શિવ પુરાણ · અધ્યાય 6.5

ઈશ્વર ઉવાચ ॥
પરીક્ષ્ય વિધિવદ્ભૂમિં ગંધવર્ણરસાદિભિઃ ॥
મનોભિલષિતે તત્ર વિતાનવિતતામ્બરે

સુપ્રલિપ્તે મહીપૃષ્ઠે દર્પણોદરસન્નિભે ॥
અરત્નિયુગ્મમાનેન ચતુરસ્રં પ્રકલ્પયેત્

તાલપત્રં સમાદાય તત્સમાયામવિસ્તરમ્॥
તસ્મિન્ભાગાન્પ્રકુર્વીત ત્રયોદશસમાં કલામ્

તત્પત્રં તત્ર નિક્ષિપ્ય પશ્ચિમાભિમુખઃ સ્થિતઃ ॥
તત્પૂર્વભાગે સુદૃઢં સૂત્રમાદાય રંજિતમ્

પ્રાક્પ્રત્યગ્દક્ષિણોદક્ ચ ચતુર્દિશિ નિપાતયેત્ ॥
સૂત્રાણિ દેવદેવેશિ નવષષ્ટ્યુત્તરં શતમ્

કોષ્ઠાનિ સ્યુસ્તતસ્તસ્ય મધ્યકોષ્ઠં તુ કર્ણિકા॥
કોષ્ઠાષ્ટકં બહિસ્તસ્ય દલાષ્ટકમિહોચ્યતે

દલાનિ શ્વેતવર્ણાનિ દલાષ્ટકમિહોચ્યતે ॥ ॥
દલાનિ શ્વેતવર્ણાત્રિ સમગ્રાણિ પ્રકલ્પયેત્ ॥
પીતરૂપાં કર્ણિકાં ચ કૃત્વા રક્તં ચ વૃત્તકમ્

વનભિદ્દલદક્ષં તુ સમારભ્ય સુરેશ્વરિ ॥
રક્તકૃષ્ણાઃ ક્રમેણૈવ દલસન્ધીન્વિચિત્રયેત્

કર્ણિકાયાં લિખેદ્યંત્રં પ્રણવાર્થપ્રકાશકમ્ ॥
અધઃ પીઠં સમાલિખ્ય શ્રીકણ્ઠં ચ તદૂર્ધ્વતઃ

તદુપર્ય્યમરેશં ચ મહાકાલં ચ મધ્યતઃ ॥
તન્મસ્તકસ્થં દણ્ડં ચ તત ઈશ્વરમાલિખેત્

શ્યામેન પીઠં પીતેન શ્રીકણ્ઠં ચ વિચિત્રયેત્ ॥
અમરેશં મહાકાલં રક્તં કૃષ્ણં ચ તૌ ક્રમાત્

કુર્યાત્સુધૂમ્રં દણ્ડં ચ ધવલં ચેશ્વરં બુધઃ ॥
એવં યંત્રં સમાલિખ્ય રક્તં સદ્યેન વેષ્ટયેત્

તદુત્થેનૈવ નાદેન વિદ્યાદીશાનમીશ્વરિ ॥
તદ્વાસપંક્તીર્ગૃહ્ણીયાદાગ્નેયાદિક્રમેણ વૈ

કોષ્ઠાનિ કોણભાગેષુ ચત્વાર્યેતાનિ સુન્દરિ ॥
શુક્લેનાપૂર્ય્ય વર્ણાદિ ચતુષ્કં રક્તધાતુભિઃ

આપૂર્ય્ય તાનિ ચત્વારિ દ્વારાણિ પરિકલ્પયેત્ ॥
તતસ્તત્પાર્શ્વયોર્દ્વંદ્વં પીતેનૈવ પ્રપૂરયેત્

આગ્નેયકોષ્ઠમધ્યે તુ પીતાભે ચતુરસ્રકે ॥
અષ્ટપત્રં લિખેત્પદ્મં રક્તાભં પીતકર્ણિકમ્

હકારં વિલિખેન્મધ્યે વિન્દુયુક્તં સમાહિતઃ ॥
પદ્મસ્ય નૈરૃતે કોષ્ઠે ચતુરસ્રન્તદા લિખેત્

