સ્કંદ પુરાણ · શ્લોક 3.1-3

અથ બ્રાહ્મખણ્ડે પ્રથમં સેતુમાહાત્મ્યમ્ ॥ ( ૩-૧)

શ્રીગણેશાય નમઃ ॥
શ્રીવેદવ્યાસાયનમઃ ॥
શુક્લાંબરધરં વિષ્ણું શશિવર્ણં ચતુર્ભુજમ્ ॥
પ્રસન્નવદનં ધ્યાયેત્સર્વવિઘ્નોપશાંતયે

નૈમિષારણ્યનિલયા ઋષયઃ શૌનકાદયઃ ॥
અષ્ટાંગયોગનિરતા બ્રહ્મજ્ઞાનૈકતત્પરાઃ

મુમુક્ષવો મહાત્માનો નિર્મમા બ્રહ્મવાદિનઃ ॥
ધર્મજ્ઞા અનસૂયાશ્ચ સત્યવતપરાયણાઃ

જિતેંદ્રિયા જિતક્રોધાઃ સર્વભૂતદયાલવઃ ॥
ભક્ત્યા પરમયા વિષ્ણુમર્ચયંતઃ સનાતનમ્

તપસ્તેપુર્મહાપુણ્યે નૈમિષે મુક્તિદાયિનિ ॥
એકદા તે મહાત્માનઃ સમાજં ચક્રુરુત્તમમ્

કથયંતો મહાપુણ્યાઃ કથાઃ પાપપ્રણાશિની ॥
ભુક્તિમુક્ત્યોરુપાયં ચ જિજ્ઞાસંતઃ પરસ્પરમ્

ષડ્વિંશતિસહસ્રાણામૃષીણાં ભાવિતાત્મનામ્ ॥
તેષાં શિષ્યપ્રશિષ્યાણાં સંખ્યા કર્તું ન શક્યતે

અત્રાંતરે મહાવિદ્વાન્વ્યાસશિષ્યો મહામુનિઃ ॥
આગમન્નૈમિષારણ્યં સૂતઃ પૌરાણિકોત્તમઃ

તમાગતં મુનિં દૃષ્ટ્વા જ્વલંતમિવ પાવકમ્ ॥
અર્ઘ્યાદ્યૈઃ પૂજયામાસુર્મુનયઃ। શૌનકાદયઃ

સુખોપવિષ્ટં તં સૂતમાસને પરમે શુભે ॥
પપ્રચ્છુઃ પરમં ગુહ્યં લોકાનુગ્રહકાંક્ષયા

સૂત ધર્માર્થતત્ત્વજ્ઞ સ્વાગતં મુનિપુંગવ ॥
શ્રુતવાંસ્ત્વં પુરાણાનિ વ્યાસાત્સત્યવતીસુતાત્

અતઃ સર્વપુરાણાનામર્થજ્ઞોઽસિ મહામુને ॥
કાનિ ક્ષેત્રાણિ પુણ્યાનિ કાનિ તીર્થાનિ ભૂતલે

કથં વા લપ્સ્યતે મુક્તિર્જીવાનાં ભવસાગરાત્ ॥
કથં હરે હરૌ વાપિ નૃણાં ભક્તિઃ પ્રજાયતે

કેન સિધ્યેત ચ ફલં કર્મણાસ્ત્રિવિધા ત્મનઃ ॥
એતચ્ચાન્યચ્ચ તત્સર્વં કૃપયા વદ સૂતજ

બ્રૂયુઃ સ્નિગ્ધાય શિષ્યાય ગુરવો ગુહ્યમપ્યુત ॥
ઇતિ પૃષ્ટસ્તદા સૂતો નૈમિષારણ્યવાસિભિઃ ॥

વક્તું પ્રચક્રમે નત્વા વ્યાસં સ્વગુરુમાદિતઃ ॥
શ્રીસૂત ઉવાચ ॥ ॥
સમ્યક્પૃષ્ટમિદં વિપ્રા યુષ્માભિર્જગતો હિતમ્

રહસ્યમે તદ્યુષ્માકં વક્ષ્યામિ શૃણુતાદરાત્ ॥
મયા નોક્તમિદં પૂર્વં કસ્યાપિ મુનિપુંગવાઃ

