શિવસ્તોત્રાવલિ · અધ્યાય 3

પ્રણયપ્રસાદાખ્યં તૃતીયં સ્તોત્રમ્
સદસત્ત્વેન ભાવાનાં યુક્તા યા દ્વિતયી ગતિઃ &
તામ્ ઉલ્લઙ્ઘ્ય તૃતીયસ્મૈ નમશ્ ચિત્રાય શમ્ભવે

આસુરર્ષિજનાદ્ અસ્મિન્ન્ અસ્વતન્ત્રે જગત્ત્રયે &
સ્વતન્ત્રાસ્ તે સ્વતન્ત્રસ્ય યે તવૈવાનુજીવિનઃ

અશેષવિશ્વખચિતભવદ્વપુર્ અનુસ્મૃતિઃ &
યેષામ્ ભવરુજામ્ એકં ભેષજં તે સુખાસિનઃ

સિતાતપત્રં યસ્યેન્દુઃ સ્વપ્રભાપરિપૂરિતઃ &
ચામરં સ્વર્ધુનીસ્રોતઃ સ એકઃ પરમેશ્વરઃ

પ્રકાશાં શીતલામ્ એકાં શુદ્ધાં શશિકલામ્ ઇવ &
દૃશં વિતર મે નાથ કામ્ અપ્ય્ અમૃતવાહિનીમ્

ત્વચ્ચિદાનન્દજલધેશ્ ચ્યુતાઃ સંવિત્તિવિપ્રુષઃ &
ઇમાઃ કથં મે ભગવન્ નામૃતાસ્વાદસુન્દરાઃ

ત્વયિ રાગરસે નાથ ન મગ્નં હૃદયં પ્રભો &
યેષામ્ અહૃદયા એવ તે ઽવજ્ઞસ્પદમ્ ઈદૃશાઃ

પ્રભુણા ભવતા યસ્ય જાતં હૃદયમેલનમ્ &
પ્રાભવીણાં વિભૂતીનાં પરમેકઃ સ ભાજનમ્

હર્ષાણામ્ અથ શોકાનાં સર્વેષાં પ્લાવકઃ સમમ્ &
ભવદ્ધ્યાનામૃતાપૂરો નિમ્નાણિમ્નભુવામ્ ઇવ

કેવ ન સ્યાદ્ દૃશા તેષાં સુખસમ્ભારનિર્ભરા &
યેષામ્ આત્માધિકેનેશ ન ક્વાપિ વિરહસ્ ત્વયા

ગર્જામિ બત નૃત્યામિ પૂર્ણા મમ મનોરથાઃ &
સ્વામી મમૈષ ઘટિતો યત્ ત્વમ્ અત્યન્તરોચનઃ

નાન્યદ્ વેદ્યં ક્રિયા યત્ર નાન્યો યોગો વિદા ચ યત્ &
જ્ઞાનં સ્યાત્ કિં તુ વિશ્વૈકપૂર્ણા ચિત્ત્વં વિજૃમ્ભતે

દુર્જયાનામ્ અનન્તાનામ્ દુઃખાનાં સહસૈવ તે &
હસ્તાત્ પલાયિતા યેષાં વાચિ શશ્વચ્છિવધ્વનિઃ

ઉત્તમઃ પુરુષો ઽન્યો ઽસ્તિ યુષ્મચ્છેષવિશેષિતઃ &
ત્વં મહાપુરુષસ્ ત્વ્ એકો નિઃશેષપુરુષાશ્રયઃ

જયન્તિ તે જગદ્વન્દ્યા દાસાસ્ તે જગતાં વિભો &
સંસારાર્ણવ એવૈષ યેષાં ક્રીડામહાસરઃ

આસતાં તાવદ્ અન્યાનિ દૈન્યાનીહ ભવજ્જુષામ્ &
ત્વમ્ એવ પ્રકટીભૂયા ઇત્ય્ અનેનૈવ લજ્જ્યતે

મત્પરં નાસ્તિ તત્રાપિ જાપકો ઽસ્મિ તદૈક્યતઃ &
તત્ત્વેન જપ ઇત્ય્ અક્ષમાલયા દિશસિ ક્વચિત્

સતો ઽવશ્યં પરમસત્ સચ્ ચ તસ્માત્ પરં પ્રભો &
ત્વં ચાસતઃ સતશ્ ચાન્યસ્ તેનાસિ સદસન્મયઃ

સહસ્રસૂર્યકિરણાધિકશુદ્ધપ્રકાશવાન્ &
અપિ ત્વં સર્વભુવનવ્યાપકો ઽપિ ન દૃશ્યસે

જડે જગતિ ચિદ્રૂપઃ કિલ વેદ્યે ઽપિ વેદકઃ &
વિભુર્ મિતે ચ યેનાસિ તેન સર્વોત્તમો ભવાન્

અલમ્ આક્રન્દિતૈર્ અન્યૈર્ ઇયદ્ એવ પુરઃ પ્રભોઃ &
તીવ્રં વિરૌમિ યન્ નાથ મુહ્યામ્ય્ એવં વિદન્ન્ અપિ