શિવસ્તોત્રાવલિ · અધ્યાય 5

સ્વબલનિદેશનાખ્યં પઞ્ચમં સ્તોત્રમ્
ત્વત્પાદપદ્મસમ્પર્કમાત્રસમ્ભોગસઙ્ગિનમ્ &
ગલેપાદિકયા નાથ માં સ્વવેશ્મ પ્રવેશય

ભવત્પાદામ્બુજરજોરાજિરઞ્જિતમૂર્ધજઃ &
અપારરભસારબ્ધનર્તનઃ સ્યામ્ અહં કદા

ત્વદ્ એકનાથો ભગવન્ન્ ઇયદ્ એવાર્થયે સદા &
ત્વદન્તર્વસતિર્ મૂકો ભવેયં માન્યથા બુધઃ

અહો સુધાનિધે સ્વામિન્ન્ અહો મૃષ્ટ ત્રિલોચન &
અહો સ્વાદો વિરૂપક્ષેત્ય્ એવ નૃત્યેયમ્ આરટન્

ત્વત્પાદપદ્મસંસ્પર્શપરિમીલિતલોચનઃ &
વિજૃમ્ભેયભવદ્ભક્તિમદિરામદઘૂર્ણિતઃ

ચિત્તભૂભૃદ્ ભુવિ વિભો વસેયં ક્વાપિ યત્ર સા &
નિરન્તરત્વત્પ્રલાપમયી વૃત્તિર્ મહારસા

યત્ર દેવીસમેતસ્ ત્વમ્ આસૌધાદા ચ ગોપુરાત્ &
બહુરૂપઃ સ્થિતસ્ તસ્મિન્ વાસ્તવ્યઃ સ્યામ્ અહં પુરે

સમુલ્લસન્તુ ભગવન્ ભવદ્ભાનુમરીચયઃ &
વિકસત્વેષ યાવન્ મે હૃત્પદ્મઃ પૂજનાય તે

પ્રસીદ ભગવન્ યેન ત્વત્પદે પતિતં સદા &
મનો મે તત્તદાસ્વાદ્ય ક્ષીવેદ્ ઇવ ગલેદ્ ઇવ

પ્રહર્ષાદ્ વાથ શોકાદ્ વા યદિ કુઙ્યાદ્ ધટાદ્ અપિ &
બાહ્યાદ્ અથાન્તરાદ્ ભાવાત્ પ્રકટીભવ મે પ્રભો

બહિર્ અપ્ય્ અન્તર્ અપિ તત્ સ્યન્દમાનં સદાસ્તુ મે &
ભવત્પાદામ્બુજસ્પર્શામૃતમ્ અત્યન્તશીતલમ્

ત્વત્પાદસંસ્પર્શસુધાસરસો ઽન્તર્નિમજ્જનમ્ &
કો ઽપ્ય્ એષ સર્વસમ્ભોગલઙ્ઘી ભોગો ઽસ્તુ મે સદા

નિવેદિતમ્ ઉપાદત્સ્વ રાગાદિ ભગવન્ મયા &
આદાય ચામૃતીકૃત્ય ભુઙ્ક્ષ્વ ભક્તજનૈઃ સમમ્

અશેષભુવનાહારનિત્યતૃપ્તઃ સુખાસનમ્ &
સ્વામિન્ ગૃહાણ દાસેષુ પ્રસાદાલોકનક્ષણમ્

અન્તર્ભક્તિચમત્કારચર્વણામીલિતેક્ષણઃ &
નમો મહ્યં શિવાયેતિ પૂજયમ્ સ્યાં તૃણાન્ય્ અપિ

અપિ લબ્ધભવદ્ભાવઃ સ્વાત્મોલ્લાસમયં જગત્ &
પશ્યન્ ભક્તિરસાભોગૈર્ ભવેયમ્ અવિયોજિતઃ

આકામ્ક્ષણીયમ્ અપરં યેન નાથ ન વિદ્યતે &
તવ તેનાદ્વિતીયસ્ય યુક્તં યત્ પરિપૂર્ણતા

હસ્યતે નૃત્યતે યત્ર રાગદ્વેષાદિ ભુજ્યતે &
પીયતે ભક્તિપીયૂષરસસ્ તત્ પ્રાપ્નુયાં પદમ્

તત્ તદ્ અપૂર્વામોદત્વચ્ચિન્તાકુસુમવાસના દૃઢતામ્ &
એતુ મમ મનસિ યાવન્ન્ અશ્યતુ દુર્વાસનાગન્ધઃ

ક્વ નુ રાગાદિષુ રાગઃ ક્વ ચ હરચરણામ્બુજેષુ રાગિત્વમ્ &
ઇત્થં વિરોધરસિકં બોધય હિતમ્ અમર મે હૃદયમ્

વિચરન્ યોગદશાસ્વ્ અપિ વિષયવ્યાવૃત્તિવર્તમાનો ઽપિ &
ત્વચ્ચિન્તામદિરામદતરલીકૃતહૃદય એવ સ્યામ્

વાચિ મનોમતિષુ તથા શરીરચેષ્ટાસુ કરણરચિતાસુ &
સર્વત્ર સર્વદા મે પુરઃસરો ભવતુ ભક્તિરસઃ

શિવશિવશિવેતિ નામનિ તવ નિરવધિ નાથ જપ્યમાને ઽસ્મિન્ &
આસ્વાદયન્ ભવેયં કમ્ અપિ મહારસમ્ અપુનરુક્તમ્

સ્ફુરદનન્તચિદાત્મકવિષ્ટપે પરિનિપીતસમસ્તજડાધ્વનિ &
અગણિતાપરચિન્મયગણ્ડિકે પ્રવિચરેયમ્ અહં ભવતો ઽર્ચિતા

સ્વવપુષિ સ્ફુટભાસિનિ શાશ્વતે સ્થિતિકૃતે ન કિમ્ અપ્ય્ ઉપયુજ્યતે &
ઇતિ મતિઃ સુદૃઢા ભવતાત્ પરં મમ ભવચ્ચરણાબ્જરજઃ શુચેઃ

કિમ્ અપિ નાથ કદાચન ચેતસિ સ્ફુરતિ તદ્ ભવદંઘ્રિતલસ્પૃશામ્ &
ગલતિ યત્ર સમસ્તમિદં સુધાસરસિ વિશ્વમ્ ઇદં દિશ મે સદા