મનો નિયમ્ય વિપ્રેંદ્રાઃ શૃણુધ્વં ભક્તિપૂર્વકમ્ ॥
અસ્તિ રામેશ્વરં નામ રામસેતૌ પવિત્રિતમ્

ક્ષેત્રાણામપિ સર્વેષાં તીર્થાનામપિ ચોત્તમમ્ ॥
દૃષ્ટમાત્રે રામસેતૌ મુક્તિઃ સંસારસાગરાત્

હરે હરૌ ચ ભક્તિઃ સ્યાત્તથા પુણ્યસમૃદ્ધિતા ॥
કર્મણસ્ત્રિવિધસ્યાપિ સિદ્ધિઃ સ્યાન્નાત્ર સંશયઃ

યો નરો જન્મમધ્યે તુ સેતું ભક્ત્યાવલોકયેત્ ॥
તસ્ય પુણ્યફલં વક્ષ્યે શૃણુધ્વં મુનિપુંગવાઃ

માતૃતઃ પિતૃતશ્ચૈવ દ્વિકોટિકુલસંયુતઃ ॥
નિર્વિશ્ય શંભુના કલ્પં તતો મોક્ષં સમશ્નુતે

ગણ્યંતે પાંસવો ભૂમેર્ગણ્યંતે દિવિ તારકાઃ ॥
સેતુદર્શનજં પુણ્યં શેષેણાપિ ન ગણ્યતે

સમસ્તદેવતારૂપઃ સેતુવંધઃ પ્રકીર્તિતઃ ॥
તદ્દર્શનવતઃ પુંસઃ કઃ પુણ્યં ગણિતું ક્ષમઃ

સેતું દૃષ્ટ્વા નરો વિપ્રાઃ સર્વયાગકરઃ સ્મૃતઃ ॥
સ્નાતશ્ચ સર્વતીર્થેષુ તપોઽતપ્યત ચાખિલમ્

[હ્ત્ત્પ્:॥પુરઅન.ત્રિપોદ્.ચોમ્।પુર્_ઇન્દેx30।સેતુ1.હ્ત્મ્ એસોતેરિચ્ અસ્પેચ્ત્ ઓf સેતુ]
સેતું ગચ્છેતિ યો બ્રૂયાદ્યં કં વાપિ નરં દ્વિજાઃ ॥
સોઽપિ તત્ફલમાપ્નોતિ કિમન્યૈર્બહુભાષણઃ

સેતુસ્નાનકરો મર્ત્યઃ સપ્તકોટિકુલાન્વિતઃ ॥
સંપ્રાપ્ય વિષ્ણુભવનં તત્રૈવ પરિમુચ્યતે

સેતું રામેશ્વરં લિંગં ગંધમાદનપર્વતમ્ ॥
ચિંતયન્મનુજઃ સત્યં સર્વપાપૈઃ પ્રમુચ્યતે

માતૃતઃ પિતૃતશ્ચૈવ લક્ષકોટિકુલાન્વિતઃ ॥
સંપ્રાપ્ય વિષ્ણુભવનં તત્રૈવ પરિમુચ્યતે ॥
કલ્પત્રયં શંભુપદે સ્થિત્વા તત્રૈવ મુચ્યતે

મૂષાવસ્થાં વસાકૂપં તથા વૈતરણી નદીમ્ ॥
શ્વભક્ષં મૂત્રપાનં ચ સેતુસ્નાયી ન પશ્યતિ

તપ્તશૂલં તપ્તશિલાં પુરી ષહ્રદમેવ ચ ॥
તથા શોણિતકૂપં ચ સેતુસ્નાયી ન પશ્યતિ

શાલ્મલ્યારોહણં રક્તભોજનં કૃમિભોજનમ્ ॥
સ્વમાંસભોજનં ચૈવ વહ્નિજ્વાલાપ્રવેશનમ્

શિલાવૃષ્ટિં વહ્નિવૃષ્ટિં નરકં કાલસૂત્રકમ્ ॥
ક્ષારોદકં ચોષ્ણતોયં નેયાત્સેત્વવલોકકઃ

