શિવ પુરાણ · અધ્યાય 3.17

શૃણ્વથો ગિરિશસ્યાદ્યાવતારાન્ દશસંખ્યકાન્ ॥
મહાકલમુખાન્ ભક્ત્યોપાસનાકાણ્ડસેવિતાન્

તત્રાદ્યો હિ મહાકાલો ભુક્તિમુક્તિપ્રદસ્સતામ્ ॥
શક્તિસ્તત્ર મહાકાલી ભક્તેપ્સિતફલપ્રદા

તારનામા દ્વિતીયશ્ચ તારા શક્તિસ્તથૈવ સા ॥
ભુક્તિમુક્તિપ્રદૌ ચોભૌ સ્વસેવકસુખપ્રદૌ

ભુવનેશો હિ બાલાહ્વસ્તૃતીયઃ પરિકીર્તિતઃ ॥
ભુવનેશી શિવા તત્ર બાલાહ્વા સુખદા સતામ્

શ્રીવિદ્યેશઃ ષોડશાહ્વઃ શ્રીર્વિદ્યા ષોડશી શિવા ॥
ચતુર્થો ભક્ત સુખદો ભુક્તિમુક્તિફલપ્રદઃ

પઞ્ચમો ભૈરવઃ ખ્યાતઃ સર્વદા ભક્તકામદઃ ॥
ભૈરવી ગિરિજા તત્ર સદુપાસકકામદા

છિન્નમસ્તકનામાસૌ શિવઃ ષષ્ઠઃ પ્રકીર્તિતઃ ॥
ભક્તકામપ્રદા ચૈવ ગિરિજા છિન્નમસ્તકા

ધૂમવાન્ સપ્તમઃ શમ્ભુસ્સર્વકામફલપ્રદઃ ॥
ધૂમવતી શિવા તત્ર સદુપાસકકામદા

શિવાવતારઃ સુખદો હ્યષ્ટમો બગલામુખઃ ॥
શક્તિસ્તત્ર મહાનન્દા વિખ્યાતા બગલામુખી

શિવાવતારો માતઙ્ગો નવમઃ પરિકીર્તિતઃ ॥
માતંગી તત્ર શર્વાણી સર્વકામફલપ્રદા

દશમઃ કમલઃ શમ્ભુર્ભુક્તિમુક્તિફલપ્રદઃ ॥
કમલા ગિરિજા તત્ર સ્વભક્તપરિપાલિની

એતે દશમિતાઃ શૈવા અવતારાસ્સુખપ્રદાઃ ॥
ભુક્તિમુક્તિપ્રદાશ્ચૈવ ભક્તાનાં સર્વદાસ્સતામ્

એતે દશાવતારા હિ શંકરસ્ય મહાત્મનઃ ॥
નાનાસુખપ્રદા નિત્યં સેવતાં નિર્વિકારતઃ ॥ ૧ ૩॥
એતદ્દશાવતારાણાં માહાત્મ્યં વર્ણિતં મુને ॥
સર્વકામપ્રદં જ્ઞેયં તંત્રશાસ્ત્રાદિગર્ભિતમ્

એતાસામાદિશક્તીનામદ્ભુતો મહિમા મુને ॥
સર્વકામપ્રદો જ્ઞેયસ્તત્રંશાસ્ત્રાદિગર્ભિતઃ

શત્રુમારણકાર્ય્યાદૌ તત્તચ્છક્તિઃ પરા મતા ॥
ખલ દણ્ડકરી નિત્યમ્બ્રહ્મતેજોવિવર્દ્ધિની

ઇત્યુક્તાસ્તે મયા બ્રહ્મન્નવતારા મહેશિતુઃ॥
સશક્તિકા દશમિતા મહાકાલમુખાશ્શુભાઃ

શૈવપર્વસુ સર્વેષુ યોઽધીતે ભક્તિતત્પરઃ ॥
એતદાખ્યાનમમલં સોતિશમ્ભુપ્રિયો ભવેત્

બ્રહ્મણો બ્રહ્મવર્ચસ્વી ક્ષત્રિયો વિજયી ભવેત ॥
ધનાધિપો હિ વૈશ્યઃ સ્યાચ્છૂદ્રઃ સુખમવાપ્નુયાત્

શાંકરા નિજધર્મસ્થાઃ શૃણ્વન્તશ્ચરિતન્ત્વિદમ્॥
સુખિનઃ સ્યુર્વિશેષેણ શિવભક્તા ભવન્તુ ચ

ઇતિ શ્રીશિવમહાપુરાણે તૃતીયાયાં શતરુદ્રસંહિતાયાં શિવદશાવતારવર્ણનં નામ સપ્તદશોઽધ્યાયઃ ॥૧૭।