શુક્લયજુર્વેદઃ · અધ્યાય 18

વસોર્ધારા હોમમ્
શ્રવ્ય સઞ્ચિકા

શ્રવ્ય સઞ્ચિકા

શતપથબ્રાહ્મણે વસોર્ધારા હોમમ્

વસોર્ધારાદિ મન્ત્રાઃ

વાજશ્ ચ મે પ્રસવશ્ ચ મે પ્રયતિશ્ ચ મે પ્રસિતિશ્ ચ મે ધીતિશ્ ચ મે ક્રતુશ્ ચ મે સ્વરશ્ ચ મે શ્લોકશ્ ચ મે શ્રવશ્ ચ મે શ્રુતિશ્ ચ મે જ્યોતિશ્ ચ મે સ્વશ્ ચ મે યજ્ઞેન કલ્પન્તામ્

પ્રાણશ્ ચ મે ઽપાનશ્ ચ મે વ્યાનશ્ ચ મે ઽસુશ્ ચ મે ચિત્તં ચ મ ઽ આધીતં ચ મે વાક્ ચ મે મનશ્ ચ મે ચક્ષુશ્ ચ મે શ્રોત્રં ચ મે દક્ષશ્ ચ મે બલં ચ મે યજ્ઞેન કલ્પન્તામ્

ઓજસ્ ચ મે સહશ્ ચ મ ઽ આત્મા ચ મે તનૂશ્ ચ મે શર્મ ચ મે વર્મ ચ મે ઽઙ્ગાનિ ચ મે ઽસ્થીનિ ચ મે પરૂꣳષિ ચ મે શરીરાણિ ચ મ ઽ આયુશ્ ચ મે જરા ચ મે યજ્ઞેન કલ્પન્તામ્

જ્યૈષ્ઠ્યં ચ મે ઽ આધિપત્યં ચ મે મન્યુશ્ ચ મે ભામશ્ ચ મે ઽમશ્ ચ મે ઽમ્ભશ્ ચ મે મહિમા ચ મે વરિમા ચ મે પ્રથિમા ચ મે વર્ષિમા ચ મે દ્રાઘિમા ચ મે વૃદ્ધં ચ મે વૃદ્ધિશ્ ચ મે યજ્ઞેન કલ્પન્તામ્

સત્યં ચ મે શ્રદ્ધા ચ મે જગચ્ ચ મે ધનં ચ મે વિશ્વં ચ મે મહશ્ ચ મે ક્રીડા ચ મે મોદશ્ ચ મે જાતં ચ મે જનિષ્યમાણં ચ મે સૂક્તં ચ મે સુકૃતં ચ મે યજ્ઞેન કલ્પન્તામ્

ઋતં ચ મે ઽમૃતં ચ મે ઽયક્ષ્મં ચ મે ઽનામયચ્ ચ મે જીવાતુશ્ ચ મે દીર્ઘાયુત્વં ચ મે ઽનમિત્રં ચ મે ઽભયં ચ મે સુખં ચ મે શયનં ચ મે સૂષાશ્ ચ મે સુદિનં ચ મે યજ્ઞેન કલ્પન્તામ્

યન્તા ચ મે ધર્તા ચ મે ક્ષેમશ્ ચ મે ધૃતિશ્ ચ મે વિશ્વં ચ મે મહશ્ ચ મે સંવિચ્ ચ મે જ્ઞાત્રં ચ મે સૂશ્ ચ મે પ્રસૂશ્ ચ મે સીરં ચ મે લયશ્ ચ મે યજ્ઞેન કલ્પન્તામ્

શં ચ મે મયશ્ ચ મે પ્રિયં ચ મે ઽનુકામશ્ ચ મે કામશ્ ચ મે સૌમનસશ્ ચ મે ભગશ્ ચ મે દ્રવિણં ચ મે ભદ્રં ચ મે શ્રેયશ્ ચ મે વસીયશ્ ચ મે યશશ્ ચ મે યજ્ઞેન કલ્પન્તામ્