સેતુસ્નાયી નરો વિપ્રાઃ પંચપાતકવાનપિ ॥
માતૃતઃ પિતૃતશ્ચૈવ શતકોટિકુલાન્વિતઃ

કલ્પત્રયં વિષ્ણુપદે સ્થિત્વા તત્રૈવ મુચ્યતે ॥
અધઃશિરઃશોષણં ચ નરકં ક્ષારસેવનમ્

પાષાણયન્ત્રપીડાં ચ મરુત્પ્રપતનં તથા ॥
પુરીષલેપનં ચૈવ તથા ક્રકચદારણમ્

પુરીષભોજનં રેતઃપાનં સંધિષુ દાહનમ્ ॥
અંગારશય્યાભ્રમણં તથા મુસલમર્દ્દનમ્

એતાનિ નરકાણ્યદ્ધા સેતુસ્નાયી ન પશ્યતિ ॥
સેતુ સ્નાનં કરિષ્યેઽહમિતિ બુદ્ધ્યા વિચિંતયન્

ગચ્છેચ્છતપદં યસ્તુ સ મહાપાતકોઽપિ સન્ ॥
બહૂનાં કાષ્ઠયંત્રાણાં કર્ષણં શસ્ત્રભેદનમ્

પતનોત્પતનં ચૈવ ગદાદણ્ડનિપીડનમ્ ॥
ગજદન્તૈશ્ચ હનનં નાનાભુજગદંશનમ્

ધૂમપાનં પાશબન્ધં નાનાશૂલનિપીડનમ્ ॥
મુખે ચ નાસિકાયાં ચ ક્ષારોદકનિષેચનમ્

ક્ષારાંબુપાનં નરકં તપ્તાયઃ સૂચિભક્ષણમ્ ॥
એતાનિ નરકાન્યદ્ધા ન યાતિ ગતપાતકઃ

ક્ષારાંબુપૂર્ણરંધ્રાણાં પ્રવેશં મલભોજનમ્ ॥
સ્નાયુચ્છેદં સ્નાયુદાહમસ્થિભેદનમેવ ચ

શ્લેષ્માદનં પિત્તપાનં મહાતિક્તનિષેવણમ્ ॥
અત્યુષ્ણ તૈલપાનં ચ પાનં ક્ષારોદકસ્ય ચ

કષાયોદકપાનં ચ તપ્તપાષાણભોજનમ્ ॥
અત્યુષ્ણસિકતાસ્નાનં તથા દશનમર્દનમ્

તપ્તાયઃશયનં ચૈવ સંતપ્તાંબુનિષેચનમ્ ॥
સૂચિપ્રક્ષેપણં ચૈવ નેત્રયોર્મુખસંધિષુ

શિશ્ને સવૃષણે ચૈવ હ્યયોભારસ્ય બન્ધનમ્ ॥
વૃક્ષાગ્રાત્પતનં ચૈવ દુર્ગંધપરિપૂરિતે

તીક્ષ્ણધારાસ્ત્રશય્યાં ચ રેતઃપાનાદિકં તથા ॥
ઇત્યાદિ નરકાન્ઘોરાસેતુસ્નાયી ન પશ્યતિ

સેતુસૈકતમધ્યે યઃ શેતે તત્પાંસુકુંઠિતઃ ॥
યાવન્તઃ પાંસવો લગ્નાસ્તસ્યાંગે વિપ્રસત્તમાઃ

તાવતાં બ્રહ્મહત્યાનાં નાશઃ સ્યાન્નાત્ર સંશયઃ ॥
સેતુમધ્યસ્થ વાતેન યસ્યાંગં સ્પૃશ્યતેઽખિલમ્

સુરાપાનાયુતં તસ્ય તત્ક્ષણાદેવ નશ્યતિ ॥
વર્તંતે યસ્ય કેશાસ્તુ વપનાત્સેતુમધ્યતઃ

ગુરુતલ્પા યુતં તસ્ય તત્ક્ષણાદેવ નશ્યતિ ॥
યસ્યાસ્થિ સેતુમધ્યે તુ સ્થાપિતં પુત્રપૌત્રકૈઃ ॥
સ્વર્ણસ્તેયાયુતં તસ્ય તત્ક્ષણાદેવ નશ્યતિ

સ્મૃત્વા યં સેતુમધ્યે તુ સ્નાનં કુર્યાદ્દ્વિજોત્તમાઃ ॥
મહાપાતકિસંસર્ગદોષસ્તસ્ય લયં વ્રજેત્

