સ્કંદ પુરાણ · અધ્યાય 5.201

શ્રીમાર્કણ્ડેય ઉવાચ -
તતો ગચ્છેન્મહીપાલ દેવતીર્થમનુત્તમમ્ ।
યત્ર સિદ્ધા મહાભાગા દેવાઃ સેન્દ્રા યુધિષ્ઠિર

સ્નાનં દાનં જપો હોમઃ સ્વાધ્યાયો દેવતાર્ચનમ્ ।
તત્ર તીર્થપ્રભાવેન કૃતમાનન્ત્યમશ્નુતે

વિશેષાદ્ભાદ્રપદે તુ કૃષ્ણપક્ષે ત્રયોદશીમ્ ।
પ્રધાનં સર્વતીર્થાનાં દેવૈરધ્યાસિતં પુરા

સ્નાત્વા ત્રયોદશીદિને શ્રાદ્ધં કૃત્વા વિધાનતઃ ।
દેવૈઃ સંસ્થાપિતં દેવં સમ્પૂજ્ય વૃષભધ્વજમ્ ।
સર્વપાપવિનિર્મુક્તો રુદ્રલોકમવાપ્નુયાત્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે દેવતીર્થમાહાત્મ્યવર્ણનં નામૈકોત્તરદ્વિશતતમોઽધ્યાયઃ ॥