સ્કંદ પુરાણ · અધ્યાય 3.43

શ્રીસૂત ઉવાચ॥
અથેદાનીં પ્રવક્ષ્યામિ રામનાથસ્ય વૈભવમ્॥
યચ્છ્રુત્વા સર્વપાપેભ્યો મુચ્યતે માનવો ભુવિ

રામપ્રતિષ્ઠિતં લિંગં યઃ પશ્યતિ નરઃ સકૃત્ ॥
સ નરો મુક્તિમાપ્નોતિ શિવસાયુજ્યરૂપિણીમ્

દશવર્ષૈસ્તુ યત્પુણ્યં ક્રિયતે તુ કૃતે યુગે ॥
ત્રેતાયામેકવર્ષેણ તત્પુણ્યં સાધ્યતે નૃભિઃ

દ્વાપરે તચ્ચ માસેન તદ્દિનેન કલૌ યુગે ॥
તત્ફલં કોટિગુણિતં નિમિષે નિમિષે નૃણામ્

નિઃસંદેહં ભવેદેવં રામનાથવિલોકિનામ્ ॥
રામેશ્વર મહાલિંગે તીર્થાનિ સકલાન્યપિ

વિદ્યંતે સર્વદેવાશ્ચ મુનયઃ પિતરસ્તથા ॥
એકકાલદ્વિકાલં વા ત્રિકાલં સર્વદૈવ વા

યે સ્મરંતિ મહાદેવં રામનાથં વિમુક્તિદમ્ ॥
કીર્તયંત્યથવા વિપ્રાસ્તે વિમુક્તાઘપંજરાઃ

સચ્ચિદાનંદમદ્વૈતં સાંબં રુદ્રં પ્રયાંતિ વૈ ॥
રામેશ્વરાખ્યં યલ્લિંગં રામચન્દ્રેણ પૂજિ તમ્

યસ્ય સ્મરણમાત્રેણ યમપીડાપિ નો ભવેત્ ॥
રામેશ્વરમહાલિંગં યેઽર્ચયંતિ સકૃન્નરાઃ

ન માનુષાસ્તે વિજ્ઞેયાઃ કિં તુ રુદ્રા ન સંશયઃ ॥
રામેશ્વરમહાલિંગં નાર્ચિતં યેન ભક્તિતઃ

ચિરકાલં સ સંસારે સંસરેદ્દુઃખસંકુલે ॥
રામેશ્વરમહાલિંગં યે પશ્યંતિ સકૃન્નરાઃ

।
કિં દાનૈઃ કિં વ્રતૈસ્તેષાં કિં તપોભિઃ કિમધ્વરૈઃ ॥
રામેશ્વરમહાલિંગં યો ન ચિંતયતિ ક્ષણમ્

અજ્ઞાની સ ચ પાપી સ્યાત્સ મૂકો બધિરસ્તથા ॥
સ જડોંઽધશ્ચ વિજ્ઞેયશ્છિદ્રં તસ્ય સદા ભવેત્

ધનક્ષેત્રસુતાદીનાં તસ્ય હાનિસ્તથા ભવેત્ ॥
રામેશ્વરમહાલિંગે સકૃદ્દૃષ્ટે મુનીશ્વરાઃ

કિં કાશ્યા ગયયા કિં વા પ્રયાગેણાપિ કિં ફલમ્ ॥
દુર્લભં પ્રાપ્ય માનુષ્યં માનવા યત્ર ભૂતલે

રામનાથમહાલિંગં નમસ્યંત્યર્ચયંતિ ચ ॥।
જન્મ તેષાં હિ સફલં તે કૃતાર્થાશ્ચ નેતરે

રામેશ્વરમહાલિંગે પૂજિતે વા સ્મૃતેપિ વા ॥
વિષ્ણુના બ્રહ્મણા કિં વા શક્રેણાપ્યખિલામરૈઃ