માર્ગભેદી સ્વાર્થપાકી યતિબ્રાહ્મણદૂષકઃ ॥
અત્યાશી વેદવિક્રેતા પંચૈતે બ્રહ્મઘાતકાઃ

બ્રાહ્મણાન્યઃ સમાહૂય દાસ્યામીતિ ધનાદિકમ્ ॥
પશ્ચાન્નાસ્તીતિ યો બ્રૂતે બ્રહ્મહા સોપિ કીર્તિતઃ

પરિજ્ઞાય યતો ધર્માંસ્તસ્મૈ યો દ્વેષમાચરેત્ ॥
અવજાનાતિ વા વિપ્રાન્બ્રહ્મહા સોપિ કીર્તિતઃ

જલપાનાર્થમાયાતં ગોવૃન્દં તુ જલાશયે ॥
નિવારયતિ યો વિપ્રા બ્રહ્મહા સોપિ કીર્તિતઃ

સેતુમેત્ય તુ તે સર્વે મુચ્યંતે દોષસંચયૈઃ ॥
બ્રહ્મઘાતકતુલ્યા યે સંતિ ચાન્યે દ્વિજોત્તમાઃ ॥

તે સર્વે સેતુમાગત્ય મુચ્યંતે નાત્ર સંશયઃ ॥
ઔપાસનપરિત્યાગી દેવતાન્નસ્ય ભોજકઃ

સુરાપયોષિત્સંસર્ગી ગણિકાન્નાશનસ્તથા ॥
ગણાન્નભોજકશ્ચૈવ પતિતાન્નરતશ્ચ યઃ

એતે સુરાપિનઃ પ્રોક્તાઃ સર્વકર્મબહિષ્કૃતાઃ ॥
સેતુસ્નાનેન મુચ્યંતે તે સર્વે હતકિલ્બિષાઃ

સુરાપતુલ્યા યે ચાન્યે મુચ્યંતે સેતુમજ્જનાત્ ॥
કન્દમૂલફલાનાં ચ કસ્તૂરીપટ્ટવાસસામ્

પયશ્ચંદનકર્પૂરક્રમુકાણાં તથૈવ ચ ॥
મધ્વાજ્યતા મ્રકાંસ્યાનાં રુદ્રાક્ષાણાં તથૈવ ચ

ચોરકાસ્તુ પરિજ્ઞેયા સુવર્ણસ્તેયિનઃ સમાઃ ॥
તે સેતુક્ષેત્રમાગત્ય મુચ્યન્તે નાત્ર સંશયઃ

અન્યે ચ સ્તેયિનઃ સર્વે સેતુસ્નાનેન વૈ દ્વિજાઃ ॥
મુચ્યંતે સર્વપાપેભ્યો નાત્ર કાર્યા વિચારણા

ભગિનીં પુત્રભાર્યાં ચ તથૈવ ચ રજસ્વલામ્ ॥
ભ્રાતૃભાર્યાં મિત્રભાર્યાં મદ્યપાં ચ પરસ્ત્રિયમ્

હીનસ્ત્રિયં ચ વિશ્વસ્તાં યોઽભિગચ્છતિ રાગતઃ ॥
ગુરુતલ્પી સ વિજ્ઞેયઃ સર્વકર્મબહિષ્કૃતઃ

એતે ચાન્યે ચ યે સંતિ ગુરુતલ્પગતુલ્યકાઃ ॥
તે સર્વે પ્રવિમુચ્યંતે સેતુસ્નાનેન વૈ દ્વિજાઃ

એતૈઃ સંસર્ગિણો વિપ્રા યે ચાન્યે સંતિ પાપિનઃ ॥
સેતુસ્નાનેન મહતા તેઽપિ મોક્ષમવાપ્નુયુઃ

યાગં વિના દેવલોકે ઘૃતાચીમેનકાદિભિઃ॥
સંભોગકામિનો વિપ્રાઃ સ્નાતું સંતાવઘાપહે

અનિષેવ્ય રવિં વહ્નિમનુપાસ્ય પરાન્સુરાન્ ॥
શુભકામી જનઃ સેતૌકુર્યાત્સ્નાનં સભક્તિકમ્

।
તિલાન્ભૂમિં સુવર્ણં ચ ધાન્યં તંદુલમેવ ચ ॥
અદત્ત્વેચ્છંતિ તે સ્વર્ગં સ્નાતું સેતૌ તુ તે દ્વિજાઃ

