શિવસ્તોત્રાવલિ · અધ્યાય 12

રહસ્યનિર્દેશનામ દ્વાદશં સ્તોત્રમ્
સહકારિ ન કિઞ્ચિદ્ ઇષ્યતે ભવતો ન પ્રતિબન્ધકં દૃષિ &
ભવતૈવ હિ સર્વમ્ આપ્લુતં કથમ્ અદ્યાપિ તથાપિ નેક્ષસે

અપિ ભાવગણાદ્ અપીન્દ્રિયપ્રચયાદ્ અપ્ય્ અવબોધમધ્યતઃ &
પ્રભવન્તમ્ અપિ સ્વતઃ સદા પરિપશ્યેયમ્ અપોઢવિશ્વકમ્

કથં તે જાયેરન્ કથમ્ અપિ ચ તે દર્શનપથં વ્રજેયુઃ કેનાપિ પ્રકૃતિમહતાઙ્કેન ખચિતઃ &
તથોત્થાયોત્થાય સ્થલજલતૃણાદેર્ અખિલતઃ પદાર્થદ્યાન્સૃષ્ટિસ્રવદમૃતપૂરૈર્(?) વિકિરસિ

સાક્ષત્કૃત ભવદ્રૂપપ્રસૃતામૃતતર્પિતાઃ &
ઉન્મૂલિતતૃષો મત્તા વિચરન્તિ યથારુચિ

ન તદા ન સદા ન ચૈકદેત્ય્ અપિ સા યત્ર ન કાલધીર્ ભવેત્ &
તદ્ ઇદં ભવદીયદર્શનં ન ચ નિત્યં ન ચ કથ્યતે ઽન્યથા

ત્વદ્વિલોકનસમુત્કચેતસો યોગસિદ્ધિર્ ઇયતી સદાસ્તુ મે &
યદ્ વિશેયમ્ અભિસન્ધિમાત્રતસ્ ત્વત્સુધાસદનમ્ અર્ચનાય તે

નિર્વિકલ્પભવદીયદર્શનપ્રપ્તિફુલ્લમનસાં મહાત્મનામ્ &
ઉલ્લસન્તિ વિમલાનિ હેલયા ચેષ્ટિતાનિ ચ વચાંસિ ચ સ્ફુટમ્

ભવન્ભવદીયપાદયોર્ નિવસન્ન્ અન્તર એવ નિર્ભયઃ &
ભવભૂમિષુ તાસુ તાસ્વ્ અહં પ્રભુમ્ અર્ચેયમ્ અનર્ગલક્રિયઃ

ભવદઙ્ઘ્રિસરોરુહોદરે પરિલીનો ગલિતપરૈષણઃ &
અતિમાત્રમધૂપયોગતઃ પરિતૃપ્તો વિચરેયમ્ ઇચ્છયા

યસ્ય દમ્ભાદ્ ઇવ ભવત્પૂજાસઙ્કલ્પ ઉત્થિતઃ &
તસ્યાપ્ય્ અવશ્યમ્ ઉદિતં સન્નિધાનં તવોચિતમ્

ભગવન્ન્ ઇતરાન્ અપેક્ષિણા નિતરામ્ એકરસેન ચેતસા &
સુલભં સકલોપશાયિનં પ્રભુમ્ આતૃપ્તિ પિબેયમ્ અસ્મિ કિમ્

ત્વયા નિરાકૃતમ્ સર્વં હેયમ્ એતત્ તદ્ એવ તુ &
ત્વન્મયં સમુપાદેયમ્ ઇત્ય્ અયં સારસંગ્રહઃ

ભવતો ઽન્તરચારિ ભાવજાતં પ્રભુવન્મુખ્યતયૈવ પૂજિતં તત્ &
ભવતો બહિર્ અપ્ય્ અભાવમાત્રા કથમ્ ઈશાન્ ભવેત્ સમર્ચ્યતે વા

નિઃશબ્દં નિર્વિકલ્પં ચ નિર્વ્યાક્ષેપમ્ અથાનિસમ્ &
ક્ષોભે ઽપ્ય્ અધ્યક્ષમી ક્ષેયં ત્ર્યક્ષ ત્વામ્ એવ સર્વતઃ

પ્રકટય નિજધામ દેવ યસ્મિંસ્ ત્વમ્ અસિ સદા પરમેશ્વરીસમેતઃ &
પ્રભુચરણરજઃસમાનકક્ષ્યાઃ કિમ્ અવિશ્વાસપદં ભાન્તિ ભૃત્યાઃ

