શિવસ્તોત્રાવલિ · અધ્યાય 1

ભક્તિવિલાસાખ્યં પ્રથમં સ્તોત્રમ્
ઓં
ન ધ્યાયતો ન જપતઃ સ્યાદ્ યસ્યાવિધિપૂર્વકમ્ &
એવમ્ એવ શિવભાસસ્ તં નુમો ભક્તિશાલિનમ્

આત્મા મમ ભવદ્ભક્તિસુધાપાનયુવાપિ સન્ &
લોકયાત્રારજોરાગાત્ પલિતૈર્ ઇવ ધૂસરઃ

લબ્ધતત્સંપદાં ભક્તિમતાં ત્વત્પુરવાસિનામ્ &
સંચારો લોકમાર્ગે ઽપિ સ્યાત્ તયૈવ વિજૃમ્ભયા

સાક્ષાદ્ભવન્મયે નાથ સર્વસ્મિન્ ભુવનાન્તરે &
કિં ન ભક્તિમતાં ક્ષેત્રમ્ મન્ત્રઃ ક્વૈષામ્ ન સિદ્ધ્યતિ

જયન્તિ ભક્તિપીયૂષરસાસવવરોન્મદાઃ &
અદ્વિતીયા અપિ સદા ત્વદ્દ્વિતીયા અપિ પ્રભો

અનન્તાનન્દસિન્ધોસ્ તે નાથ તત્ત્વં વિદન્તિ તે &
તાદૃશ એવ યે સાન્દ્રભક્ત્યાનન્દરસાપ્લુતાઃ

ત્વમ્ એવાત્મેશ સર્વસ્ય સર્વશ્ ચાત્મનિ રાગવાન્ &
ઇતિ સ્વભાવસિદ્ધાંસ્ ત્વદ્ભક્તિં જાનઞ્ જયેજ્ જનઃ

નાથ વેદ્યક્ષયે કેન ન દૃશ્યો ઽસ્યેકકઃ સ્થિતઃ &
વેદ્યવેદકસંક્ષોભે ઽપ્ય્ અસિ ભક્તૈઃ સુદર્શનઃ

અનન્તાનન્દસરસી દેવી પ્રિયતમા યથા &
અવિયુક્તાસ્તિ તે તદ્વદ્ એકા ત્વદ્ભક્તિર્ અસ્તુ મે

સર્વ એવ ભવલ્લાભહેતુર્ ભક્તિમતાં વિભો &
સંવિન્માર્ગો ઽયમ્ આહ્લાદદુઃખમોહૈસ્ ત્રિધા સ્થિતઃ

ભવદ્ભક્ત્યમૃતાસ્વાદાદ્ બોધસ્ય સ્યાત્ પરાપિ યા &
દશા સા માં પ્રતિ સ્વામિન્ નાસવસ્યેવ શુક્તતા

ભવદ્ભક્તિમહાવિદ્યા યેષામ્ અભ્યાસમ્ આગતા &
વિદ્યાવિદ્યોભયસ્યાપિ તા એતે તત્ત્વવેદિનઃ

આમુલાદ્ વાગ્લતા સેયં ક્રમવિસ્ફારશાલિની &
ત્વદ્ભક્તિસુધયા સિક્તા તદ્રસાઢ્યફલાસ્તુ મે

શિવો ભૂત્વા યજેતેતિ ભક્તો ભૂત્વેતિ કથ્યતે &
ત્વમ્ એવ હિ વપુઃ સારં ભક્તૈર્ અદ્વયશોધિતમ્

ભક્તાનાં ભવદદ્વૈતસિદ્ધ્યૈ કા નોપપત્તયઃ &
તદસિદ્ધ્યૈ નિકૃષ્ટાનાં કાનિ નાવરણાનિ વા

કદાચિત્ ક્વાપિ લભ્યો ઽસિ યોગેનેતીશ વઞ્ચના &
અન્યથા સર્વકક્ષ્યાસુ ભાસિ ભક્તિમતાં કથમ્

પ્રત્યાહારાદ્યસંસ્પૃષ્ટો વિશેષો ઽસ્તિ મહાનયમ્ &
યોગિભ્યો ભક્તિભાજામ્ યદ્ વ્યુત્થાને ઽપિ સમાહિતાઃ

ન યોગો ન તપો નાર્ચાક્રમઃ કો ઽપિ પ્રનીયતે &
અમાયે શિવમાર્ગે ઽસ્મિન્ ભક્તિર્ એકા પ્રશસ્યતે

સર્વતો વિલસદ્ભક્તિતેજોધ્વસ્તાવૃતેર્ મમ &
પ્રત્યક્ષસર્વભાવસ્ય ચિન્તાનામ્ અપિ નશ્યતુ

શિવ ઇત્ય્ એકશબ્દસ્ય જિહ્વાગ્રે તિષ્ઠતઃ સદા &
સમસ્તવિષયાસ્વાદો ભક્તેષ્વ્ એવાસ્તિ કો ઽપ્ય્ અહો

શાન્તકલ્લોલશીતાચ્છસ્વાદુભક્તિસુધામ્બુધૌ &
અલૌકિકરસાસ્વાદે સુસ્થૈઃ કો ઽનામ ગણ્યતે

સાદૃશૈઃ કિં ન ચર્વ્યેત ભવદ્ભક્તિમહૌષધિઃ &
તાદૃશી ભગવન્ યસ્યા મોક્ષાખ્યો ઽનન્તરો રસઃ

તા એવ પરમર્થ્યન્તે સમ્પદઃ સદ્ભિર્ ઈશ યાઃ &
ત્વદ્ ભક્તિરસસમ્ભોગવિસ્રમ્ભપરિપોષિકાઃ

ભવદ્ભક્તિસુધાસારસ્ તૈઃ કિમ્ અપ્ય્ ઉપલક્ષિતઃ &
યે ન રાગાદિ પઙ્કે ઽસ્મિંઌ લિપ્યન્તે પતિતા અપિ

અણિમાદિષુ મોક્ષાન્તેષ્વ્ અઙ્ગેષ્વ્ એવ ફલાભિધા &
ભવદ્ભક્તેર્ વિપક્વાયા લતાયા ઇવ કેષુ ચિત્

ચિત્રં નિસર્ગતો નાથ દુઃખબીજમ્ ઇદં મનઃ &
ત્વદ્ભક્તિરસસંસિક્તમ્ નિઃશ્રેયસમહાફલમ્