ઊર્ક્ ચ મે સૂનૃતા ચ મે પયશ્ ચ મે રસશ્ ચ મે ઘૃતં ચ મે મધુ ચ મે સગ્ધિશ્ ચ મે સપીતિશ્ ચ મે કૃષિશ્ ચ મે વૃષ્ટિશ્ ચ મે જૈત્રં ચ મ ઽ ઔદ્ભિદ્યં ચ મે યજ્ઞેન કલ્પન્તામ્

રયિશ્ ચ મે રાયશ્ ચ મે પુષ્ટં ચ મે પુષ્ટિશ્ ચ મે વિભુ ચ મે પ્રભુ ચ મે પૂર્ણં ચ મે પૂર્ણતરં ચ મે કુયવં ચ મે ઽક્ષિતં ચ મે ઽન્નં ચ મે ઽક્ષુચ્ ચ મે યજ્ઞેન કલ્પન્તામ્

વિત્તં ચ મે વેદ્યં ચ મે ભૂતં ચ મે ભવિષ્યચ્ ચ મે સુગં ચ મે સુપથ્યં ચ મ ઽ ઋદ્ધં ચ મ ઽ ઋદ્ધિશ્ ચ મે ક્લૃપ્તં ચ મે ક્લૃપ્તિશ્ ચ મે મતિશ્ ચ મે સુમતિશ્ ચ મે યજ્ઞેન કલ્પન્તામ્

વ્રીહયશ્ ચ મે યવાશ્ ચ મે માષાશ્ ચ મે તિલાશ્ ચ મે મુદ્ગાશ્ ચ મે ખલ્વાશ્ ચ મે પ્રિયઙ્ગવશ્ ચ મે ઽણવશ્ ચ મે શ્યામાકાશ્ ચ મે નીવારાશ્ ચ મે ગોધૂમાશ્ ચ મે મસૂરાશ્ ચ મે યજ્ઞેન કલ્પન્તામ્

અશ્મા ચ મે મૃત્તિકા ચ મે ગિરયશ્ ચ મે પર્વતાશ્ ચ મે સિકતાશ્ ચ મે વનસ્પતયશ્ ચ મે હિરણ્યં ચ મે ઽયશ્ ચ મે શ્યામં ચ મે લોહં ચ મે સીસં ચ મે ત્રપુ ચ મે યજ્ઞેન કલ્પન્તામ્

અગ્નિશ્ ચ મ ઽ આપશ્ ચ મે વીરુધશ્ ચ મ ઽ ઓષધયશ્ ચ મે કૃષ્ટપચ્યાશ્ ચ મે ઽકૃષ્ટપચ્યાશ્ ચ મે ગ્રામ્યાશ્ ચ મે પશવ ઽ આરણ્યાશ્ ચ મે વિત્તં ચ મે વિત્તિશ્ ચ મે ભૂતં ચ મે ભૂતિશ્ ચ મે યજ્ઞેન કલ્પન્તામ્

વસુ ચ મે વસતિશ્ ચ મે કર્મ ચ મે શક્તિશ્ ચ મે ઽર્થશ્ ચ મ ઽ એમશ્ ચ મ ઽ ઇત્યા ચ મે ગતિશ્ ચ મે યજ્ઞેન કલ્પન્તામ્

અગ્નિશ્ ચ મ ઽ ઇન્દ્રશ્ ચ મે સોમશ્ ચ મ ઽ ઇન્દ્રશ્ ચ મે સવિતા ચ મ ઇન્દ્રશ્ ચ મે સરસ્વતી ચ મ ઽ ઇન્દ્રશ્ ચ મે પૂષા ચ મ ઽ ઇન્દ્રશ્ ચ મે બૃહસ્પતિશ્ ચ મ ઇન્દ્રશ્ ચ મે યજ્ઞેન કલ્પન્તામ્