રામનાથમહાલિંગં ભક્તિયુક્તાશ્ચ યે નરાઃ ॥
તેષાં પ્રણામસ્મરણપૂજાયુક્તાસ્તુ યે નરાઃ

ન તે પશ્યંતિ દુઃખાનિ નૈવ યાંતિ યમાલયમ્ ॥
બ્રહ્મહત્યાસહસ્રાણિ સુરાપાનાયુતાનિ ચ

દૃષ્ટે રામેશ્વરે દેવે વિલયં યાંતિ કૃત્સ્નશઃ ॥
યે વાંછંતિ સદા ભોગં રાજ્યં ચ ત્રિદશાલયે

રામે શ્વરમહાલિંગં તે નમંતુ સકૃન્મુદા ॥
યાનિ કાનિ ચ પાપાનિ જન્મકોટિકૃતાન્યપિ

તાનિ રામેશ્વરે દૃષ્ટે વિલયં યાંતિ સર્વદા ॥
સંપર્કાત્કૌતુકાલ્લોભાદ્ભયાદ્વાપિ ચ સંસ્મરન્

રામેશ્વરમહાલિંગં નેહામુત્ર ચ દુઃખભાક્ ॥
રામેશ્વરમહાલિંગં કીર્તયન્નર્ચયન્નપિ

અવશ્યં રુદ્રસારૂપ્યં લભતે નાત્ર સંશયઃ ॥
યથૈધાંસિ સમિદ્ધોઽગ્નિર્ભસ્મસાત્કુરુતે ક્ષણાત્

તથા પાપાનિ સર્વાણિ રામેશ્વરવિલોકનાત્ ॥
રામેશ્વરમહાલિંગભક્તિરષ્ટવિધા સ્મૃતા

તદ્ભક્તજનવાત્સલ્યં તત્પૂજાપરિતોષણમ્ ॥
સ્વયં તત્પૂજનં ભક્ત્યા તદર્થે દેહચેષ્ટિતમ્

તન્માહાત્મ્યકથાનાં ચ શ્રવણેષ્વાદરસ્તથા ॥
સ્વરનેત્રશરીરેષુ વિકારસ્ફુરણં તથા

રામેશ્વરમહાલિંગસ્મરણં સંતતં તથા ॥
રામેશ્વરમહાલિંગમાશ્રિત્યૈવોપજીવનમ્

79બ્
એવમષ્ટવિધા ભક્તિર્યસ્મિન્મ્લેચ્છેઽપિવિદ્યતે ॥
સ એવ મુક્તિક્ષેત્રાણાં દાયભાક્પરિકીર્ત્યતે

ભક્ત્યા ત્વનન્યયા મુક્તિર્બ્રહ્મજ્ઞાનેન નિશ્ચિતા ॥
વેદાંતશાસ્ત્રશ્રવણાદ્યતીનામૂર્ધ્વરેતસામ્

સા ચ મુક્તિર્વિના જ્ઞાનદર્શનશ્રવણોદ્ભવમ્ ॥
યત્રાશ્રમં વિના વિપ્રા વિરક્તિં ચ વિના તથા

સર્વેષાં ચૈવ વર્ણાનામખિલાશ્રમિણામપિ ॥
રામેશ્વરમહાલિંગદર્શનાદેવ કેવલાત્

અપુનર્ભવદા મુક્તિર્ભ વિષ્યત્યવિલંબિતા ॥
કૃમિકીટાશ્ચ દેવાશ્ચ મુનયશ્ચ તપોધનાઃ

તુલ્યા રામેશ્વરક્ષેત્રે રામનાથપ્રસાદતઃ ॥
પાપં કૃતં મયાનેકમિતિ મા ક્રિયતાં ભયમ્

મા ગર્વઃ ક્રિયતાં પુણ્યં મયાકારીતિ વા જનૈઃ ॥
રામેશ્વરમહાલિંગે સાંબરુદ્રે વિલોકિતે