પદ્મમષ્ટદલં રક્તં પીતકિંજલ્કકર્ણિકમ્ ॥।
શવર્ગસ્ય તૃતીયન્તુ ષષ્ઠસ્વરસમન્વિતમ્

ચતુર્દશસ્વરોપેતં બિન્દુનાદવિભૂષિતમ્ ॥
એતદ્બીજવરં ભદ્રે પદ્મમધ્યે સમાલિખેત્॥

પદ્મસ્યેશાનકોષ્ઠે તુ તથા પદ્મં સમાલિખેત્ ॥
કવર્ગસ્ય તૃતીયં તુ પંચમસ્વરસંયુતમ્

વિલિખેન્મધ્યતસ્તસ્ય બિન્દુકણ્ઠે સ્વલંકૃતમ્ ॥
તદ્બાહ્યપંક્તિત્રિતયે પૂર્વાદિપરિતઃ ક્રમાત્

કોષ્ઠાનિ પંચ ગૃહ્રીયાદ્ગિરિરાજસુતે શિવે ॥
મધ્યે તુ કર્ણિકાં કુર્યાત્પીતાં રક્તં ચ વૃત્તકમ્

દલાનિ રક્તવર્ણાનિ કલ્પયેત્કલ્પવિત્તમઃ॥
દલબાહ્યે તુ કૃષ્ણેન રંધ્રાણિ પરિપૂરયેત્

આગ્નેયાદીનિ ચત્વારિ શુક્લેનૈવ પ્રપૂરયેત્॥
પૂર્વે ષડ્બિન્દુસહિતં ષટ્કોણં કૃષ્ણમાલિખેત્

રક્તવર્ણં દક્ષિણતસ્ત્રિકોણં ચોત્તરે તતઃ॥
શ્વેતાભમર્દ્ધચન્દ્રં ચ પીતવર્ણં ચ પશ્ચિમે

ચતુરસ્રં ક્રમાત્તેષુ લિખેદ્બીજચતુષ્ટયમ્॥
પૂર્વે બિન્દું સમાલિખ્ય શુભ્રં કૃષ્ણં તુ દક્ષિણે

ઉકારમુત્તરે રક્તં મકારં પશ્ચિમે તતઃ॥
અકારં પીતમેવં તુ કૃત્વા વર્ણચતુષ્ટયમ્

સર્વોર્દ્ધ્વપંક્ત્યધઃ પંક્તૌ સમારભ્ય ચ સુન્દરિ॥
પીતં શ્વેતં ચ રક્તં ચ કૃષ્ણં ચેતિ ચતુષ્ટયમ્

તદધો ધવલં શ્યામં પીતં રક્તં ચતુષ્ટયમ્ ॥
અધસ્ત્રિકોણકે રક્તં શુક્લં પીતં વરાનને

એવન્દક્ષિણમારભ્ય કુર્યાત્સોમાન્તમીશ્વરિ॥
તદ્બાહ્યપંક્તૌ પૂર્વાદિમધ્યમાન્તં વિચિત્રયેત્

પીતં રક્તં ચ કૃષ્ણં ચ શ્યામં શ્વેતં ચ પીતકમ્ ॥
આગ્રેય્યાદિ સમારભ્ય રક્તં શ્યામં સિતં પ્રિયે

રક્તં કૃષ્ણં ચ રક્તં ચ ષટ્કમેવ પ્રકીર્તિતમ્ ॥
દક્ષિણાદ્યં મહેશાનિ પૂર્વાવધિ સમીરિતમ્

નૈરૃતાદ્યન્તુ વિજ્ઞેયમાગ્નેયાવધિ ચેશ્વરિ ॥
વારુણં તુ સમારભ્ય દક્ષિણાવધિ ચેરિતમ

વાયવ્યાદ્યં મહાદેવિ નૈરૃતાવધિ ચેરિતમ્ ॥
સોમાર્થં પરમેશાનિ વારુણાવધિ ચેરિતમ્

ઈશાનાદ્યં તુ વિજ્ઞેયં વાયવ્યાવધિ ચામ્બિકે ॥
ઇત્યુક્તો મણ્ડલવિધિર્મયા તુભ્યં ચ પાર્વતિ

એવં મણ્ડલમાલિખ્ય નિયતાત્મા યતિસ્સ્વતઃ ॥
સૌરપૂજાં પ્રકુર્વીત સ હિ તદ્વસ્તુતત્પરઃ

ઇતિ શ્રીશિવમહાપુરાણે ષષ્ઠ્યાં કૈલાસસંહિતાયાં સંન્યાસમણ્ડલવિધિવર્ણનં નામ પંચમોઽધ્યાયઃ