શિષ્યલેખ · શ્લોક 1-20

ઓમ્ નમો રત્નત્રયાય ॥
પૂર્વાવદાનચરિતેષુ સુદુષ્કરેષુ ગીતેષુ યસ્ય સુરકિંનરસુન્દરીભિઃ ।
અદ્યાપિ ચન્દ્રકિરણૈરિવ સંકુચન્તિ મારાઙ્ગનાવદનપઙ્કજકાનનાનિ

સૌભાગ્યહૃદ્યવપુષઃ પરમાદ્ભુતસ્ય યસ્યાલ્પપુણ્યજનદુર્લભદર્શનસ્ય ।
સંપાદિતાભિમતલોકમનોરથસ્ય ચિન્તામણેરિવ પરાર્થરસૈકવૃત્તિઃ

યઃ સર્વદા પરસુખૈકરસો બભૂવ દુઃખેન દુઃખમગમત્પરમં પરેષામ્ ।
અત્યર્થમાહિતમહાકરુણાગુણસ્ય યસ્યાત્મદુઃખસુખમન્તરિતં તદેવ

વિચ્છિ x માવયસિ યસ્ય શિરઃ પરાર્થ x x x સન્નયનપઙ્કજતામવાપ ।
સ્વાર્થં પુન x x x x x સિતાતપત્રા પૃથ્વી બભૂવ નિશિતેવ કૃપાણધારા

લોકોપકારનિરતપ્રકટોદયેન શુલ્ક x x x x x x ગુણોજ્જ્વલેન ।
દોષાન્ધકારભિદુરેણ મનોરમેણ યેનોદિતેન શશિનેવ જગત્પ્રકાશમ્

ચૂડાવિભૂષણમિવોત્તમરત્નકલ્પમૂઢં શિરોભિરુરુભિઃ ફણિનાં x x x ।
યચ્છાસનં શુભમખણ્ડવિશુદ્ધવૃત્તં પાતાલમૂર્ધનિ લયતિમિરં પ્રમાર્ષ્ટિ

ધર્મામ્બુવાહ ઇવ યો ઽભ્યુદિતો હિતાય ધર્મામૃતં જલમિવૈકરસં વવર્ષ ।
તાપાપ x x x x x x x x x x x x યદનેકરસ x x x x x x x x x x x x x x

વિસ્તીર્ણનિમ્નવિમલપ્રકટાશ્રયેષુ પાત્રેષુ સર્વપરિમર્દસહેષુ યેષુ ।
તત્સંસ્થિતં ભવતિ સર્વજનોપકારં x x x x x x x x x x x x x x

તજ્જાગરં મરણજન્મજરાપહારિ યે નાપ્નુવન્તિ ન પિબન્તિ ન ધારયન્તિ ।
તે માહિતા બહુલમોહમહામદેન x x x x x x x x x ધમાદ્રિયન્તે

ચક્ષુર્યદેકમમલં જગતો ઽખિલસ્ય સાધારણં ત્રિભુવનસ્ય યદેકદીપઃ ।
તચ્છાસનં સમધિગમ્ય યદુત્સૃજન્તિ મોહસ્ય તદ્વિલસિતં પરમાદ્ભુતસ્ય

શિક્ષા x x x વિદિતેષ્વિવ બોધિસૌધસોપાનપદ્ધતિપદેષુ પદં દધાનાઃ ।
તુઙ્ગાં પ્રયાન્તિ પદવીમનિવર્તમાના ભૂમિં નિજામવતરન્તિ વિવર્તમાનાઃ

જન્માર્ણવં પરમદુસ્તરમુત્તિતીર્ષુઃ શીલપ્લવં ક ઇહ હસ્તગતં જહાતિ ।
કાન્તારમધ્યપતિતઃ કથમાર્યસાર્થાદ્ભ્રષ્ટો ન શોચતિ ચિરં સુપથાનભિજ્ઞઃ

સંસારભૂધરદરીજઠરપ્રપાતાદુત્થાતુમુદ્યતપરાઃ પરમાન્ધકારાત્ ।
મુઞ્ચન્તિ યે જિનગુણાવલિમન્તરાલે વેગેન તે વિષમપાતમધઃ પતન્તિ

એકાકિનો ઽપિ મનસા નિયમં પ્રકલ્પ્ય યે કર્મણા સમુદિતેન સમુન્નયન્તિ ।
તે સાધવો ભુવનમણ્ડલમૌલિભૂતાસ્તૈરેવ યાન્તિ ગુરુતાં ગુરવઃ સુશિષ્યૈઃ

લબ્ધ્વા ગુણૌઘજનનીં જનનીમિવાર્યામત્યન્તશુદ્દહૃદયામનુવર્તમાનાઃ ।
તેજસ્વિનઃ સુખમસૂનપિ સંત્યજન્તિ સત્યસ્થિતિવ્યસનિનો ન પુનઃ પ્રતિજ્ઞામ્

તિષ્ઠન્તુ તાવદિહ સર્વજનાપવાદાઃ સર્વાશ્ચ પાપગતયો નિરયાશ્ચ ઘોરાઃ ।
સદ્યો જહાતિ સહજાં પ્રકૃતિં યદેષ દુઃખં તતઃ કિમપરં ભુવિ સજ્જનસ્ય

યઃ પ્રપ્ય નાવમિવ ધર્મમયીં વિશાલાં ભૂયો જહાતિ પદવીં મુનિભિઃ પ્રક્લૃપ્તામ્ ।
સંસારસાગરવિવર્તનનર્તનેષુ ચેતઃસ્પૃહા તરલિતા નિયમેન તસ્ય

સંસારચક્રમનિશં પરિવર્તમાનમારુહ્ય યઃ સુખમવૈતિ વિવર્તમાનઃ ।
સો ઽવશ્યમેવ તરિવશં મસઃ ક્રમેણ સર્વાઃ સમાશ્ચ વિસમાશ્ચ ગતીઃ પ્રયાતિ

અત્યુગ્રગન્ધમશુચિપ્રકરોપરુદ્ધમત્યન્તસંકટમુપોઢઘનાન્ધકારમ્ ।
આવિશ્ય ગર્ભનિલયં નિરયં યથૈવ દુઃખં મહત્સ સહતે પરિપિણ્ડતાઙ્ગઃ

કાલક્રમેન સ તતો દૃઢતૈલયન્ત્રનિષ્પીડ્યમાન ઇવ યાતિ ભુવં કથંચિત્ ।
સદ્યસ્તથાપિ યદયં ન જહાતિ જીવં દુઃખોપભોગગતિદુર્લભિ તત્તદેવ