ન ન્યૂના નાધિકાશ્ચ સ્યુઃ કિં તુ સર્વે જનાઃ સમાઃ ॥
રામેશ્વરમહાલિંગં યઃ પશ્યતિ સભક્તિકમ્

ન તેન તુલ્યતામેતિ ચતુર્વેદ્યપિ ભૂતલે ॥
રામેશ્વરમહાલિંગે ભક્તો યઃ શ્વપચોઽપિ સન્

તસ્મૈ દાનાનિ દેયાનિ નાન્યસ્મૈ ચ ત્રયીવિદે ॥
યા ગતિર્યોગયુક્તાનાં મુનીનામૂર્ધ્વરેતસામ્

સા ગતિઃ સર્વજંતૂનાં રામેશ્વરવિલોકિનામ્ ॥
રામનાથશિવક્ષેત્રે યે વસંતિ નરા દ્વિજાઃ

તે સર્વે પઞ્ચવક્ત્રાઃ સ્યુશ્ચંદ્રાલંકૃતમસ્તકાઃ ॥
નાગાભરણસંયુક્તાસ્તથૈવ વૃષભધ્વજાઃ

ત્રિનેત્રા ભસ્મદિગ્ધાંગાઃ કપાલાકૃતિશેખરાઃ ॥
સાક્ષાત્સાંબા મહાદેવા ભવેયુર્નાત્ર સંશયઃ

રામનાથશિવક્ષેત્રં યે વ્રજંતિ નરા મુદા ॥
પદેપદેઽશ્વમેધાનાં પ્રાપ્નુયુઃ સુકૃતાનિ તે

રામસેતું સમાશ્રિત્ય રામનાથસ્ય તુષ્ટયે॥
દદાતિ ગ્રામમેકં યો બ્રાહ્મણાય સભક્તિકમ્

તેન ભૂઃ સકલા દત્તા સશૈલવનકાનના ॥
પત્રં પુષ્પં ફલં તોયં રામનાથાય યો નરઃ

ભક્ત્યા દદાતિ તં રક્ષેદ્રામનાથો હ્યહર્નિશમ્॥
રામનાથમહાલિંગે સાંબે કારુણિકે શિવે

અત્યંતદુર્લભા ભક્તિસ્તત્પૂજાપ્યતિદુર્લભા ॥
સ્તોત્રં ચ દુર્લભં પ્રોક્તં સ્મરણં ચાતિદુર્લભમ્

