શિવસ્તોત્રાવલિ · અધ્યાય 6

અધ્વવિસ્ફુરણાખ્યં સસ્થમ્ સ્તોત્રમ્
ક્ષણમાત્રમ્ અપીશાન વિયુક્તસ્ય ત્વયા મમ &
નિબિડં તપ્યમાનસ્ય સદા ભૂયા દૃશઃ પદમ્

વિયોગસારે સંસારે પ્રિયેણ પ્રભુણા ત્વયા &
અવિયુક્તઃ સદૈવ સ્યાં જગતાપિ વિયોજિતઃ

કાયવાઙ્મનસૈર્ યત્ર યામિ સર્વં ત્વમ્ એવ તત્ &
ઇત્ય્ એષ પરમાર્થો ઽપિ પરિપૂર્ણો ઽસ્તુ મે સદા

નિર્વિકલ્પો મહાનન્દપૂર્ણો યદ્વદ્ ભવાંસ્ તથા &
ભવત્સ્તુતિકરી ભૂયાદ્ અનુરૂપૈવ વાઙ્ મમ

ભવદાવેશતઃ પશ્યન્ ભાવં ભાવં ભવન્મયમ્ &
વિચરેયં નિરાકાઙ્ક્ષઃ પ્રહર્ષપરિપૂરિતઃ

ભગવન્ભવતઃ પૂર્ણમ્ પશ્યેયમ્ અખિલં જગત્ &
તાવતૈવાસ્મિ સન્તુષ્ટસ્ તતો ન પરિખિદ્યસે

વિલીયમાનાસ્ ત્વય્ય્ એવ વ્યોમ્નિ મેઘલવા ઇવ &
ભાવા વિભાન્તુ મે શશ્વત્ ક્રમનૈર્મલ્યગામિનઃ

સ્વપ્રભાપ્રસરધ્વસ્તાપર્યન્તધ્વાન્તસન્તતિઃ &
સન્તતં ભાતુ મે કો ઽપિ ભવમધ્યાદ્ ભવન્મણિઃ

કાં ભૂમિકાં નાધિશેષે કિં તત્ સ્યાદ્ યન્ ન તે વપુઃ &
શ્રાન્તસ્ તેનાપ્રયાસેન સર્વતસ્ ત્વામ્ અવાપ્નુયામ્

ભવદઙ્ગપરિષ્વઙ્ગસમ્ભોગઃ સ્વેચ્છયૈવ મે &
ઘટતામ્ ઇયતિ પ્રાપ્તે કિં નાથ ન જિતં મયા

પ્રકટીભવ નાન્યાભિઃ પ્રાર્થનાભિઃ કદર્થનાઃ &
કુર્મસ્ તે નાથ તામ્યન્તસ્ ત્વામ્ એવ મૃગયામહે