શિવસ્તોત્રાવલિ · અધ્યાય 2

સર્વાત્મપરિભાવનાખ્યં દ્વિતીયં સ્તોત્રમ્
અગ્નીષોમરવિબ્રહ્મવિષ્ણુસ્થાવરજઙ્ગમ &
સ્વરૂપ બહુરૂપાય નમઃ સંવિન્મયાય તે

વિશ્વેન્ધનમહાક્ષારાનુલેપશુચિવર્ચસે &
મહાનલાય ભવતે વિશ્વૈકહવિષે નમઃ

પરમામૃતસાન્દ્રાય શીતલાય શિવાગ્નયે &
કસ્મૈ ચિદ્ વિશ્વસંપ્લોષવિષમાય નમો ઽસ્તુ તે

મહાદેવાય રુદ્રાય શઙ્કરાય શિવાય તે &
મહેશ્વરાયાપિ નમઃ કસ્મૈ ચિન્ મન્ત્રમૂર્તયે

નમો નિકૃત્તનિઃશોષત્રૈલોક્યવિગલદ્વસા- &
વસેકવિષમાયાપિ મઙ્ગલાય શિવાગ્નયે

સમસ્તલક્ષનાયોગ એવ યસ્યોપલક્ષણમ્ &
તસ્મૈ નમો ઽસ્તુ દેવાય કસ્મૈ ચિદ્ અપિ શમ્ભવે

વેદાગમવિરુદ્ધાય વેદાગમવિધાયિને &
વેદાગમસતત્ત્વાય ગુહ્યાય સ્વામિને નમઃ

સંસારૈકનિમિત્તાય સંસારૈકવિરોધિને &
નમઃ સમ્સારરૂપાય નિઃસંસારાય શમ્ભવે

મૂલાય મધ્યાયાગ્રાય મૂલમધ્યાગ્રમૂર્તયે &
ક્ષીનાગ્રમધ્યમૂલાય નમઃ પૂર્ણાય શમ્ભવે

નમઃ સુકૃતસંભરવિપાકઃ સકૃદ્ અપ્ય્ અસૌ &
યસ્ય નામગ્રહસ્ તસ્મૈ દુર્લભાય શિવાય તે

નમશ્ચરાચરાકારપરેતનિચયૈઃ સદા &
ક્રીડતે તુભ્યમ્ એકસ્મૈ ચિન્મયાય કપાલિને

માયાવિને વિશુદ્ધાય ગુહ્યાય પ્રકટાત્મને &
સૂક્ષ્માય વિશ્વરૂપાય નમશ્ ચિત્રાય શમ્ભવે

બ્રહ્મેન્દ્રવિષ્ણુનિર્વ્યૂઢજગત્સંહારકેલયે &
આશ્ચર્યકરણીયાય નમસ્ તે સર્વશક્તયે

તટેષ્વ્ એવ પરિભ્રાન્તૈઃ લબ્ધાસ્ તાસ્ તા વિભૂતયઃ &
યસ્ય તસ્મૈ નમસ્ તુભ્યમ્ અગાધહરસિન્ધવે

માયામયજગત્સાન્દ્રપઙ્કમધ્યાધિવાસિને &
અલેપાય નમઃ શમ્ભુશતપત્રાય શોભિને

મઙ્ગલાય પવિત્રાય નિધયે ભૂષણાત્મને &
પ્રિયાય પરમાર્થાય સર્વોત્કૃષ્ટાય તે નમઃ

નમઃ સતતબદ્ધાય નિત્યનિર્મુક્તિભાગિને &
બન્ધમોક્ષવિહીનાય કસ્મૈ ચિ દ્ અપિ શમ્ભવે

ઉપહાસૈકસારે ઽસ્મિન્ન્ એતાવતિ જગત્ત્રયે &
તુભ્યમ્ એવાદ્વિતીયાય નમો નિત્યસુખાસિને

દક્ષિણાચારસારાય વામાચારાભિલાષિણે &
સર્વાચારાય શર્વાય નિરાચારાય તે નમઃ

યથા તથાપિ યઃ પૂજ્યો યત્ર તત્રાપિ યો ઽર્ચિતઃ &
યો ઽપિ વા સો ઽપિ વા યો ઽસૌ દેવસ્ તસ્મૈ નમો ઽસ્તુ તે

મુમુક્ષુજનસેવ્યાય સર્વસન્તાપહારિણે &
નમો વિતતલાવણ્યવરાય વરદાય તે

સદા નિરન્તરાનન્દરસનિર્ભરિતાખિલ- &
ત્રિલોકાય નમસ્ તુભ્યં સ્વામિને નિત્યપર્વણે

સુખપ્રધાનસંવેદ્યસમ્ભોગૈર્ ભજતે ચ યત્ &
ત્વામ્ એવ તસ્મૈ ઘોરાય શક્તિવૃન્દાય તે નમઃ

મુનીનામ્ અપ્ય્ અવિજ્ઞેયં ભક્તિસમ્બન્ધચેષ્ટિતાઃ &
આલિઙ્ગન્ત્ય્ અપિ યં તસ્મૈ કસ્મૈ ચિદ્ ભવતે નમઃ

પરમામૃતકોશાય પરમામૃતરાશયે &
સર્વપારમ્યપારમ્યપ્રાપ્યાય ભવતે નમઃ

મહામન્ત્રમયં નૌમિ રૂપં તે સ્વચ્છશીતલમ્ &
અપૂર્વમોદસુભગં પરામૃતરસોલ્વણમ્

સ્વાતન્ત્ર્યામૃતપૂર્ણત્વદ્ ઐક્યખ્યાતિમહાપટે &
ચિત્રં નાસ્ત્ય્ એવ યત્રેશ તન્ નૌમિ તવ શાસનમ્

સર્વાશઙ્કાસનિં સર્વાલક્ષ્મીકાલાનલં તથા &
સર્વામઙ્ગલ્યકલ્પાન્તં માર્ગં માહેશ્વરં નુમઃ

જય દેવ નમો નમો ઽસ્તુ તે સકલં વિશ્વમ્ ઇદં તવાશ્રિતમ્ &
જગતાં પરમેશ્વરો ભવાન્ પરમેકઃ શરણાગતો ઽસ્મિ તે