રામનાથેશ્વરં લિંગં મહાદેવં ત્રિલોચનમ્ ॥
શરણં યે પ્રપદ્યંતે ભક્તિયુક્તેન ચેતસા

લાભસ્તેષાં જયસ્તેષા મિહ લોકે પરત્ર ચ ॥
રામનાથમહાલિંગવિષયા યસ્ય શેમુષી

દિવારાત્રં ચ ભવતિ સ વૈ ધન્યતરો ભુવિ ॥
રામનાથેશ્વરં લિંગં યો ન પૂજયતે શિવમ્

નાયં ભુક્તેશ્ચ મુક્તેશ્ચ રાજ્યાનામપિ ભાજનમ્ ॥
રામેશ્વરમહાલિંગં યઃ પૂજયતિ ભક્તિતઃ

ભુક્તિમુક્ત્યોશ્ચ રાજ્યાનામસૌ પરમભાજનમ્ ॥
રામનાથાર્ચનસમં નાધિકં પુણ્યમસ્તિ વૈ

રામનાથેશ્વરં લિંગં દ્વેષ્ટિ યો મોહમાસ્થિતઃ ॥
બ્રહ્મહત્યાયુતં તેન કૃતં નરકકારણમ્

તત્સંભાષણમાત્રેણ માનવો નરકં વ્રજેત્ ॥
રામનાથપરા દેવા રામનાથપરા મખાઃ

રામનાથપરાઃ સર્વે તસ્માદ ન્યન્ન વિદ્યતે ॥
અતઃ સર્વં પરિત્યજ્ય રામનાથં સમાશ્રયેત્

રામનાથમહાલિંગં શરણં યાતિ ચેન્નરઃ ॥
દૌર્મત્યં તસ્ય નાસ્ત્યેવ શિવલોકં ચ યાસ્યતિ

સર્વયજ્ઞતપોદાનતીર્થસ્નાનેષુ યત્ફલમ્ ॥
તત્ફલં કોટિગુણિતં રામનાથસ્ય સેવયા

રામનાથેશ્વરં લિંગં ચિંતયન્ઘટિકા દ્વયમ્ ॥
કુલૈકવંશમુદ્ધૃત્ય શિવલોકે મહીયતે

દિનમેકં તુ યઃ પશ્યેદ્રામનાથં મહેશ્વરમ્ ॥
ઇહૈવ ધનવાન્ભૂત્વા સોંઽતે રુદ્રશ્ચ જાયતે

યઃ સ્મરેત્પ્રાતરુત્થાય રામનાથં મહેશ્વરમ્ ॥
અનેનૈવ શરીરેણ સ શિવો વર્તતે ભુવિ

રામનાથમહાલિંગદ્રષ્ટુર્દર્શનમાત્રતઃ ॥
અન્યેષાં પ્રાણિનાં પાપં તત્ક્ષણાદેવ નશ્યતિ

રામનાથેશ્વરં લિંગં મધ્યાહ્ને યસ્તુ પશ્યતિ ॥
સુરાપાનસહસ્રાણિ તસ્ય નશ્યંતિ તત્ક્ષણાત્ ॥

સાયંકાલે પશ્યતિ યો રામનાથં સભક્તિકમ્ ॥
ગુરુસ્ત્રીગમનોત્પન્નપાતકં તસ્ય નશ્યતિ

સાયંકાલે મહાસ્તોત્રૈઃ સ્તૌતિ રામેશ્વરં તુ યઃ ॥
સ્વર્ણસ્તેયસહસ્રાણિ તસ્ય નશ્યંતિ તત્ક્ષણાત્

સ્નાનં ચ ધનુષઃ કોટૌ રામનાથસ્ય દર્શનમ્ ॥
ઇતિ લભ્યેત વૈ પુંસાં કિં ગંગાજલસેવયા

રામનાથમહાલિંગસેવયા યન્ન લભ્યતે ॥
તદન્યદ્ધર્મજાલેન નૈવ લભ્યેત કર્હિચિત્

રામનાથં મહાલિગં યઃ કદાપિ ન પશ્યતિ ॥
સંકરઃ સ તુ વિજ્ઞેયો ન પિતુર્બીજસંભવઃ

રામનાથેતિશબ્દં યસ્ત્રિઃ પઠેત્પ્રાતરુત્થિતઃ ॥
તસ્ય પૂર્વદિનોત્પન્નપાતકં નશ્યતિ ક્ષણાત્

