ્છેચ્ચ રાજેન્દ્ર તીર્થં ત્રૈલોક્યવિશ્રુતમ્ ।
બ્રહ્માવર્તમિતિ ખ્યાતં સર્વપાપપ્રણાશનમ્

તત્ર સંનિહિતો બ્રહ્મા નિત્યસેવી યુધિષ્ઠિર ।
ઊર્ધ્વબાહુર્નિરાલમ્બચકાર ભ્રમણં સદા

એકાહારવશેઽતિષ્ઠદ્દ્વાદશાબ્દં મહાવ્રતી ।
અત્ર તીર્થે વિધાનેન ચિન્તયન્ વૈ મહેશ્વરમ્

તેન તત્પુણ્યમાખ્યાતં બ્રહ્માવર્તમિતિ પ્રભો ।
તત્ર સ્નાત્વા વિધાનેન તર્પયેત્પિતૃદેવતાઃ

અર્ચયેદ્દેવમીશાનં વિષ્ણું વા પરમેશ્વરમ્ ।
યત્ફલં સર્વયજ્ઞાનાં વિધિવદ્દક્ષિણાવતામ્

તત્ફલં સમવાપ્નોતિ તત્તીર્થસ્ય પ્રભાવતઃ ।
યસ્મિંસ્તીર્થે તુ યો દેવો દાનવો વા દ્વિજોઽથ વા

સિદ્ધસ્તેનૈવ તન્નામ્ના ખ્યાતં લોકે મહચ્ચ તત્ ।
ન જલં ન સ્થલં નામ ક્ષેત્રં વા હ્યૂષરાણિ ચ

પવિત્રત્વં લભન્ત્યેતે પૌરુષેણ વિના નૃણામ્ ।
સામર્થ્યાન્નિશ્ચયાદ્ધૈર્યાત્સિધ્યન્તિ પુરુષા નૃપ

પ્રમાદાત્તસ્ય લોભેન પતન્તિ નરકે ધ્રુવમ્

સંનિરુધ્યેન્દ્રિયગ્રામં યત્ર યત્ર વસેન્મુનિઃ ।
તત્ર તત્ર કુરુક્ષેત્રં નૈમિષં પુષ્કરાણિ ચ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે બ્રહ્માવર્તતીર્થમાહાત્મ્યવર્ણનં નામૈકત્રિંશોઽધ્યાયઃ ॥