શિવસ્તોત્રાવલિ · અધ્યાય 7

વિધુરવિજયનામધેયં સપ્તમં સ્તોત્રમ્
ત્વય્ય્ આનન્દસરસ્વતિ સમરસતામ્ એત્ય નાથ મમ ચેતઃ &
પરિહરતુ સકૃદ્ ઇયન્તં ભેદાધીનં મહાનર્થમ્

એતન્ મમ ન ત્વ્ ઇદમ્ ઇતિ રાગદ્વેષાદિનિગડદૃઢમૂલે &
નાથ ભવન્મયતૈક્યપ્રત્યયપરશુઃ પતત્વન્તઃ

ગલતુ વિકલ્પકલઙ્કાવલી સમુલ્લસતુ હૃદિ નિરર્ગલતા &
ભગવન્ન્ આનન્દરસપ્લુતાસ્તુ મે ચિન્મયી મૂર્તિઃ

રાગાદિમયભવાણ્ડકલુઠિતં ત્વદ્ભક્તિભાવનામ્બિકા તૈસ્ તૈઃ &
આપ્યાયયતુ રસૈર્ માં પ્રવૃદ્ધપક્ષો યથા ભવામિ ખગઃ

ત્વચ્ચરણભાવનામૃતરસસારાસ્વાદનૈપુણં લભતામ્ &
ચિત્તમ્ ઇદં નિઃશેષિતવિષયવિષાસઙ્ગવાસનાવધિ મે

ત્વદ્ભક્તિતપનદીધિતિસંસ્પર્શવશાન્ મમૈષ દૂરતરમ્ &
ચેતોમણિર્ વિમૂઞ્ચતુરાગાદિકતપ્તવહ્નિકણાન્

તસ્મિન્ પદે ભવન્તં સતતમ્ ઉપશ્લોકયેયમ્ અત્યુચ્ચૈઃ &
હરિહર્યશ્વવિરિઞ્ચા અપિ યત્ર બહિઃ પ્રતીક્ષન્તે

ભક્તિમદજનિતવિભ્રમવશેન પશ્યેયમ્ અવિકલં કરણૈઃ &
શિવમયમ્ અખિલં લોકં ક્રિયાશ્ ચ પૂજામયી સકલાઃ

મામકમનોગૃહીતત્વદ્ભક્તિકુલાઙ્ગનાણિમાદિસુતાન્ &
સૂત્વા સુબદ્ધમૂલા મમેતિ બુદ્ધિં દૃઢીકુરુતામ્