રામનાથે મહાલિંગે ભક્તરક્ષણદીક્ષિતે ॥
ભોજને વિદ્યમાનેઽપિ યાચનાઃ કિં પ્રયાસ્યથ

રામનાથમહાલિંગે પ્રસન્ને કરુણાનિધૌ ॥
નશ્યંતિ સકલાઃ ક્લેશા યથા સૂર્યોદયે હિમમ્

પ્રાણોત્ક્રમણવેલાયાં રામનાથં સ્મરેદ્યદિ ॥
જન્મનેઽસૌ ન કલ્પેત ભૂયઃ શંકરતામિયાત્

રામનાથ મહાદેવ માં રક્ષ કરુણાનિધે ॥
ઇતિ યઃ સતતં બ્રૂયાત્કલિનાસૌ ન બાધ્યતે

રામનાથ જગન્નાથ ધૂર્જટે નીલલોહિત ॥
ઇતિ યઃ સતતં બ્રૂયાદ્બાધ્યતેઽસૌ ન માયયા

નીલકણ્ઠ મહાદેવ રામેશ્વરસદાશિવ ॥
ઇતિ બ્રુવન્સદા જંતુર્નૈવ કામેન બાધ્યતે

રામેશ્વર યમારાતે કાલકૂટવિષાદન ॥
ઇતીરયઞ્જનો નિત્યં ન ક્રોધેન પ્રપીડ્યતે

રામનાથાલયં યસ્તુ દારુભિઃ કુરુતે નરઃ ॥
સ પુમાન્સ્વર્ગમાપ્નોતિ ત્રિકોટિકુલસંયુતઃ

ઇષ્ટકાભિસ્તુ યઃ કુર્યાત્સ વૈકુણ્ઠમવાપ્નુયાત્ ॥
શિલાભિઃ કુરુતે યસ્તુ સ ગચ્છેદ્બ્રહ્મણઃ પદમ્

સ્ફટિકાદિશિલાભેદૈઃ કુર્વન્નસ્યાલયં જનઃ ॥
શિવલોકમવાપ્નોતિ વિમાનવરમાસ્થિતઃ

રામનાથાલયં તામ્રૈઃ કુર્વન્ભક્તિપુરઃસરમ્ ॥
શિવસામીપ્યમાપ્નોતિ શિવસ્યાર્દ્ધાસનસ્થિતઃ

રામેશ્વરાલયં રૂપ્યૈઃ કુર્વન્વૈ માનવો મુદા ॥
શિવસારૂપ્યમાપ્નોતિ શિવવન્મોદતે સદા

રામનાથાલયં હેમ્ના યઃ કરોતિ સભક્તિકમ્ ॥
સ નરો મુક્તિમાપ્નોતિ શિવસાયુજ્યરૂપિણીમ્

રામનાથાલયં હેમ્ના ધનાઢ્યઃ કુરુતે નરઃ ॥
મૃદા દરિદ્રઃ કુરુતે તયોઃ પુણ્યં સમં સ્મૃતમ્

રામનાથમહાલિંગસ્નાનકાલે દ્વિજોત્તમાઃ ॥
ત્રિસંધ્યં ગેયનૃત્તે ચ મુખવાદ્યૈશ્ચ કાહલમ્

વાદ્યાન્યન્યાનિ કુરુતે યઃ પુમાન્ભક્તિપૂર્વકમ્ ॥
સ મહાપાતકૈર્મુક્તો રુદ્રલોકે મહીયતે ॥