મિત્રશ્ ચ મ ઽ ઇન્દ્રશ્ ચ મે વરુણશ્ ચ મ ઽ ઇન્દ્રશ્ ચ મે ધાતા ચ મ ઽ ઇન્દ્રશ્ ચ મે ત્વષ્ટા ચ મ ઽ ઇન્દ્રશ્ ચ મે મરુતશ્ ચ મ ઽ ઇન્દ્રશ્ ચ મે વિશ્વે ચ મે દેવા ઽ ઇન્દ્રશ્ ચ મે યજ્ઞેન કલ્પન્તામ્

પૃથિવી ચ મ ઽ ઇન્દ્રશ્ ચ મે ઽન્તરિક્ષં ચ મ ઽઇન્દ્રશ્ ચ મે દ્યૌશ્ ચ ઽ મ ઇન્દ્રશ્ ચ મે સમાશ્ ચ મ ઽ ઇન્દ્રશ્ ચ મે નક્ષત્રાણિ ચ મ ઽ ઇન્દ્રશ્ ચ મે દિશશ્ ચ મ ઽ ઇન્દ્રશ્ ચ મે યજ્ઞેન કલ્પન્તામ્

અꣳશુશ્ ચ મે રશ્મિશ્ ચ મે ઽદાભ્યશ્ ચ મે ઽધિપતિશ્ ચ મ ઉપાꣳશુશ્ ચ મે ઽન્તર્યામશ્ ચ મ ઽ ઐન્દ્રવાયવશ્ ચ મે મૈત્રાવરુણશ્ ચ મ ઽ આશ્વિનશ્ ચ મે પ્રતિપ્રસ્થાનશ્ ચ મે શુક્રશ્ ચ મે મન્થી ચ મે યજ્ઞેન કલ્પન્તામ્

આગ્રયણશ્ ચ મે વૈશ્વદેવશ્ ચ મે ધ્રુવશ્ ચ મે વૈશ્વાનરશ્ ચ મ ઽ ઐન્દ્રાગ્નશ્ ચ મે મહાવૈશ્વદેવશ્ ચ મે મરુત્વતીયાશ્ ચ મે નિષ્કેવલ્યશ્ ચ મે સાવિત્રશ્ ચ મે સારસ્વતશ્ ચ મે પત્નીવતશ્ ચ મે હારિયોજનશ્ ચ મે યજ્ઞેન કલ્પન્તામ્

સ્રુચશ્ ચ મે ચમસાશ્ ચ મે વાયવ્યાનિ ચ મે દ્રોણકલશશ્ ચ મે ગ્રાવાણશ્ ચ મે ઽધિષવણે ચ મે પૂતભૃચ્ ચ મ ઽ આધવનીયશ્ ચ મે વેદિશ્ ચ મે બર્હિશ્ ચ મે ઽવભૃથશ્ ચ મે સ્વગાકારશ્ ચ મે યજ્ઞેન કલ્પન્તામ્

અગ્નિશ્ ચ મે ઘર્મશ્ ચ મે ઽર્કશ્ ચ મે સૂર્યશ્ ચ મે પ્રાણશ્ ચ મે ઽશ્વમેધશ્ ચ મે પૃથિવી ચ મે ઽદિતિશ્ ચ મે દિતિશ્ ચ મે દ્યૌશ્ ચ મે ઽઙ્ગુલયઃ શક્વરયો દિશશ્ ચ મે યજ્ઞેન કલ્પન્તામ્

વ્રતં ચ મ ઽ ઋતવશ્ ચ મે તપશ્ ચ મે સંવત્સરશ્ ચ મે ઽહોરાત્રે ઊર્વષ્ઠીવે બૃહદ્રથન્તરે ચ મે યજ્ઞેન કલ્પન્તામ્

