સ્કંદ પુરાણ · શ્લોક 1.35-2

॥નારદ ઉવાચ॥
કુમારેણ સ્થાપિતોઽત્ર કુમારેશસ્તતઃ સુરાઃ॥
પ્રણમ્ય ગુહમૂચુશ્ચ પ્રબદ્ધકરસંપુટાઃ

કિંચિદ્વિજ્ઞાપયષ્યામો વયં ત્વાં શ્રૃણુ તત્ત્વતઃ॥
પૂર્વપ્રસિદ્ધ આચારઃ પ્રોચ્યતે જયિનામયમ્

જયંતિ યે રણે શત્રૂંસ્તૈઃ કાર્યઃ સ્તંભચિહ્નકઃ॥
તસ્માત્તવ જયોદ્દ્યોતનિમિત્તં સ્તંમમુત્તમમ્

નક્ષિપામ વયં યાવત્ત્મનુજ્ઞાતુમર્હસિ॥
વિશ્વકર્મકૃતં યચ્ચ તૃતીયં લિંગમુત્તમમ્

તસ્ય સ્તંભાગ્રતસતં ચ સંસ્થાપય શિવાત્મજ॥
એવમુક્તે સુરૈઃ સ્કન્દસ્તતેત્યાહ મહામનાઃ

તતો હૃષ્ટાઃ સુરગણાઃ શક્રાદ્યાઃ સ્તંભમુત્તમમ્॥
જાંબૂનદમયં શુભ્રં રણભૂમૌ વિનિક્ષિપુઃ

પરિતઃ સ્થંડિલં દિક્ષુ સર્વરત્નમયં તુ તે॥
તત્ર હૃષ્ટાશ્ચાપ્સરસો નનૃતુર્દશધા શુભાઃ

માતરો મંગલાન્યસ્ય જગુઃ સ્કન્દસ્ય નંદિતાઃ॥
ઇંદ્રાદ્યા નનૃતુસ્તત્ર સ્વયં વિષ્ણુશ્ચ વાદકઃ

પેતુઃ ખાત્પુષ્પવર્ષાણિ દેવવાદ્યાનિ સસ્વનુઃ॥
એવં સ્તંભં સમારોપ્ય જયાખ્યં વિશ્વનંદકઃ

સ્તમ્ભેશ્વરસ્તતો દેવઃ સ્થાપિતસ્ત્ર્યક્ષસૂનુના॥
વિરિંચિપ્રમુખૈર્દેવૈર્જાતાનન્દૈઃ સમં તદા

હરિહરાદિત્યુક્તૈસ્તૈઃ સેન્દ્રૈર્મુનિગણૈરપિ॥
તસ્યૈવ પશ્ચિમે ભાગે શક્ત્યગ્રેણ મહાત્મના

ગુહેન નિર્મિતઃ કૂપો ગંગા તત્ર તલોદ્ભવા॥
માઘસ્ય ચ ચતુર્દશ્યાં કૃષ્ણાયાં પિતૃતર્પણમ્

કૂપે સ્નાનં નરઃ કૃત્વા ભક્ત્યા યઃ પાંડુનંદન॥
ગયાશ્રાદ્ધેન યત્પુણ્યં તત્ફલં લભતે સ્ફુટમ્

સ્તંભેશ્વરં તતો દેવં ગન્ધપુષ્પૈઃ પ્રપૂજયેત્॥
વાજપેયફલં પ્રાપ્ય મોદતે રુદ્રસદ્માનિ

પૌર્ણમાસ્યામમાવાસ્યાં મહીસાગરસંગમે॥
શ્રાદ્ધં કૃત્વા ચ યોઽભ્યર્ચ્ચેંત્સ્તંભેશ્વરમકલ્મષઃ

પિતરસ્તસ્ય તૃપ્યંતિ તૃપ્તા યચ્છંતિ ચાશિષઃ॥
સ ભિત્ત્વા સર્વપાપાનિ રુદ્રલોકે મહીયતે

ઇત્યાહ ભગવાન્રુદ્રઃ સ્કન્દસ્ય પ્રીતયે પુરા॥
એવમેવ ચતુર્થં ચ સ્થાપિતં લિંગમુત્તમમ્

પ્રણેમુર્દેવતાઃ સર્વે સાધુસાધ્વિતિ તે જગુઃ

ઇતિ સ્કાંદેમહાપુરાણ એકાશીતિસાહસ્ર્યાં સંહિતાયાં પ્રથમે માહેશ્વરખણ્ડે કૌમારિકાખણ્ડે સ્તંભેશ્વરમાહાત્મ્યવર્ણન નામ પંચત્રિંશોઽધ્યાયઃ