યોભિષેકસ્ય સમયે રામનાથસ્ય શૂલિનઃ ॥
રુદ્રાધ્યાયં ચ ચમકં તથા પુરુષસૂક્તકમ્

ત્રિસુપર્ણં પંચશાંતિં પાવમાન્યાદિકં તથા ॥
જપેત્પ્રીતિયુતો વિપ્રા નરકં ન સમશ્નુતે

ગવાં ક્ષીરેણ દધ્ના ચ પંચગવ્યૈર્ઘૃતૈસ્તથા ॥
રામનાથમહાલિંગસ્નાનં નરકનાશનમ્ ॥

રામનાથમહાલિંગં ઘૃતેન સ્નાપયેચ્ચ યઃ ॥
કલ્પજન્માર્જિતં પાપં તત્ક્ષણાદેવ નશ્યતિ

રામનાથમહાલિંગં ગોક્ષીરૈઃ સ્નાપયન્નરઃ ॥
કુલૈકવિંશમુત્તાર્ય શિવલોકે મહીયતે

રામનાથમહાલિંગં દધ્ના સંસ્નાપયન્નરઃ ॥
સર્વપાપવિનિર્મુક્તો વિષ્ણુલોકે મહીયતે

અભ્યંગં તિલતૈલેન રામેશ્વરશિવસ્ય યઃ ॥
કરોતિ હિ સકૃદ્ભક્ત્યા સ કુબેરગૃહે વસેત્

રામનાથમહાલિંગે સ્નાનમિક્ષુરસેન યઃ ॥
સકૃદપ્યાચરેદ્ભ ક્ત્યા ચન્દ્રલોકં સમશ્નુતે

લિકુચામ્રરસોત્પન્નસારેણ સ્નાપયન્નરઃ ॥
રામનાથમહાલિંગં પિતૃલોકં સમશ્નુતે

નાલિકેરજલૈઃ સ્નાનં રામનાથમહેશ્વરે ॥
બ્રહ્મહત્યાદિપાપાનાં નાશનં પરિકીર્તિતમ્

રામનાથમહાલિંગં રંભાપક્વૈર્વિમર્દયન્ ॥
વિનાશ્ય સકલં પાપં વાયુલોકે મહી યતે। ૯૪ ॥
વસ્ત્રપૂતેન તોયેન રામનાથં મહેશ્વરમ્ ॥
સ્નાપયન્વારુણં લોકમાપ્નોતિ દ્વિજસત્તમાઃ

ચંદનોદકધારાભી રામનાથં મહેશ્વરમ્ ॥
સ્નાપયેત્પુરુષો વિપ્રા ગાંધર્વં લોકમાપ્નુયાત્

પુષ્પવાસિતતોયેન હેમસંપૃક્તવારિણા ॥
પદ્મવાસિતતોયેન સ્નાનાદ્રામેશ્વરસ્ય તુ

મહેંદ્રાસનમારુહ્ય તેનૈવ સહ મોદતે॥
પાટલોત્પલકલ્હારપુન્નાગકરવીરકૈઃ ૯૮ ॥
વાસિતૈર્વારિભિર્વિપ્રા રામેશ્વરમહેશ્વરમ્ ॥
અભિષિચ્ય મહદ્ભિશ્ચ પાતકૈઃ સ વિમુચ્યતે

યાનિ ચાન્યાનિ પુષ્પાણિ સુરભીણિ મહાંતિ ચ ॥
તદ્ગંધવાસિતૈસ્તોયૈરભિષિચ્ય દયાનિધિમ્

રામેશ્વરમહાલિંગં શિવલોકે મહીયતે ॥
એલાકર્પૂરલામજ્જવાસિતૈઃ શુદ્ધવારિભિઃ

રામેશ્વરમહાલિંગમભિષિચ્ય વિશુદ્ધધીઃ ॥
આગ્નેયં લોકમાસાદ્ય સર્વાકામા ન્સમશ્નુતે

રામનાથાભિષેકાર્થં મૃદ્ધટાન્યઃ પ્રયચ્છતિ ॥
ઇહ લોકે શતાયુઃ સ્યાત્સર્વકામ સમૃદ્ધિમાન્

તામ્રકુંભપ્રદાનેન દેવેંદ્રત્વમવા પ્નુયાત્ ॥
રૌપ્યકુંભપ્રદાનેન બ્રહ્મલોકં સમશ્નુતે

હેમકુંભપ્રદાનેન શિવલોકે મહીયતે ॥
રત્નકુંભપ્રદાનેન શિવસામીપ્યમશ્નુતે

રામનાથાભિષેકાર્થં નૈવેદ્યાર્થમપિ દ્વિજાઃ ॥
યો ગાં પયસ્વિનીં દદ્યાત્સોઽશ્વમેધફલં લભેત્

પ્રાપ્નોતિ શિવવેષં ચ દેહાંતે શિવલોકભાક્॥
રામસેતૌ ધનુષ્કોટૌ રામનાથેત્યુદીર્ય યઃ

યત્ર ક્વાપ્યાચરેત્સ્નાનં સેતુસ્નાનફલં લભેત્॥
સુધાપ્રલિપ્તં યઃ કુર્યાદ્રામનાથશિવાલયમ્