એકા ચ મે તિસ્રશ્ ચ મે તિસ્રશ્ ચ મે પઞ્ચ ચ મે પઞ્ચ ચ મે સપ્ત ચ મે સપ્ત ચ મે નવ ચ મે નવ ચ મ ઽ એકાદશ ચ મ ઽ એકાદશ ચ મે ત્રયોદશ ચ મે ત્રયોદશ ચ મે પઞ્ચદશ ચ મે પઞ્ચદશ ચ મે સપ્તદશ ચ મે સપ્તદશ ચ મે નવદશ ચ મે નવદશ ચ મ ઽ એકવિꣳશતિશ્ ચ મ ઽ એકવિꣳશતિશ્ ચ મે ત્રયોવિꣳશતિશ્ ચ મે ત્રયોવિꣳશતિશ્ ચ મે પઞ્ચવિꣳશતિશ્ ચ મે પઞ્ચવિꣳશતિશ્ ચ મે સપ્તવિꣳશતિશ્ ચ મે સપ્તવિꣳશતિશ્ ચ મે નવવિꣳશતિશ્ ચ મે નવવિꣳશતિશ્ ચ મ ઽ એકત્રિꣳશચ્ ચ મ ઽ એકત્રિꣳશચ્ ચ મે ત્રયસ્ત્રિꣳશચ્ ચ મે ત્રયસ્ત્રિꣳશચ્ ચ મે યજ્ઞેન કલ્પન્તામ્

ચતસ્રશ્ ચ મે ઽષ્ટૌ ચ મે ઽષ્ટૌ ચ મે દ્વાદશ ચ મે દ્વાદશ ચ મે ષોડશ ચ મે ષોડશ ચ મે વિꣳશતિશ્ ચ મે વિꣳશતિશ્ ચ મે ચતુર્વિꣳશતિશ્ ચ મે ચતુર્વિꣳશતિશ્ ચ મે ઽષ્ટાવિꣳશતિશ્ ચ મે ઽષ્ટાવિꣳશતિશ્ ચ મે દ્વાત્રિꣳશચ્ ચ મે દ્વાત્રિꣳશચ્ ચ મે ષટ્ત્રિꣳશચ્ ચ મે ષટ્ત્રિꣳશચ્ ચ મે ચત્વારિꣳશચ્ ચ મે ચત્વારિꣳશચ્ ચ મે ચતુશ્ચત્વારિꣳશચ્ ચ મે ચતુશ્ચત્વારિꣳશચ્ ચ મે ષ્ટાચત્વારિꣳશચ્ ચ મે ષ્ટાચત્વારિꣳશચ્ ચ મે યજ્ઞેન કલ્પન્તામ્

ત્ર્યવિશ્ ચ મે ત્ર્યવી ચ મે દિત્યવાટ્ ચ મે દિત્યૌહી ચ મે પઞ્ચાવિશ્ ચ મે પઞ્ચાવી ચ મે ત્રિવત્સશ્ ચ મે ત્રિવત્સા ચ મે તુર્યવાટ્ ચ મે તુર્યૌહી ચ મે યજ્ઞેન કલ્પન્તામ્

પષ્ઠવાટ્ ચ મે પષ્ઠૌહી ચ મ ઽ ઉક્ષા ચ મે વશા ચ મ ઽ ઋષભશ્ ચ મે વેહચ્ ચ મે ઽનડ્વાꣳશ્ ચ મે ધેનુશ્ ચ મે યજ્ઞેન કલ્પન્તામ્

વાજાય સ્વાહા પ્રસવાય સ્વાહાપિજાય સ્વાહા ક્રતવે સ્વાહા વસવે સ્વાહા ઽહર્પતયે સ્વાહાહ્ને સ્વાહા મુગ્ધાય સ્વાહા મુગ્ધાય વૈનꣳશિનાય સ્વાહા વિનꣳશિન ઽ આન્ત્યાયનાય સ્વાહાન્ત્યાય ભૌવનાય સ્વાહા ભુવનસ્ય પતયે સ્વાહાધિપતયે સ્વાહા પ્રજાપતયે સ્વાહા । ઇયં તે રાણ્ મિત્રાય યન્તાસિ યમન ઽ ઊર્જે ત્વા વૃષ્ટ્યૈ ત્વા પ્રજાનાં ત્વાધિપત્યાય

