સ્કંદ પુરાણ · અધ્યાય 5.202

માર્કણ્ડેય ઉવાચ -
તસ્યૈવાનન્તરં ચાન્યચ્છિખિતીર્થમનુત્તમમ્ ।
પ્રધાનં સર્વતીર્થાનાં પઞ્ચાયતનમુત્તમમ્

તત્ર તીર્થે તપસ્તપ્ત્વા શિખાર્થં હવ્યવાહનઃ ।
શિખાં પ્રાપ્ય શિખી ભૂત્વા શિખાખ્યં સ્થાપયઞ્છિવમ્

પ્રતિપચ્છુક્લપક્ષે યા ભવેદાશ્વયુજે નૃપ ।
તદા તીર્થવરે ગત્વા સ્નાત્વા વૈ નર્મદાજલે

દેવાનૃષીન્ પિત્ઃંશ્ચાન્યાંસ્તર્પયેત્તિલવારિણા ।
હિરણ્યં બ્રાહ્મણે દદ્યાત્સંતર્પ્ય ચ હુતાશનમ્

ગન્ધમાલ્યૈસ્તથા ધૂપૈસ્તતઃ સમ્પૂજયેચ્છિવમ્ ।
અનેન વિધિનાભ્યર્ચ્ય શિખિતીર્થે મહેશ્વરમ્

વિમાનેનાર્કવર્ણેન હ્યપ્સરોગણસંવૃતઃ ।
ગીયમાનસ્તુ ગન્ધર્વૈર્રુદ્રલોકં સ ગચ્છતિ

શત્રુક્ષયમવાપ્નોતિ તેજસ્વી જાયતે ભુવિ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શિખિતીર્થમાહાત્મ્યવર્ણનં નામ દ્વ્યધિકદ્વિશતતમોઽધ્યાયઃ ॥