ગ્રંથ પાઠ

શિવ પુરાણ · અધ્યાય 2.3.37

2.3.37.1

નારદ ઉવાચ ॥
તાત પ્રાજ્ઞ વદેદાનીં સપ્તર્ષિષુ ગતેષુ ચ ॥
કિમકાર્ષીદ્ધિમગિરિસ્તન્મે કૃત્વા કૃપાં પ્રભો

2.3.37.2

॥ બ્રહ્મોવાચ ॥
ગતેષુ તેષુ મુનિષુ સપ્તસ્વપિ મુનીશ્વર ॥
સારુન્ધતીષુ હિમવાન્ યદકાર્ષીદ્બ્રવીમિ તે

2.3.37.3

તત આમન્ત્ર્ય સ્વભ્રાતૄન્ મેર્વાદીન્ સસુતપ્રિયઃ ॥
મહામનાસ્સ મુમુદે હિમવાન્ પર્વતેશ્વરઃ

2.3.37.4

તદાજ્ઞપ્તસ્તતઃ પ્રીત્યા હિમવાન્ લગ્ન પત્રિકામ્ ॥
લેખયામાસ સુપ્રીત્યા ગર્ગેણ સ્વપુરોધસા

2.3.37.5

અથ પ્રસ્થાપયામાસ તાં શિવાય સ પત્રિકામ્॥
નાનાવિધાસ્તુ સામગ્ર્યઃ સ્વજનૈર્મુદિતાત્મભિઃ

2.3.37.6

તે જનાસ્તત્ર ગત્વા ચ કૈલાસે શિવસન્નિધિમ્ ॥
દદુશ્શિવાય તત્પત્રં તિલકં સમ્વિધાય ચ

2.3.37.7

સન્માનિતા વિશેષેણ પ્રભુણા ચ યથોચિતમ્ ॥
સર્વે તે પ્રીતિમનસ આજગ્મુશ્શૈલસન્નિધિમ્

2.3.37.8

સન્માનિતાન્વિશેષેણ મહેશેનાગતાઞ્જનાન્ ॥
દૃષ્ટ્વા સુહર્ષિતાઞ્ચ્છૈલો મુમોદાતીવ ચેતસિ

2.3.37.9

તતો નિમન્ત્રણં ચક્રે સ્વબન્ધૂનાં પ્રમોદિતઃ ॥
નાનાદેશસ્થિતાનાઞ્ચ નિખિલાનાં સુખાસ્પદમ્

2.3.37.2.3.37.10

તતસ્સ કારયામાસ સ્વર્ણસંગ્રહમાદરાત્ ॥
નાનાવિધાશ્ચ સામગ્રીર્વિવાહકરણોચિતાઃ

2.3.37.11

તણ્ડુલાનાં બહૂઞ્છૈલાન્ પૃથુકાનાં તથૈવ ચ ॥
ગુડાનાં શર્કરાણાઞ્ચ લવણાનાં તથૈવ ચ

2.3.37.12

ક્ષીરાણાં ચ ઘૃતાનાઞ્ચ દધ્નાં વાપીશ્ચકાર સઃ॥
યવાદિધાન્યપિષ્ટાનાં લડ્ડુકાનાં તથૈવ ચ

2.3.37.13

શષ્કુલીનાં સ્વસ્તિકાનાં શર્કરાણાં તથૈવ ચ ॥
અમૃતેક્ષુરસાનાં ચ તત્ર વાપીશ્ચકાર સઃ

2.3.37.14

બહ્વીર્હૈયંગવાનાઞ્ચ હ્યાસવાનાં તથૈવ ચ ॥
નાના પક્વાન્નસંઘાંશ્ચ મહાસ્વાદુરસાઁસ્તથા

2.3.37.19

નાના વ્યઞ્જનવસ્તૂનિ ગણદેવહિતાનિ ચ ॥
અમૂલ્યનાનાવસ્ત્રાણિ વહ્નિશૌચાનિ યાનિ ચ

2.3.37.16

મણિરત્નપ્રકારાણિ સુવર્ણરજતાનિ ચ ॥
દ્રવ્યાણ્યેતાનિ ચાન્યાનિ સંગૃહ્ય વિધિપૂર્વકમ્

2.3.37.17

મંગલં કર્તુમારેભે ગિરિર્મંગલકૃદ્દિને ॥
સંસ્કારં કારયામાસુઃ પાર્વત્યાઃ પર્વતસ્ત્રિયઃ

2.3.37.18

તા મંગલં મુદા ચક્રુર્ભૂષિતા ભૂષણૈઃ સ્વયમ્ ॥
પુરદ્વિજસ્ત્રિયો દૃષ્ટ્વા લોકાચારં પ્રચક્રિરે