આયુર્ યજ્ઞેન કલ્પતાં પ્રાણો યજ્ઞેન કલ્પતાં ચક્ષુર્ યજ્ઞેન કલ્પતાꣳ શ્રોત્રં યજ્ઞેન કલ્પતાં વાગ્ યજ્ઞેન કલ્પતાં મનો યજ્ઞેન કલ્પતામ્ આત્મા યજ્ઞેન કલ્પતાં બ્રહ્મા યજ્ઞેન કલ્પતાં જ્યોતિર્ યજ્ઞેન કલ્પતાꣳ સ્વર્ યજ્ઞેન કલ્પતાં પૃષ્ઠં યજ્ઞેન કલ્પતાં યજ્ઞો યજ્ઞેન કલ્પતામ્ । સ્તોમશ્ ચ યજુશ્ ચ ઽ ઋક્ ચ સામ ચ બૃહચ્ ચ રથન્તરં ચ । સ્વર્ દેવા ઽ અગન્મામૃતા ઽ અભૂમ પ્રજાપતેઃ પ્રજા ઽ અભૂમ વેટ્ સ્વાહા

વાજસ્ય નુ પ્રસવે માતરં મહીમ્ અદિતિં નામ વચસા કરામહે ।
યસ્યામ્ ઇદં વિશ્વં ભુવનમ્ આવિવેશ તસ્યાં નો દેવઃ સવિતા ધર્મ સાવિષત્

વિશ્વે ઽ અદ્ય મરુતો વિશ્વ ઽ ઊતી વિશ્વે ભવન્ત્વ્ અગ્નયઃ સમિદ્ધાઃ ।
વિશ્વે નો દેવા ઽ અવસા ગમન્તુ વિશ્વમ્ અસ્તુ દ્રવિણં વાજો ઽ અસ્મે

વાજો નઃ સપ્ત પ્રદિશશ્ ચતસ્રો વા પરાવતઃ ।
વાજો નો વિશ્વૈર્ દેવૈર્ ધનસાતાવ્ ઇહાવતુ

વાજો નો ઽ અદ્ય પ્ર સુવાતિ દાનં વાજો દેવાꣳઽ ઋતુભિઃ કલ્પયાતિ ।
વાજો હિ મા સર્વવીરં જજાન વિશ્વા ઽ આશા વાજપતિર્ જયેયમ્

વાજઃ પુરસ્તાદ્ ઉત મધ્યતો નો વાજો દેવાન્ હવિષા વર્ધયાતિ ।
વાજો હિ મા સર્વવીરં ચકાર સર્વા ઽ આશા વાજપતિર્ ભવેયમ્

સં મા સૃજામિ પયસા પૃથિવ્યાઃ સં મા સૃજામ્ય્ અદ્ભિર્ ઓષધીભિઃ ।
સો ઽહં વાજꣳ સનેયમ્ અગ્ને

પયઃ પૃથિવ્યાં પય ઽ ઓષધીષુ પયો દિવ્યન્તરિક્ષે પયો ધાઃ ।
પયસ્વતીઃ પ્રદિશઃ સન્તુ મહ્યમ્

દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યામ્ ।
સરસ્વત્યૈ વાચો યન્તુર્ યન્ત્રેણાગ્નેઃ સામ્રાજ્યેનાભિ ષિઞ્ચામિ

ઋતાષાડ્ ઋતધામાગ્નિર્ ગન્ધર્વસ્ તસ્યૌઽષધયોપ્સરસો મુદો નામ ।
સ ન ઽ ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