તત્પુણ્યં ગદિતું નાહં શક્તો વર્ષશતાદપિ ॥
નવીકરોતિ યો મર્ત્યો રામનાથશિવાલયમ્

કર્તુઃ શતગુણં જ્ઞેયં તસ્ય પુણ્યફલં દ્વિજાઃ ॥
છિન્નં ભિન્નં ચ યઃ સમ્યગ્રામનાથશિવાલયમ્

કરોતિ ભક્ત્યા પુરુષો બ્રહ્મહત્યાયુતં દહેત્ ॥
રામનાથસ્ય પુરતો દીપાનારોપયન્મુદા

અવિદ્યાપટલં ભિત્ત્વા યાતિ બ્રહ્મ સનાતનમ્ ॥
ઘૃતં તૈલં તથા મુદ્ગાઞ્છર્કરાસ્તંડુલાન્ગુડાન્

પ્રયચ્છન્રામનાથાય દેવેંદ્રપદમશ્નુતે ॥
રામનાથમહાલિંગદર્શનાદર્ચનાત્સ્મૃતેઃ

સ્પર્શનાદપિ પાપાનિ વિલયં યાંતિ તત્ક્ષણાત્॥
રામનાથાય યો દદ્યાન્મહાઘંટાં ચ દર્પણમ્

વિમાનશતસં ભોગૈશ્ચિરં શિવપુરે વસેત્ ॥
ભેરીમૃદંગપટહ નિઃસાણમુરજાદિકમ્

વંશકાંસ્યાદિવાદિત્રં તથા વાદ્યાંતરાણિ ચ ॥
પ્રયચ્છન્રામનાથાય મહાદે વાય સાદરમ્

સ વિમાનૈર્મહાભોગૈર્વાદ્યઘોષસમન્વિતૈઃ ॥
અનેકયુગપર્યંતં શિવલોકે મહીયતે

રામનાથં સમુદ્દિશ્ય યદ્દત્તં સ્વલ્પ માદરાત્ ॥
તદનંતફલં દાતુઃ પરત્ર ભવતિ ધ્રુવમ્

રામેશ્વરે મહાક્ષેત્રે રામનાથસ્ય સન્નિધૌ ॥
વસન્મુક્તિમવાપ્નોતિ પુનરાવૃત્તિવર્જિતામ્ ॥

આયુઃ પ્રયાતિ ત્વરિતં ત્વરિતં યાતિ યૌવનમ્ ॥
ત્વરિતં સંપદો યાંતિ દારપુત્રાદયસ્તથા

રાજાદિભિર્ધનં બાધ્યં ગૃહક્ષેત્રાદિકં તથા ॥
સર્વં ચ ક્ષણિકં વિપ્રા ગૃહોપકરણાદિકમ્

તસ્માત્સર્વં પરિત્યજ્ય સંસારસ્યોપલાલનમ્ ॥
રામેશ્વરમહાલિંગમાપન્નાર્તિહરં નૃણામ્ ॥

શ્રોતવ્યં કીર્તિતવ્યં ચ સ્મર્તવ્યં ચ મનીષિભિઃ ॥
રામેશ્વરાય દેવાય યો વૈ ગ્રામાન્પ્રયચ્છતિ

સ હિ પ્રારબ્ધદેહાંતે શિવ એવ પ્રજા યતે ॥
પાત્રાણામુત્તમં પાત્રં રામનાથો મહેશ્વરઃ

તસ્મૈ દત્ત્વા દ્વિજાઃ સત્યમનંતં સુખમશ્નુતે ॥
રામનાથમહાલિંગદર્શનાવધિ પાતકમ્ ॥

દત્ત્વા તસ્મૈ જનઃ કિંચિત્સાર્વભૌમો ભવેદ્ધ્રુવમ્ ॥
તાલવૃંતં ધ્વજં છત્રં ચંદનં ગુગ્ગુલું તથા