ઉપવાસૈર્વ્રતૈઃ કૃત્સ્નૈરસંતાપ્ય નિજાં તનુમ્ ॥
સ્વર્ગાભિલાષિણઃ પુંસઃ સ્નાંતુ સેતૌ વિમુક્તિદે

સેતુસ્નાનં મોક્ષદં હિ મનઃશુદ્ધિપ્રદં તથા ॥
જપાદ્ધોમાત્તથા દાનાદ્યાગાચ્ચ તપસોઽપિ ચ

સેતુસ્નાનં વિશિષ્ટં હિ પુરાણે પરિપઠ્યતે ॥
અકામનાકૃતં સ્નાનં સેતૌ પાપવિનાશને

અપુનર્ભવદં પ્રોક્તં સત્યમુક્તં દ્વિજોત્તમાઃ ॥
યઃ સંપદં સમુદ્દિશ્ય સ્નાતિ સેતૌ નરો મુદા

સ સંપદમવાપ્નોતિ વિપુલાં દ્વિજપુંગવાઃ ॥
શુદ્ધ્યર્થં સ્નાતિ ચેત્સેતૌ તદા શુદ્ધિમવાપ્નુયાત્

રત્યર્થં યદિ ચ સ્નાયાદપ્સરોભિર્નરો દિવિ ॥
તદા રતિમવાપ્નોતિ સ્વર્ગલોકેઽમરીજનૈઃ

મુક્ત્યર્થં યદિ ચ સ્નાયાત્સેતૌ મુક્તિપ્રદાયિનિ ॥
તદા મુક્તિમવાપ્નોતિ પુનરાવૃત્તિવર્જિતામ્

સેતુસ્નાનેન ધર્મઃ સ્યાત્સેતુસ્નાનાદઘક્ષયઃ ॥
સેતુસ્નાનં દ્વિજશ્રેષ્ઠાઃ સર્વકામફલપ્રદમ્

સર્વવ્રતાધિકં પુણ્યં સર્વયજ્ઞોત્તરં સ્મૃતમ્ ॥
સર્વયોગાધિકં પ્રોક્તં સર્વ તીર્થાધિકં સ્મૃતમ્

ઇંદ્રાદિલોકભોગેષુ રાગો યેષાં પ્રવર્તતે ॥
સ્નાતવ્યં તૈર્દ્વિજશ્રેષ્ઠાઃ સેતૌ રામકૃતે સકૃત્

બ્રહ્મલોકે ચ વૈકુણ્ઠે કૈલાસેઽપિ શિવાલયે ॥
રંતુમિચ્છા ભવેદ્યેષાં તે સેતૌ સ્નાંતુ સાદરમ્

આયુરારોગ્યસંપત્તિમતિરૂપગુણાઢ્યતામ્ ॥
ચતુર્ણામપિ વેદાનાં સાંગાનાં પારગામિનામ્

સર્વશાસ્ત્રાધિગંતૃત્વં સર્વમંત્રેષ્વભિજ્ઞતામ્ ॥
સમુદ્દિશ્ય તુ યઃ સ્નાયાત્સેતૌ સર્વાર્થસિદ્ધિદે

તત્તત્સિદ્ધિમ વાપ્નોતિ સત્યં સ્યાન્નાત્ર સંશયઃ ॥
દારિદ્ર્યાન્નરકાદ્યે ચ મનુજા ભુવિ બિભ્યતિ

સ્નાનં કુર્વંતુ તે સર્વે રામસેતૌ વિમુક્તિદે ॥
શ્રદ્ધયા સહિતો મર્ત્યઃ શ્રદ્ધયા રહિતોઽપિ વા

ઇહલોકે પરત્રાપિ સેતુસ્નાયી ન દુઃખભાક્ ॥
સેતુસ્નાનેન સર્વેષાં નશ્યતે પાપસંચયઃ

વર્દ્ધતે ધર્મરાશિશ્ચ શુક્લપક્ષે યથા શશી ॥
યથા રત્નાનિ વર્દ્ધંતે સમુદ્રે વિવિધાન્યપિ

તથા પુણ્યાનિ વર્દ્ધંતે સેતુસ્નાનેન વૈ દ્વિજાઃ ॥
કામ ધેનુર્યથા લોકે સર્વાકામાન્પ્રયચ્છતિ