સꣳહિતો વિશ્વસામા સૂર્યો ગન્ધર્વસ્ તસ્ય મરીચયો ઽપ્સરસ આયુવો નામ ।
સ ન ઽ ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

સુષુમ્ણઃ સૂર્યરશ્મિશ્ ચન્દ્રમા ગન્ધર્વસ્ તસ્ય નક્ષત્રાણ્ય્ અપ્સરસો ભેકુરયો નામ ।
સ ન ઽ ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

ઇષિરો વિશ્વવ્યચા વાતો ગન્ધર્વસ્ તસ્યાપો ઽ અપ્સરસ ઽ ઊર્જો નામ ।
સ ન ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

ભુજ્યુઃ સુપર્ણો યજ્ઞો ગન્ધર્વસ્ તસ્ય દક્ષિણા ઽ અપ્સરસ સ્તાવા નામ ।
સ ન ઽ ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

પ્રજાપતિર્ વિશ્વકર્મા મનો ગન્ધર્વસ્ તસ્ય ઽ ઋક્સામાન્ય્ અપ્સરસ ઽ એષ્ટયો નામ ।
સ ન ઽ ઇદં બ્રહ્મ ક્ષત્રં પાતુ તસ્મૈ સ્વાહા વાટ્ તાભ્યઃ સ્વાહા

સ નો ભુવનસ્ય પતે પ્રજાપતે યસ્ય ત ઽ ઉપરિ ગૃહા યસ્ય વેહ ।
અસ્મૈ બ્રહ્મણે ઽસ્મૈ ક્ષત્રાય મહિ શર્મ યચ્છ સ્વાહા

સમુદ્રો ઽસિ નભસ્વાન્ આર્દ્રદાનુઃ શમ્ભૂર્ મયોભૂર્ અભિ મા વાહિ સ્વાહા ।
મારુતો ઽસિ મરુતાં ગણઃ શમ્ભૂર્ મયોભૂર્ અભિ મા વાહિ સ્વાહા ।
અવસ્યૂર્ અસિ દુવસ્વાઞ્ છમ્ભૂર્ મયોભૂર્ અભિ મા વાહિ સ્વાહા

યાસ્ તે ઽ અગ્ને સૂર્યે રુચો દિવમ્ આતન્વન્તિ રશ્મિભિઃ ।
તાભિર્ નો ઽ અદ્ય સર્વાભી રુચે જનાય નસ્ કૃધિ

યા વો દેવાઃ સૂર્યે રુચો ગોષ્વ્ અશ્વેષુ યા રુચઃ ।
ઇન્દ્રાગ્ની તાભિઃ સર્વાભી રુચં નો ધત્ત બૃહસ્પતે

રુચં નો ધેહિ બ્રાહ્મણેષુ રુચꣳ રાજસુ નસ્ કૃધિ ।
રુચં વિશ્યેષુ શૂદ્રેષુ મયિ ધેહિ રુચા રુચમ્

તત્ ત્વા યામિ બ્રહ્મણા વન્દમાનસ્ તદ્ આ શાસ્તે યજમાનો હવિર્ભિઃ ।
અહેડમાનો વરુણેહ બોધ્ય્ ઉરુશꣳસ મા ન ઽ આયુઃ પ્ર મોષીઃ

સ્વર્ણ ઘર્મઃ સ્વાહા ।
સ્વર્ણાર્કઃ સ્વાહા ।
સ્વર્ણ શુક્રઃ સ્વાહા ।
સ્વર્ણ જ્યોતિઃ સ્વાહા ।
સ્વર્ણ સૂર્યઃ સ્વાહા

અગ્નિં યુનજ્મિ શવસા ઘૃતેન દિવ્યꣳ સુપર્ણં વયસા બૃહન્તમ્ ।
તેન વયં ગમેમ બ્રધ્નસ્ય વિષ્ટપꣳ સ્વો રુહાણા ઽ અધિ નાકમ્ ઉત્તમમ્