દર્શનપથમ્ ઉપયાતો ઽપ્ય્ અપસરસિ કુતો મમેશ ભૃત્યસ્ય &
ક્ષણમાત્રકમ્ ઇહ ન ભવસિ કસ્ય ન જન્તોર્ દૃશોર્ વિષયઃ

ઐક્યસંવિદમૃતાચ્છધારયા સન્તતપ્રસૃતયા કદા વિભો &
પ્લાવનાત્ પરમભેદમાનયંસ્ ત્વાં નિજં ચ વપુર્ આપ્નુયાં મુદમ્

અહમ્ ઇત્ય્ અમુતો ઽવરુદ્ધલોકાદ્ ભવદીયાત્ પ્રતિપત્તિસારતો મે &
અણુમાત્રકમ્ એવ વિશ્વનિષ્ઠં ઘટતાં યેન ભવેયમ્ અર્ચિતા તે

અપરિમિતરૂપમ્ અહં તં તં ભાવં પ્રતિક્ષણં પશ્યન્ &
ત્વામ્ એવ વિશ્વરૂપં નિજનાથં સાધુ પશ્યેયમ્

ભવદઙ્ગગતં તમ્ એવ કસ્માન્ ન મનઃ પર્યટતીષ્ટમ્ અર્થમ્ અર્થમ્ &
પ્રકૃતિક્ષતિર્ અસ્તિ નો તથાસ્ય મમ ચેચ્છા પરિપૂર્યતે પરૈવ

શતશઃ કિલ તે તવાનુભાવાદ્ ભગવન્ કે ઽપ્ય્ અમુનૈવ ચક્ષુષા યે &
અપિ હાલિકચેષ્ટયા ચરન્તઃ પરિપશ્યન્તિ ભવદ્વપુઃ સદાગ્રે

ન સા મતિર્ ઉદેતિ યા ન ભવતિ ત્વદિચ્છામયી સદા શુભમ્ અથેતરદ્ ભગવતૈવમ્ આચર્યતે &
અતો ઽસ્મિ ભવદાત્મકો ભુવિ યથા તથા સઞ્ચરન્ સ્થિ તો ઽનિશમ્ અબાધિતત્વદમલઙ્ઘ્રિપૂજોત્સવઃ

ભવદીયગભીરભાષિતેષુ પ્રતિભા સમ્યગ્ ઉદેતુ મે પુરો ઽતઃ &
તદનુષ્ઠિતશક્તિર્ અપ્ય્ અતસ્ તદ્ભવદર્ચાવ્યસનં ચ નિર્વિરામમ્

વ્યવહારપદે ઽપિ સર્વદા પ્રતિભાત્વ્ અર્થકલાપ એષ મામ્ &
ભવતો ઽવયવો યથા ન તુ સ્વત એવાદરણીયતાં ગતઃ

મનસિ સ્વરસેન યત્ર તત્ર પ્રચરત્ય્ અપ્ય્ અહમ્ અસ્ય ગોચરેષુ &
પ્રસૃતો ઽપ્ય્ અવિલોલ એવ યુષ્મત્પરિચર્યાચતુરઃ સદા ભવેયમ્

ભગવન્ ભવદિચ્છયૈવ દાસસ્ તવ જાતો ઽસ્મિ પરસ્ય નાત્ર શક્તિઃ &
કથમ્ એષ તથાપિ વક્ત્રબિમ્બં તવ પશ્યામિ ન જાતુ ચિત્રમ્ એતત્

સમુત્સુકાસ્ ત્વાં પ્રતિ યે ભવન્તં પ્રત્યર્થરૂપાદ્ અવલોકયન્તિ &
તેષામ્ અહો કિં તદુપસ્થિતં સ્યાત્ કિં સાધનં વા ફલિતં ભવેત્ તત્

ભાવા ભાવતયા સન્તુ ભવદ્ભાવેન મે ભવ &
તથા ન કિઞ્ચિદ્ અપ્ય્ અસ્તુ ન કિઞ્ચિદ્ ભવતો ઽન્યથા

યન્ ન કિઞ્ચિદ્ અપિ તન્ન કિઞ્ચિદ્ અપ્ય્ અસ્તુ કિઞ્ચિદ્ અપિ કિઞ્ચિદ્ એવ મે &
સર્વથા ભવતુ તાવતા ભવાન્ સર્વતો ભવતિ લબ્ધપૂજિતઃ