ચિંતામણિર્યથા દદ્યાત્પુરુષાણાં મનોરથાન્ ॥
યથાઽમરતરુર્દદ્યાત્પુરુષાણામભીપ્સિતમ્

સેતુસ્નાનં તથા નૃણાં સર્વાભીષ્ટાન્પ્રદાસ્યતિ ॥
અશક્તઃ સેતુયાત્રાયાં દારિદ્ર્યેણ ચ માનવઃ

યાચિત્વા સ ધનં શિષ્ટાત્સેતૌ સ્નાનં સમાચ રેત્ ॥
સેતુસ્નાનસમં પુણ્યં તત્ર દાતા સમશ્નુતે

તથા પ્રતિગૃહીતાપિ પ્રાપ્નોત્યવિકલં ફલમ્ ॥
સેતુયાત્રાં સમુદ્દિશ્ય ગૃહ્ણીયાદ્બ્રાહ્મણાદ્ધ નમ્

ક્ષત્રિયાદપિ ગૃહ્ણીયાન્ન દદ્યુર્બ્રાહ્મણા યદિ ॥
વૈશ્યાદ્વા પ્રતિગૃહ્ણીયાન્ન પ્રયચ્છંતિ ચેન્નૃપાઃ

શૂદ્રાન્ન પ્રતિગૃહ્ણીયાત્કથંચિદપિ માનવઃ ॥
યઃ સેતું ગચ્છતઃ પુંસો ધનં વા ધાન્યમેવ વા

દત્ત્વા વસ્ત્રાદિકં વાપિ પ્રવર્તયતિ માનવઃ ॥
સોઽશ્વમેધાદિયજ્ઞાનાં ફલમાપ્તો ત્યનુત્તમમ્

ચતુર્ણામપિ વેદાનાં પારાયણફલં લભેત્ ॥
તુલાપુરુષમુખ્યાનાં દાનાનાં ફલમશ્નુતે

બ્રહ્મહત્યાદિપાપાનાં નાશઃ સ્યા ન્નાત્ર સંશયઃ ॥
બહુના કિં પ્રલાપેન સર્વાન્કામાન્સમશ્નુતે

એવં પ્રતિગૃહીતાપિ તત્તુલ્યફલમશ્નુતે ॥
યાચતઃ સેતુયાત્રાર્થં ન પ્રતિગ્રહકલ્મષમ્

સેતું ગચ્છ ધનં તેઽહં દાસ્યામીતિ પ્રલોભ્ય યઃ ॥
પશ્ચાન્નાસ્તીતિ ચ બ્રૂયાત્તમાહુર્બ્રહ્મઘાતકમ્

લોભેન સેતુયાત્રાર્થં સંપન્નોઽપિ દરિદ્રવત્ ॥
માનવો યદિ યાચેત તમાહુસ્તેયિનં બુધાઃ

ગમિષ્યે સેતુમિતિ વૈ યો ગૃહીત્વા ધનં નરઃ ॥
ન યાતિ સેતું લોભેન તમાહુર્બ્રહ્મઘા તકમ્

યેન કેનાપ્યુપાયેન સેતું ગચ્છેન્નરો મુદા ॥
અશક્તો દક્ષિણાં દત્ત્વા ગમયેદ્વા દ્વિજોત્તમમ્

યાચિત્વા યજ્ઞકરણે યથા દોષો ન વિદ્યતે ॥
યાચિત્વા સેતુયાત્રાયાં તથા દોષો ન વિદ્યતે

યાચિત્વાપ્યન્યતો દ્રવ્યં સેતુસ્નાને પ્રવર્તયેત્ ॥
સોઽપિ તત્ફલમાપ્નોતિ સેતુ સ્નાયી નરો યથા

જ્ઞાનેન મોક્ષમભિયાંતિ કૃતે યુગે તુ ત્રેતાયુગે યજનમેવ વિમુક્તિદાયિ ॥
શ્રેષ્ઠં તથાન્યયુગયોરપિ દાનમાહુઃ સર્વત્ર સેત્વ ભિષવો હિ વરો નરાણામ્

ઇતિ શ્રીસ્કાંદે મહાપુરાણે એકાશીતિસાહસ્ર્યાં સંહિતાયાં તૃતીયે બ્રહ્મખણ્ડે સેતુમાહાત્મ્યે સેતુગમનફલાદિવર્ણનં નામ પ્રથમોઽધ્યાયઃ