ઇમૌ તે પક્ષાવ્ અજરૌ પતત્રિણૌ યાભ્યાꣳ રક્ષાꣳસ્ય્ અપહꣳસ્ય્ અગ્ને ।
તાભ્યાં પતેમ સુકૃતામ્ ઉ લોકં યત્ર ઽ ઋષયો જગ્મુઃ પ્રથમજાઃ પુરાણાઃ

ઇન્દુર્ દક્ષઃ શ્યેન ઽ ઋતાવા હિરણ્યપક્ષઃ શકુનો ભુરણ્યુઃ ।
મહાન્ત્ સધસ્થે ધ્રુવ ઽ આ નિષત્તો નમસ્ તે અસ્તુ મા મા હિꣳસીઃ

દિવો મૂર્ધાસિ પૃથિવ્યા નાભિર્ ઊર્ગ્ અપામ્ ઓષધીનામ્ ।
વિશ્વાયુઃ શર્મ સપ્રથા નમસ્ પથે

વિશ્વસ્ય મૂર્ધન્ન્ અધિ તિષ્ઠસિ શ્રિતઃ સમુદ્રે તે હૃદયમ્ અપ્સ્વ્ આયુર્ અપો દત્તોદધિં ભિન્ત્ત ।
દિવસ્ પર્જન્યાદ્ અન્તરિક્ષાત્ પૃથિવ્યાસ્ તતો નો વૃષ્ટ્યાવ

ઇષ્ટો યજ્ઞો ભૃગુભિર્ આશીર્દા વસુભિઃ ।
તસ્ય ન ઽ ઇષ્ટસ્ય પ્રીતસ્ય દ્રવિણેહાગમેઃ

ઇષ્ટો ઽ અગ્નિર્ આહુતઃ પિપર્તુ ન ઽ ઇષ્ટꣳ હવિઃ ।
સ્વગેદં દેવેભ્યો નમઃ

યદ્ આકૂતાત્ સમસુસ્રોદ્ હૃદો વા મનસો વા સમ્ભૃતં ચક્ષુષો વા ।
તદ્ અનુ પ્રેત સુકૃતામ્ ઉ લોકં યત્ર ઽ ઋષયો જગ્મુઃ પ્રથમજાઃ પુરાણાઃ

એતꣳ સધસ્થ પરિ તે દદામિ યમ્ આવહાચ્ શેવધિં જાતવેદાઃ ।
અન્વાગન્તા યજ્ઞપતિર્ વો ઽ અત્ર તꣳ સ્મ જાનીત પરમે વ્યોમન્

એતં જાનાથ પરમે વ્યોમન્ દેવાઃ સધસ્થા વિદ રૂપમ્ અસ્ય ।
યદ્ આગચ્છાત્ પથિભિર્ દેવયાનૈર્ ઇષ્ટાપૂર્તે કૃણવાથાવિર્ અસ્મૈ

ઉદ્ બુધ્યસ્વાગ્ને પ્રતિ જાગૃહિ ત્વમ્ ઇષ્ટાપૂર્તે સꣳ સૃજેથામ્ અયં ચ ।
અસ્મિન્ત્ સધસ્થે ઽ અધ્ય્ ઉત્તરસ્મિન્ વિશ્વે દેવા યજમાનાશ્ ચ સીદત

યેન વહસિ સહસ્રં યેનાગ્ને સર્વવેદસમ્ ।
તેનેમં યજ્ઞં નો નય સ્વર્ દેવેષુ ગન્તવે ॥
18.

