સ્કંદ પુરાણ · અધ્યાય 1.57

॥ નારદ ઉવાચ ॥ ॥
તતો વિપ્રા નારદશ્ચ સમારાધ્ય મહેશ્વરમ્ ॥
મહીનગરકે પુણ્યે સ્થાપયામાસ શંકરમ્

લોકાનાં ચ હિતાર્થાય કેદારં લિંગમુત્તમમ્ ॥
અત્રીશાદુત્તરે ભાગે મહાપાતકનાશનમ્

અત્રિકુણ્ડે નરઃ સ્નાત્વા શ્રાદ્ધં કૃત્વા યથાવિધિ ॥
અત્રીશં ચ નમસ્કૃત્ય કેદારં યઃ પ્રપશ્યતિ

માતુઃ સ્તન્યં પુનર્નૈવ સ પિબેન્મુક્તિભાગ્ભવેત્ ॥
તતો રુદ્રો નીલકંઠં નારદાય મહાત્મને

સ્વયં દત્ત્વા સ્વયં તસ્થૌ મહીનગરકે શુભે ॥
કોટિતીર્થે નરઃ સ્નાત્વા નીલકંઠં પ્રપશ્યતિ

જયાદિત્યં નમસ્કૃત્ય રુદ્રલોકમવાપ્નુયાત્ ॥
જયાદિત્યં પૂજયંતિ કૂપે સ્નાત્વા નરોત્તમાઃ

ન તેષાં વંશનાશોઽસ્તિ જયાદિત્યપ્રસાદતઃ ॥
ઇદં તે કથિતં પાર્થ મહીનગરકસ્ય ચ

આખ્યાનં સકલં શ્રુત્વા સર્વપાપૈઃ પ્રમુચ્યતે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પ્રથમે માહેશ્વરખણ્ડે કૌમારિકાખંડે નીલકંઠમાહાત્મ્યવર્ણનંનામ સપ્તપઞ્ચાશત્તમોઽધ્યાયઃ