Skanda Purana · Chapter 5.202

mārkaṇḍeya uvāca -
tasyaivānantaraṃ cānyacchikhitīrthamanuttamam /
pradhānaṃ sarvatīrthānāṃ pañcāyatanamuttamam

tatra tīrthe tapastaptvā śikhārthaṃ havyavāhanaḥ /
śikhāṃ prāpya śikhī bhūtvā śikhākhyaṃ sthāpayañchivam

pratipacchuklapakṣe yā bhavedāśvayuje nṛpa /
tadā tīrthavare gatvā snātvā vai narmadājale

devānṛṣīn pitḥṃścānyāṃstarpayettilavāriṇā /
hiraṇyaṃ brāhmaṇe dadyātsaṃtarpya ca hutāśanam

gandhamālyaistathā dhūpaistataḥ sampūjayecchivam /
anena vidhinābhyarcya śikhitīrthe maheśvaram

vimānenārkavarṇena hyapsarogaṇasaṃvṛtaḥ /
gīyamānastu gandharvairrudralokaṃ sa gacchati

śatrukṣayamavāpnoti tejasvī jāyate bhuvi

// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śikhitīrthamāhātmyavarṇanaṃ nāma dvyadhikadviśatatamo'dhyāyaḥ //