પ્રસ્તરેણ પરિધિના સ્રુચા વેદ્યા ચ બર્હિષા ।
ઋચેમં યજ્ઞં નો નય સ્વર્ દેવેષુ ગન્તવે

યદ્ દત્તં યત્ પરાદાનં યત્ પૂર્તં યાશ્ ચ દક્ષિણાઃ ।
તદ્ અગ્નિર્ વૈશ્વકર્મણઃ સ્વર્ દેવેષુ નો દધત્

યત્ર ધારા ઽ અનપેતા મધોર્ ઘૃતસ્ય ચ યાઃ ।
તદ્ અગ્નિર્ વૈશ્વકર્મણઃ સ્વર્ દેવેષુ નો દધત્

અગ્નિર્ અસ્મિ જન્મના જાતવેદા ઘૃતં મે ચક્ષુર્ અમૃતં મ ઽ આસન્ ।
અર્કસ્ ત્રિધાતૂ રજસો વિમાનો ઽજસ્રો ઘર્મો હવિર્ અસ્મિ નામ

ઋચો નામાસ્મિ યજૂꣳષિ નામાસ્મિ સામાનિ નામાસ્મિ ।
યે ઽ અગ્નયઃ પ્રાઞ્ચજન્યા ઽ અસ્યાં પૃથિવ્યામ્ અધિ ।
તેષામ્ અસિ ત્વમ્ ઉત્તમઃ પ્ર નો જીવતવે સુવ

વાર્ત્રહત્યાય શવસે પૃતનાષાહ્યાય ચ ।
ઇન્દ્ર ત્વા વર્તયામસિ

સહદાનું પુરુહૂત ક્ષિયન્તમ્ અહસ્તમ્ ઇન્દ્ર સં પિણક્ કુણારુમ્ ।
અભિ વૃત્રં વર્ધમાનં પિયારુમ્ અપાદમ્ ઇન્દ્ર તવસા જઘન્થ

વિ ન ઽ ઇન્દ્ર મૃધો જહિ નીચા યચ્છ પૃતન્યતઃ ।
યો ઽ અસ્માꣳઽ અભિદાસત્ય્ અધરં ગમયા તમઃ

મૃગો ન ભીમઃ કુચરો ગિરિષ્ઠાઃ પરાવત ઽ આ જગન્થા પરસ્યાઃ ।
સૃકꣳ સꣳશાય પવિમ્ ઇન્દ્ર તિગ્મં વિ શત્રૂન્ તાઢિ વિ મૃધો નુદસ્વ

વૈશ્વાનરો ન ઽ ઊતય ઽ આ પ્ર યાતુ પરાવતઃ ।
અગ્નિર્ નઃ સુષ્ટુતીર્ ઉપ

પૃષ્ટો દિવિ પૃષ્ટો ઽ અગ્નિઃ પૃથિવ્યાં પૃષ્ટો વિશ્વા ઽ ઓષધીર્ આ વિવેશ ।
વૈશ્વાનરઃ સહસા પૃષ્ટો ઽ અગ્નિઃ સ નો દિવા સ રિષસ્ પાતુ નક્તમ્

અશ્યામ તં કામમ્ અગ્ને તવોતી ઽ અશ્યામ રયિꣳ રયિવઃ સુવીરમ્ ।
અશ્યામ વાજમ્ અભિ વાજયન્તો ઽશ્યામ દ્યુમ્નમ્ અજરાજરં તે

વયં તે ઽ અદ્ય રરિમા હિ કામમ્ ઉત્તાનહસ્તા નમસોપસદ્ય ।
યજિષ્ઠેન મનસા યક્ષિ દેવાન્ અસ્રેધતા મન્મના વિપ્રો ઽ અગ્ને

ધામચ્છદ્ અગ્નિર્ ઇન્દ્રો બ્રહ્મા દેવો બૃહસ્પતિઃ ।
સચેતસો વિશ્વે દેવા યજ્ઞં પ્રાવન્તુ નઃ શુભે

ત્વં યવિષ્ઠ દાશુષો નૄઁઃ પાહિ શૃણુધી ગિરઃ ।
રક્ષા તોકમ્ ઉત ત્મના ॥