2.3.37.19

સોત્સવં વિવિધં તત્ર સુમંગલપુરસ્સરમ્ ॥
હિમાલયોઽપિ હૃષ્ટાત્મા કૃત્વાચારં સુમંગલમ્

2.3.37.2.3.37.20

સર્વભાવેન સુપ્રીતો બન્ધુવર્ગાગમોત્સુકઃ ॥
એતસ્મિન્નન્તરે તસ્ય બાન્ધવાશ્ચ નિમન્ત્રિતાઃ

2.3.37.21

આજગ્મુસ્સસ્ત્રિયો હૃષ્ટાસ્સસુતાસ્સપરિચ્છદાઃ ॥
તદૈવ શૃણુ દેવર્ષે ગિર્ય્યાગમનમાદૃતઃ

2.3.37.22

વર્ણયામિ સમાસેન શિવપ્રીતિવિવૃદ્ધયે ॥
દેવાલય ગિરિર્યો હિ દિવ્યરૂપધરો મહાન્

2.3.37.23

નાનારત્નપરિભ્રાજત્સમાજસ્સપરિચ્છદઃ ॥
નાનામણિમહારત્નસારમાદાય યત્નતઃ

2.3.37.24

સુવેષાલંકૃતઃ શ્રીમાન્ જગામ સ હિમાલયમ્ ॥
મન્દરસ્સર્વશોભાઢ્યસ્સનારીતનયો ગિરિઃ

2.3.37.25

સૂપાયનાનિ સંગૃહ્ય જગામ વિવિધાનિ ચ ॥
અસ્તાચલોપિ દિવ્યાત્મા સોપાયન ઉદારધીઃ

2.3.37.26

બહુશોભાસમાયુક્ત આજગામ મુદાન્વિતઃ ॥
ઉદયાચલ આદાય સદ્રત્નાનિ મણીનપિ

2.3.37.27

।
અત્યુત્કૃષ્ટપરીવાર આજગામ મહાસુખી ॥
મલયો ગિરિરાજો હિ સપરીવાર આદૃતઃ

2.3.37.28

સુદિવ્યરચનાયુક્ત આયયૌ બહુસદ્બલઃ ॥
સદ્યો દર્દુરનામા ચ મુદિતસ્સકલત્રકઃ

2.3.37.29

બહુશોભાન્વિતસ્તાતઃ યયૌ હિમગિરેર્ગૃહમ્॥
નિષદોપિ પ્રહૃષ્ટાત્મા સપરિચ્છદ આયયૌ

2.3.37.2.3.37.30

સસુતસ્ત્રીગણઃ પ્રીત્યા યયૌ હિમગિરેર્ગૃહમ્ ॥
આજગામ મહાભાગ્યો ભૂધરો ગન્ધમાદનઃ

2.3.37.32

કરવીરસ્તથૈવાપિ મહાવિભવ સંયુતઃ ॥
મહેન્દ્રઃ પર્વતશ્રેષ્ઠ આજગામ હિમાલયમ્ ॥૩ ૧ ॥
સગણસ્સસુતસ્ત્રીકો બહુશોભાસમન્વિતઃ ॥
પારિયાત્રો હિ હૃષ્ટાત્મા મણિ રત્નાકરસ્સયુત્

2.3.37.33

સગણસ્સપરીવાર આયયૌ હિમભૂધરમ્ ॥
ક્રૌઞ્ચઃ પર્વતરાજો હિ મહાબલપરિચ્છદઃ ॥
આજગામ ગિરિશ્રેષ્ઠસ્સ મુપાયન આદૃતઃ

2.3.37.34

પુરુષોત્તમશૈલોપિ સપરિચ્છદ આદૃતઃ ॥
મહોપાયનમાદાયાજગામ હિમભૂધરમ્

2.3.37.35

નીલઃ સલીલસ્સ સુતસ્સસ્ત્રીકો દ્રવ્યસંયુતઃ ॥
આજગામ હિમાગસ્ય ગૃહમાનન્દસંયુતઃ

2.3.37.36

ત્રિકૂટશ્ચિત્રકૂટોપિ વેંકટઃ શ્રીગિરિસ્તથા ॥
ગોકામુખી નારદશ્ચ હિમગેહમુપાગમત્

2.3.37.37

વિન્ધ્યશ્ચ પર્વતશ્રેષ્ઠો નાનાસમ્પત્સમન્વિતઃ ॥
આજગામ પ્રહૃષ્ટાત્મા સદારતનયશ્શુભઃ

2.3.37.38

કાલંજરો મહાશૈલો બહુહર્ષસમન્વિતઃ ॥
બહુભસ્સગણઃ પ્રીત્યાજગામહિમભૂધરમ્