સ્કંદ પુરાણ · અધ્યાય 4.91

॥ સ્કંદ ઉવાચ ॥ ॥
પાર્વતીશસ્ય મહિમા કથિતસ્તે મયાનઘ ॥
મુને નિશામયેદાનીં ગંગેશ્વરસમુદ્ભવમ્

યં શ્રુત્વા યત્રકુત્રાપિ ગંગાસ્નાનફલં લભેત્ ॥
ચક્રપુષ્કરિણીતીર્થં યદા ગંગા સમાગતા ॥

તેન દૈલીપિના સાર્ધમસ્મિન્નાનંદકાનને ॥
ક્ષેત્રપ્રભાવમતુલં જ્ઞાત્વા શંભુપરિગ્રહાત્

સ્મૃત્વા લિંગપ્રતિષ્ઠાયાઃ કાશ્યાં લોકોત્તરં ફલમ્ ॥
ગંગયા સ્થાપિતં લિંગં વિશ્વેશાત્પૂર્વતઃ શુભમ્

ગંગેશ્વરસ્ય લિંગસ્ય કાશ્યાં દૃષ્ટિઃ સુદુર્લભા ॥
તિથૌ દશહરાયાં ચ યો ગંગેશં સમર્ચયેત્

તસ્ય જન્મસહસ્રસ્ય પાપં સંક્ષીયતે ક્ષણાત્ ॥
કલૌ ગંગેશ્વરં લિંગં ગુપ્તપ્રાયં ભવિષ્યતિ

તસ્ય સંદર્શનં પુંસાં જાયતે પુણ્યહેતવે ॥
દૃષ્ટં ગંગેશ્વરં લિંગં યેન કાશ્યાં સુદુર્લભમ્

પ્રત્યક્ષરૂપિણી ગંગા તેન દૃષ્ટા ન સંશયઃ ॥
કલૌ સુદુર્લભા ગંગા સર્વકલ્મષહારિણી

ભવિષ્યતિ ન સંદેહો મિત્રાવરુણનંદન॥
તતોપિ તિષ્યે સંપ્રાપ્તે કાશ્યત્યંતં સુદુર્લભા

તતોપિ દુર્લભં કાશ્યાં લિંગં ગંગેશ્વરાભિધમ્ ॥
યસ્ય સંદર્શનં પુંસાં ભવેત્પાપક્ષયાય વૈ

શ્રુત્વા ગંગેશ માહાત્મ્યં ન નરો નિરયી ભવેત્ ॥
લભેચ્ચ પુણ્યસંભારં ચિંતિતં ચાધિગચ્છતિ

ઇતિ શ્રીસ્કાંદે મહાપુરાણ એકાશીતિ સાહસ્ર્યાં સંહિતાયાં ચતુથેં કાશીખંડ ઉત્તરાર્ધે ગંગેશ્વરમહિમાખ્યાનં નામૈકનવતિતમોઽધ્યાયઃ