તામ્રકાંસ્યાદિરજતહેમરત્નમયાન્ધ ટાન્ ॥
પ્રયચ્છંત્યભિષેકાર્થં રામનાથસ્ય યે નરાઃ

ભૂમંડલાધિપતયો જાયંતે તે ભવાંતરે ॥
રામનાથસ્ય પૂજાર્થં પુષ્પાણ્યુત્પાદયંતિ યે ॥

અશ્વમેધાદિયાગાનાં ફલાન્યદ્ધાપ્નુવંતિ તે ॥
રામેશ્વરે મહાલિંગે પૂજિતે નમિતે સ્મૃતે

શ્રુતે દૃષ્ટે ચ વિપ્રેંદ્રા દુર્લભં નાસ્તિ કિંચન॥
રામનાથમહાલિંગં સેવિતું યઃ પુમાન્વ્રજેત્

તં દૃષ્ટ્વા ભયમાપ્નોતિ તસ્ય પાપૌઘ આશુ વૈ ॥
રામનાથો મહાદેવો દૃષ્ટો યદિ ભવેન્નૃભિઃ ॥

કિંવેદૈઃ કિમુ વા શાસ્ત્રૈઃ કિં વા તીર્થનિષેવણૈઃ॥
ચંદનં કુંકુમં કોષ્ઠં કસ્તૂરીં ગુગ્ગુલું તથા

મૃગનાભિં ચ સરલં દદ્યાદ્રામેશ્વરાય યઃ ॥
સ ભૂમાવિહ જાયેત ધનાઢ્યો વેદપારગઃ

મુક્તાભરણવસ્ત્રાણિ મહાર્હાણિ દદાતિ યઃ ॥
રામનાથાય દેવાય નાસૌ દૌર્ગત્યમાપ્નુયાત્

રામનાથમહાલિંગં ગંગાતોયૈઃ સમાહૃતૈઃ ॥
યોઽભિષિંચત્યસૌ પૂજ્યઃ શિવસ્યાપિ ન સંશયઃ

યાવન્ન યાતિ મરણં યાવન્નાક્રમતે જરા ॥
યાવન્નેંદ્રિયવૈકલ્યં તાવદેવ દ્વિજોત્તમાઃ

તાવદેવ મહાદેવો રામનાથો મુમુક્ષુભિઃ ॥
વન્દ્યઃ પૂજ્યશ્ચ મંતવ્યઃ સ્તુત્યશ્ચ સતતં શિવઃ

રામેશ્વરમહાલિંગપૂજાતુલ્યો ન વિદ્યતે ॥
ધર્મઃ સર્વપુરાણેષુ સર્વશાસ્ત્રેષુ વૈ તથા

રામનાથેશ્વરં દેવં મહાકારુણિકં પ્રભુમ્ ॥
ભક્ત્યા ભજંતિ યે નિત્યં તે ભૂલોકે સુખાન્વિતાઃ

ભુક્ત્વા ભોગાન્બહુસુખાન્પુત્રદારયુતા ભૃશમ્ ॥
એતચ્છરીરપાતાંતે મુક્તિં યાસ્યંતિ શાશ્વતીમ્

॥ શ્રીસૂત ઉવાચ ॥ ॥
એવં વઃ કથિતં વિપ્રા રામનાથસ્ય વૈ ભવમ્ ॥
યસ્ત્વેતચ્છૃણુયાન્નિત્યં પઠતે ચ સભક્તિકમ્

સ રામનાથસેવાયાઃ ફલમાપ્નોત્યનુત્તમમ્ ॥
ધનુષ્કોટિમહાતીર્થસ્નાનપુણ્યં ચ યાસ્યતિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં તૃતીયે બ્રહ્મખણ્ડે સેતુમાહાત્મ્યે રામનાથપ્રશંસાવર્ણનંનામ ત્રિચત્વારિંશોઽધ્યાયઃ