સ્કંદ પુરાણ · અધ્યાય 3.26

॥ વ્યાસ ઉવાચ ॥ ॥
માર્કંડેયોદ્ધાટિતં વૈ સ્વર્ગદ્વારમપાવૃતમ્ ॥
તત્ર યે દેહસંત્યાગં કુર્વંતિ ફલકાંક્ષયા

લભંતે તત્ફલં હ્યંતે વિષ્ણોઃ સાયુજ્યમાપ્નુયુઃ ॥
અતઃ કિં બહુનોક્તેન દ્વારવત્યાં સદા નરૈઃ

દેહત્યાગઃ પ્રકર્તવ્યો વિષ્ણોર્લોકજિગીષયા ॥
અનાશકે જલે વાગ્નૌ યે ચ સંતિ નરોત્તમાઃ ॥
સર્વપાપવિનિર્મુક્તા યાંતિ વિષ્ણોઃ પુરીં સદા

અન્યોપિ વ્યાધિરહિતો ગચ્છેદનશનં તુ યઃ ॥
સર્વપાપ વિનિર્મુક્તો યાતિ વિષ્ણોઃ પુરીં નરઃ

શતવર્ષસહસ્રાણાં વસેદંતે દિવિ દ્વિજઃ ॥
બ્રાહ્મણેભ્યઃ પરં નાસ્તિ પવિત્રં પાવનં ભુવિ

ઉપવાસૈ સ્તથા તુલ્યં તપઃ કર્મ્મ ન વિદ્યતે ॥
નાસ્તિ વેદાત્પરં શાસ્ત્રં નાસ્તિ માતૃસમો ગુરુ

ન ધર્માત્પરમસ્તીહ તપો નાનશનાત્પરમ્ ॥
સ્નાત્વા યઃ કુરુતે ઽત્રાપિ શ્રાદ્ધં પિંડોદકક્રિયામ્

તૃપ્યંતિ પિતરસ્તસ્ય યાવદ્બ્રહ્મદિવાનિશમ્ ॥
તત્ર તીર્થે નરઃ સ્નાત્વા કેશવં યસ્તુ પૂજયેત્

સ મુક્તપાતકૈઃ સર્વેર્વિષ્ણુલોકમવાપ્નુયાત્ ॥
તીર્થાનામુત્તમં તીર્થં યત્ર સંનિહિતો હરિઃ

હરતે સકલં પાપં તસ્મિંસ્તીર્થે સ્થિતસ્ય સઃ ॥
મુક્તિદં મોક્ષકામાનાં ધનદં ચ ધનાર્થિનામ્ ॥
આયુર્દં સુખદ ચૈવ સર્વકામફલપ્રદમ્

કિમન્યેનાત્ર તીર્થેન યત્ર દેવો જનાર્દ્દનઃ ॥
સ્વયં વસતિ નિત્યં હિ સર્વેષામનુકમ્પયા

તત્ર યદ્દીયતે કિચિદ્દાનં શ્રદ્ધાસમન્વિતમ્ ॥
અક્ષયં તદ્ભવેત્સર્વમિહ લોકે પરત્ર ચ

યજ્ઞૈર્દાનૈસ્તપો ભિશ્ચ યત્ફલં પ્રાપ્યતે બુધૈઃ ॥
તદત્ર સ્નાનમાત્રેણ શૂદ્રૈરપિ સુસેવકૈઃ

તત્ર શ્રાદ્ધં ચ યઃ કુર્યાદેકાદશ્યામુપોષિતઃ ॥
સ પિતૄનુદ્ધરે ત્સર્વાન્નરકેભ્યો ન સંશયઃ

અક્ષય્યાં તૃપ્તિમાપ્નોતિ પરમાત્મા જનાર્દ્દનઃ ॥
દીયતેઽત્ર યદુદ્દિશ્ય તદક્ષય્યમુદાહૃતમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં તૃતીયે બ્રહ્મખણ્ડે પૂર્વભાગે ધર્મારણ્યમાહાત્મ્યે દ્વારિકામાહાત્મ્યવર્ણનંનામ ષડ્વિંશોઽધ્યાયઃ